കടലക്കറി ഇങ്ങനെ പാകം ചെയ്തു നോക്കൂ

പുട്ടിനൊപ്പം നിങ്ങൾ എന്താണ് കഴിക്കാറുള്ളത്?. കടല കറി ഇഷ്ടമാണോ?. തേങ്ങ വറുത്തരച്ചോ, അല്ലെങ്കിൽ കടല അരച്ചതു ചേർത്തോ ആണ് സാധാരണ ഈ കറി തയ്യാറാക്കാറുള്ളത്. എന്നാലിനി തേങ്ങ വറുത്തെടുക്കാതെ തന്നെ അൽപ്പം ക്രീമിയായി ഒരു കറി ആയാലോ?. വളരെ പെട്ടെന്ന് തയ്യാറാക്കാവുന്ന രുചികരവും വ്യത്യസ്തവുമായ കടക്കറിയാണിത്. നുസീറ തൻ്റെ ഇൻസ്റ്റഗ്രാം പേജിലൂടെയാണ് ഇതിൻ്റെ റെസിപ്പി പരിചയപ്പെടുത്തി തരുന്നത്. 

ചേരുവകൾ 

• കടല- 1 കപ്പ്
• തേങ്ങ- 1
• കശുവണ്ടി- 12
• ഗ്രാമ്പൂ- 3
• ഏലയ്ക്ക- 1
• കറുവാപ്പട്ട- 1
• പെരുംജീരകം- 1/2 ടീസ്പൂൺ
• മല്ലി- 1/2 ടീസ്പൂൺ
• വെളിച്ചെണ്ണ- 1 ടേബിൾസ്പൂൺ
• ചുവന്നുള്ളി- 10
• തക്കാളി- 2
• പച്ചമുളക്- 4
• ഉപ്പ്- ആവശ്യത്തിന്
• കറിവേപ്പില- ആവശ്യത്തിന്

View this post on Instagram

A post shared by Nuseera PA (@dians_kannur_kitchen)

തയ്യാറാക്കുന്ന വിധം

• ഒരു കപ്പ് കടല വെള്ളത്തിൽ കുതിർത്തു വച്ചതിലേക്ക് അൽപ്പം ഉപ്പ് ചേർത്ത് വേവിച്ച് മാറ്റി വയ്ക്കുക.
• ഒരു തേങ്ങയുടെ പകുതി ചിരകിയതിലേക്ക് മൂന്ന് ഗ്രാമ്പൂ, ഒരു ഏലയ്ക്ക, ഒരു കറുവാപ്പട്ട, അര ടീസ്പൂൺ പെരുംജീരകം, അര ടീസ്പൂൺ മല്ലി, വെള്ളത്തിൽ കുതിർത്തു വച്ച 12 കശുവണ്ടി എന്നിവ ചേർത്ത് അരച്ചെടുത്ത് മാറ്റി വയ്ക്കുക.
• ഒരു പാൻ അടുപ്പിൽ വച്ച് ഒരു ടേബിൾസ്പൂൺ വെളിച്ചെണ്ണ ഒഴിച്ചു ചൂടാക്കുക.
• അതിലേക്ക് പത്ത് ചുവന്നുള്ളി ചെറുതായി അരിഞ്ഞത് ചേർത്തു വഴറ്റുക.
• ചുവന്നുള്ളിയുടെ നിറം മാറി വരുമ്പോൾ നാല് പച്ചമുളക് അരിഞ്ഞതും, ഇഞ്ചിയും വെളുത്തുള്ളിയും അരച്ചതും ചേർത്തിളക്കുക.
• രണ്ട് തക്കാളി കഷ്ണങ്ങളാക്കിയതു ചേർത്തു വഴറ്റുക.
• വേവിച്ച വച്ച കടലയും, തേങ്ങ അരച്ചെടുത്തതും ചേർത്തിളക്കി യോജിപ്പിക്കുക.
• ആവശ്യത്തിന് വെള്ളം ഒഴിച്ച് ഉപ്പ് കൂടി ചേർത്ത് തിളപ്പിക്കുക.
• അടുപ്പണച്ച് ഇഷ്ടാനുസരണം വിളമ്പാം.

Read More

• ചെമ്മീൻ ചേർത്ത നാടൻ വാഴക്കൂമ്പ് തോരൻ
• മുട്ട റോസ്റ്റ് ഇനി കൂടുതൽ രുചികരമാകും, ഈ മസാല ചേർത്താൽ മതി
• നത്തോലി പുളിയില ചുട്ടത് കഴിച്ചിട്ടുണ്ടോ? അസാധ്യ രുചിയാണ്
• വഴുതനങ്ങ ക്രിസ്പിയായി വറുത്ത് കഴിച്ചു നോക്കൂ
• പുഴുങ്ങിയ മുട്ട കൊണ്ട് അസാധ്യ രുചിയിൽ അവിയൽ, ഇതാണ് റെസിപ്പി
• അഞ്ച് മിനിറ്റിൽ ഹെൽത്തി റാഗി സൂപ്പ്
• നന്നായി പഴുത്ത പഴം ഉണ്ടെങ്കിൽ ഷാർജ ഷേക്ക് ഇനി വീട്ടിൽ തയ്യാറാക്കാം
• രാവിലെ ചൂടോടെ പനിയാരം കഴിച്ചാലോ?
• സിംപിളാണ് രുചികരവുമാണ് ഈ സാലഡ്
• സേമിയ എപ്പോഴെങ്കിലും ഇങ്ങനെ തയ്യാറാക്കി നോക്കൂ
• തട്ടുകടയിൽ പോകേണ്ട, കോയിൻ പൊറോട്ട ഇനി വീട്ടിൽ കിട്ടും