ലേശവും കയ്പില്ലാതെ പാവയ്ക്ക ചേർത്ത നാടൻ പുളിങ്കറി

തേങ്ങ അരച്ച നാടൻ പുളിങ്കറി ചൂടോടെ ചോറിനൊപ്പം കഴിച്ചിട്ടുണ്ടോ?. ഇനിയും വൈകിയിട്ടില്ല, ട്രൈ ചെയ്യാം. ഒരോ പ്രദേശങ്ങളിലും വ്യത്യസ്ത രീതിയിൽ ആണ് പുളിങ്കറി തയ്യാറാക്കാറുള്ളത്. പച്ചക്കറികൾ ചേർത്തും, തേങ്ങ  വറുത്തരച്ചും, മധ്യ തിരുവിതാംകൂറിലെ പോലെ ഇവയൊന്നും ചേർക്കാതെയും പാകം ചെയ്യാം. വ്യത്യസ്തമായ രുചി ഭേദങ്ങളാണ് ഒരു കറിക്കു തന്നെയുള്ളത്. എന്നാൽ ഇനി പാവയ്ക്ക ചേർത്ത് പുളങ്കറി തയ്യാറാക്കി നോക്കൂ. ലേശം പോലും കയ്പില്ലാതെ വളരെ എളുപ്പത്തിൽ ചെയ്തെടുക്കാവുന്ന റെസിപ്പിയാണ്. ഐശ്വര്യ രാജ് തൻ്റെ ഇൻസ്റ്റഗ്രാം പേജിലൂടെയാണ് പാവയ്ക്ക പുളിങ്കറി തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• പാവയ്ക്ക
• ഉപ്പ്
• മഞ്ഞൾപ്പൊടി
• എണ്ണ
• കടുക്
• വെളുത്തുള്ളി
• വറ്റൽമുളക്
• സവാള
• പച്ചമുളക്
• തക്കാളി
• മുളകുപൊടി
• കാശ്മീരിമുളകുപൊടി
• മല്ലിപ്പൊടി
• കായപ്പൊടി
• വാളൻപുളി
• ശർക്കര

View this post on Instagram

A post shared by Aiswarya Raj (@mommycooltales_aishu)

തയ്യാറാക്കുന്ന വിധം

• ഒരു പാൻ അടുപ്പിൽ വച്ച് ആവശ്യത്തിന് എണ്ണ ഒഴിച്ചു ചൂടാക്കുക അതിലേക്ക് പാവയ്ക്ക കട്ടി കുറച്ച് വട്ടത്തിൽ അരിഞ്ഞതു ചേർക്കുക.
• കുറച്ച് ഉപ്പും, മഞ്ഞൾപ്പൊടിയും ചേർത്ത് പാവയ്ക്ക നന്നായി വേവിച്ച് മാറ്റി വയ്ക്കുക.
• അതേ പാനിലേയ്ക്ക് കുറച്ചു കൂടി വെളിച്ചെണ്ണ ഒഴിക്കുക.
• അൽപ്പം കടുക് ചേർത്ത് പൊട്ടിക്കുക.
• കുറച്ച് വറ്റൽമുളകും, വെളുത്തുള്ളിയും ചേർത്തു വഴറ്റുക.
• ഇടത്തരം വലിപ്പമുള്ള സവാള കഷ്ണങ്ങളാക്കിയതും രണ്ട് പച്ചമുളകും ചേർത്തു വേവിക്കുക.
• പച്ചക്കറികൾ വെന്തു വരുമ്പോൾ തക്കാളി ഉടച്ചെടുത്തതു ചേർത്തിളക്കുക.
• വെന്തു വരുമ്പോൾ അൽപ്പം മഞ്ഞൾപ്പൊടി, കാശ്മീരിമുളകുപൊടി, സാധാരണ മുളകുപൊടി, രണ്ട് ടേബിൾസ്പൂൺ മല്ലിപ്പൊടി, അൽപ്പം കായപ്പൊടിയും ചേർത്തിളക്കി യോജിപ്പിക്കുക.
• വേവിച്ചു മാറ്റി വച്ച പാവയ്ക്ക് അതിലേക്കു ചേർക്കുക.
• നെല്ലിക്ക വലിപ്പത്തിലുള്ള വാളൻപുളി വെള്ളത്തിൽ കുതിർത്തു വച്ചതു ചേർത്ത് മസാലകളെല്ലാം ഇളക്കി യോജിപ്പിക്കുക.
• പത്ത് മുതൽ പതിനഞ്ച് മിനിറ്റു വരെ വേവിക്കുക.
• തിളച്ചു വരുമ്പോൾ അടുപ്പണച്ച് അൽപ്പം കറിവേപ്പില കൂടി ചേർക്കാം. പാവയ്ക്ക പുളിങ്കറി തയ്യാറായിരിക്കുന്നു. 

Read More

• വെണ്ടയ്ക്ക ഉണ്ടെങ്കിൽ ചോറിന് ഇനി മറ്റൊരു കറി വേണ്ട
• ചൂടോടെ കഴിച്ചു നോക്കൂ ഈ ഇൻസ്റ്റൻ്റ് ചിക്കൻ സൂപ്പ്
• മുരിങ്ങയില സൂപ്പറാണ്, ചോറിനൊപ്പം കഴിക്കാൻ കിടിലൻ ചമ്മന്തി തയ്യാറാക്കാം
• ചമ്മന്തിയും കളർഫുൾ ആകും, ഇങ്ങനെ ചെയ്തു നോക്കൂ
• മൾട്ടി ഗ്രെയിൻ ബ്രെഡ് സാൻഡ്‌വിച്ച് ഇങ്ങനെ തയ്യാറാക്കാം
• ബട്ടർ മുറുക്ക് ക്രിസ്പിയാണ് കിടിലൻ രുചിയാണ്
• ഓറഞ്ച് തൊലി കളയല്ലേ, രുചികരമായ ചമ്മന്തി തയ്യാറാക്കാം
• അച്ചാർ അല്ല നെല്ലിക്ക ചേർത്ത സ്വാദിഷ്ടമായ രസമാണ്
• കറുമുറു കഴിക്കാൻ സ്പെഷ്യൽ കോളിഫ്ലവർ ഫ്രൈ, ഇതാ റെസിപ്പി
• വയറു നിറയെ കഴിക്കാൻ ഹെൽത്തി റാഗി കൊഴുക്കട്ട
• അരിപ്പൊടി വേണ്ട, പഞ്ഞിപോലെ പാലപ്പം ഇൻസ്റ്റൻ്റായി തയ്യാറാക്കാം
• ഉഗ്രൻ സ്വാദിൽ ഉള്ളി ചോറ്
• കടലക്കറി ഇങ്ങനെ പാകം ചെയ്തു നോക്കൂ
• ചെമ്മീൻ ചേർത്ത നാടൻ വാഴക്കൂമ്പ് തോരൻ