ചായക്കടയിലെ പൊരിച്ച പത്തിരി ഇനി വീട്ടിൽ തയ്യാറാക്കാം

പൊരിച്ച പത്തിരി അഥവ എണ്ണ പത്തിരി പരമ്പരാഗത മലബാർ പലഹാരമാണ്. പുറമേ ക്രിസ്പിയും ഉള്ളിൽ സോഫ്റ്റുമായ ഈ പലഹാരം രാവിലെയും വൈകിട്ട് ചായക്കൊപ്പവും കഴിക്കാം. ചിക്കൻ കറിയും പൊരിച്ച പത്തിരിയും കിടിലൻ കോമ്പിനേഷനാണ്. അധികം എണ്ണ മയമില്ലാതെ ചായക്കടയിൽ കിട്ടുന്ന പത്തിരിയാണോ കഴിച്ചിട്ടുള്ളത്?. ഇനി അതേ രുചിയിൽ എണ്ണ പത്തിരി വീട്ടിൽ തയ്യാറാക്കാം. അൽപ്പം അരിപ്പൊടി വറുത്തെടുക്കേണ്ട താമസം മാത്രമേ ഉള്ളൂ. റാസ്ഫിയ തൻ്റെ ഇൻസ്റ്റഗ്രം പേജിലൂടെയാണ് മലബാർ പൊരിച്ച പത്തിരി റെസിപ്പി പരിചയപ്പെടുത്തി തരുന്നത്. 

ചേരുവകൾ

• തേങ്ങ- 1/2 കപ്പ്
• ജീരകം- 1/2 ടീസ്പൂൺ
• ചുവന്നുള്ളി- 12
• വെളുത്തുള്ളി- 8 അല്ലി
• പച്ചമുളക്- 2
• വെള്ളം- 3 കപ്പ്
• ഉപ്പ്- 1 ടീസ്പൂൺ
• അരിപ്പൊടി- 2 കപ്പ്
• എള്ള്- 1 ടീസ്പൂൺ
• വെളിച്ചെണ്ണ- ആവശ്യത്തിന്

View this post on Instagram

A post shared by Rasfiya NM (@rasfis_kitchen)

തയ്യാറാക്കുന്ന വിധം

• അര കപ്പ് തേങ്ങ ചിരകിയതിലേക്ക് അര ടീസ്പൂൺ ജീരകം ചേർത്ത് അരച്ച് മാറ്റി വയ്ക്കുക.
• 12 ചുവന്നുള്ളിയും, എട്ട് വെളുത്തുള്ളിയും, രണ്ട് പച്ചമുളകും അരച്ചെടുക്കുക.
• ഒരു പാൻ അടുപ്പിൽ വച്ച് ആവശ്യത്തിന് എണ്ണ ഒഴിച്ചു ചൂടാക്കുക.
• അതിലേക്ക് ചുവന്നുള്ളി അരച്ചെടുത്തതു ചേർത്തിളക്കി വേവിക്കുക.
• വെന്തു വരുമ്പോൾ മൂന്ന് കപ്പ് വെള്ളവും ഒപ്പം ഒരു ടീസ്പൂൺ ഉപ്പും ചേർത്തിളക്കി യോജിപ്പിക്കുക.
• രണ്ട് കപ്പ് വറുത്തെടുത്ത അരിപ്പൊടി ചേർത്തിളക്കി മാവ് തയ്യാറാക്കുക.
•  അടുപ്പണച്ച് അരച്ചെടുത്ത തേങ്ങയും ചേർത്തിളക്കി യോജിപ്പിക്കുക.
• മാവിൽ നിന്നും അൽപ്പം എടുത്ത് ഉരുട്ടി പരത്തുക.
• കട്ടി കുറയാതെ ഇടത്തരം വലിപ്പത്തിൽ പത്തിരിയുടെ ആകൃതിയിൽ മുറിച്ചെടുക്കുക.
• അടി കട്ടിയുള്ള ഒരു പാത്രം അടുപ്പിൽ വച്ച് ആവശ്യത്തിന് എണ്ണ ഒഴിച്ചു ചൂടാക്കുക. അതിലേക്ക് പത്തിരി ചേർത്തു വറുക്കുക.
• ബ്രൗൺ നിറം ആയതിനു ശേഷം എണ്ണയിൽ നിന്നും മാറ്റാം. പൊരിച്ച പത്തിരി തയ്യാർ.

Read More

• ബ്രെഡ് ഓംലെറ്റ് മുട്ടയില്ലാതെ തയ്യാറാക്കിയാലോ?
• ലേശം കയ്പില്ലാതെ പാവയ്ക്ക ചേർത്ത നാടൻ പുളിങ്കറി
• വെണ്ടയ്ക്ക ഉണ്ടെങ്കിൽ ചോറിന് ഇനി മറ്റൊരു കറി വേണ്ട
• ചൂടോടെ കഴിച്ചു നോക്കൂ ഈ ഇൻസ്റ്റൻ്റ് ചിക്കൻ സൂപ്പ്
• മുരിങ്ങയില സൂപ്പറാണ്, ചോറിനൊപ്പം കഴിക്കാൻ കിടിലൻ ചമ്മന്തി തയ്യാറാക്കാം
• ചമ്മന്തിയും കളർഫുൾ ആകും, ഇങ്ങനെ ചെയ്തു നോക്കൂ
• മൾട്ടി ഗ്രെയിൻ ബ്രെഡ് സാൻഡ്‌വിച്ച് ഇങ്ങനെ തയ്യാറാക്കാം
• ബട്ടർ മുറുക്ക് ക്രിസ്പിയാണ് കിടിലൻ രുചിയാണ്
• ഓറഞ്ച് തൊലി കളയല്ലേ, രുചികരമായ ചമ്മന്തി തയ്യാറാക്കാം
• അച്ചാർ അല്ല നെല്ലിക്ക ചേർത്ത സ്വാദിഷ്ടമായ രസമാണ്
• കറുമുറു കഴിക്കാൻ സ്പെഷ്യൽ കോളിഫ്ലവർ ഫ്രൈ, ഇതാ റെസിപ്പി
• വയറു നിറയെ കഴിക്കാൻ ഹെൽത്തി റാഗി കൊഴുക്കട്ട
• അരിപ്പൊടി വേണ്ട, പഞ്ഞിപോലെ പാലപ്പം ഇൻസ്റ്റൻ്റായി തയ്യാറാക്കാം
• ഉഗ്രൻ സ്വാദിൽ ഉള്ളി ചോറ്