മുട്ട റോസ്റ്റ് ഇനി കൂടുതൽ രുചികരമാകും, ഈ മസാല ചേർത്താൽ മതി

രാവിലത്തെ ഭക്ഷണം ഹെൽത്തി ആകണമെങ്കിൽ മുട്ട കൂടി വേണം എന്ന് ചിന്തിക്കുന്നവരാണ് അധികം ആളുകളും. വെറുതെ പുഴുങ്ങി കഴിക്കുന്നതു കൂടതെ കറിയിൽ ചേർക്കുന്നവരും ഉണ്ട്. എന്നാൽ എപ്പോഴെങ്കിലും മുട്ട റോസ്റ്റ് ചെയ്ത് കഴിച്ചിട്ടുണ്ടോ?. കുരുമുളക് ചേർത്താണ് നാടൻ മുട്ട റോസ്റ്റ് സാധാരണ തയ്യാറാക്കാറുള്ളത്. എന്നാൽ അതേ കുരുമുളക് ഉപയോഗിച്ച് ഒരു സീക്രട്ട് മസാല പൊടിച്ചെടുത്ത് മുട്ടയിൽ ചേർത്ത് നോക്കൂ. ദീപ്തി വൈഷ്ണവി തൻ്റെ ഇൻസ്റ്റഗ്രാം പേജിലൂടെയാണ് ഈ സ്പെഷ്യ എഗ് റോസ്റ്റ് റെസിപ്പി പരിചയപ്പെടുത്തി തരുന്നത്. 

ചേരുവകൾ

• കുരുമുളക്- 1 ടീസ്പൂൺ
• മല്ലി- 1 ടീസ്പൂൺ
• ജീരകം- 1 ടീസ്പൂൺ
• പെരുംജീരകം- 1 ടീസ്പൂൺ
• കറുവാപ്പട്ട- 2 ഇഞ്ച്
• ഗ്രാമ്പൂ- 3
• വറ്റൽമുളക്- 5
• മുട്ട-5
• ചുവന്നുള്ളി- 10
• സവാള- 1
• പച്ചമുളക്- 4
• കറിവേപ്പില- ആവശ്യത്തിന്
• ഉപ്പ- 2 ടീസ്പൂൺ
• മഞ്ഞൾപ്പൊടി- 1/4 ടീസ്പൂൺ
• മുളകുപൊടി- 1 ടീസ്പൂൺ
• ഇഞ്ചി വെളുത്തുള്ളി അരച്ചത്- 2 ടീസ്പൂൺ
• വെളിച്ചെണ്ണ- ആവശ്യത്തിന്
• മല്ലിയില- ആവശ്യത്തിന്

View this post on Instagram

A post shared by Deepthi Vaishnavy (@kaaram.kathalu)

തയ്യാറാക്കുന്ന വിധം

• അടി കട്ടിയുള്ള ഒരു പാത്രം അടുപ്പിൽ വച്ച് ഒരു ടീസ്പൂൺ കുരുമുളക് ചേർക്കുക.
•  ഒരു ടീസ്പൂൺ മല്ലി, ഒരു ടീസ്പൂൺ പെരംജീരകം, ഒരു ടീസ്പൂൺ ചെറിയ ജീരകം, ചെറിയ കഷ്ണം കറുവാപ്പട്ട, 3 ഗ്രാമ്പൂ, അഞ്ച് വറ്റൽമുളക് എന്നിവ ഒപ്പം ചേർത്ത് വറുക്കുക.
• ഇവ നന്നായി വറുത്തെടുത്ത് ചൂടാറിയതിനു ശേഷം പൊടിച്ച് മാറ്റി വയ്ക്കുക.
•  അഞ്ച് മുട്ട പുഴുങ്ങിയെടുക്കുക. തണുത്തതിനു ശേഷം തോട് കളഞ്ഞ് നീളത്തിൽ കഷ്ണങ്ങളാക്കി വയ്ക്കുക.
• ഒരു പാൻ അടുപ്പിലേക്ക് വച്ച് ആവശ്യത്തിന് എണ്ണ ഒഴിച്ചു ചൂടാക്കുക.
• നാല് പച്ചമുളക്,കറിവേപ്പില എന്നിവ ചേർത്ത് ഇളക്കുക.
• ചെറുതായി അരിഞ്ഞ പത്ത് ചുവന്നുള്ളി, ഇടത്തരം വലിപ്പമുള്ള ഒരു സവാളയും ചേർത്ത് വഴറ്റുക.
• ഇഞ്ചിയും വെളുത്തുള്ളിയും അരച്ചത് രണ്ട് ടീസ്പൂൺ ചേർത്തിളക്കി യോജിപ്പിക്കുക. കാൽ ടീസ്പൂൺ മഞ്ഞൾപ്പൊടി, ഒരു ടീസ്പൂൺ മുളകുപൊടി, രണ്ട് ടീസ്പൂൺ ഉപ്പും ചേർക്കുക.
•  കഷ്ണങ്ങളാക്കിയ മുട്ട ചേർത്തിളക്കുക.പൊടിച്ചെടുത്ത കുരുമുളക് മസാലയും, കറിവേപ്പില ചെറിയ കഷ്ണങ്ങളാക്കിയതും, അൽപ്പം മല്ലിയിലയും ചേർത്തിളക്കി യോജിപ്പിച്ച് അടുപ്പിൽ നിന്ന് മാറ്റാം.

Read More

• നത്തോലി പുളിയില ചുട്ടത് കഴിച്ചിട്ടുണ്ടോ? അസാധ്യ രുചിയാണ്
• വഴുതനങ്ങ ക്രിസ്പിയായി വറുത്ത് കഴിച്ചു നോക്കൂ
• പുഴുങ്ങിയ മുട്ട കൊണ്ട് അസാധ്യ രുചിയിൽ അവിയൽ, ഇതാണ് റെസിപ്പി
• അഞ്ച് മിനിറ്റിൽ ഹെൽത്തി റാഗി സൂപ്പ്
• നന്നായി പഴുത്ത പഴം ഉണ്ടെങ്കിൽ ഷാർജ ഷേക്ക് ഇനി വീട്ടിൽ തയ്യാറാക്കാം
• രാവിലെ ചൂടോടെ പനിയാരം കഴിച്ചാലോ?
• സിംപിളാണ് രുചികരവുമാണ് ഈ സാലഡ്
• സേമിയ എപ്പോഴെങ്കിലും ഇങ്ങനെ തയ്യാറാക്കി നോക്കൂ
• തട്ടുകടയിൽ പോകേണ്ട, കോയിൻ പൊറോട്ട ഇനി വീട്ടിൽ കിട്ടും
• മധുരമൂറുന്ന നൂൽ അട, നാടൻ രുചിക്കൂട്ടിൽ
• നത്തോലി ചില്ലറക്കാരനല്ല, ഉഗ്രൻ ടേസ്റ്റിൽ ഒരു തോരൻ തയ്യാറാക്കാം
• മിനിറ്റുകൾക്കുള്ളിൽ തയ്യാറാക്കാം ഈ നാരങ്ങ അച്ചാർ