വയറു നിറയെ കഴിക്കാൻ ഹെൽത്തി റാഗി കൊഴുക്കട്ട

കാൽസ്യം, പൊട്ടാസ്യം, അയൺ, വിറ്റാമിൻ ബി6, ഫോളിക് ആസിഡ്, ആന്റി ഓക്സിഡന്റ് ​എന്നിവയാൽ സമ്പന്നമായ ധാന്യമാണ് റാഗി. മുത്താറിയെന്നും പഞ്ഞപ്പുല്ലെന്നുമൊക്കെ റാഗിയെ വിളിക്കാറുണ്ട്. പ്രമേഹം, കൊളസ്ട്രോൾ എന്നിവ കുറയ്ക്കുന്ന റാഗി ദഹന സഹായിയാണ്.   മലബന്ധം തുടങ്ങി ദഹന സംബന്ധമായ പ്രശ്നങ്ങൾ തടയാൻ ഇത് സഹായിക്കുന്നു. വിശപ്പ് ശമിപ്പിച്ച് ഭക്ഷണം അമിതായി കഴിക്കുന്നത് ഒഴിവാക്കുന്നതിലൂടെ ശരീരഭാര നിയന്ത്രണത്തിനും റാഗി ഗുണം ചെയ്യും. ഇരുമ്പിന്റെ അംശം കൂടുതലുള്ളതിനാൽ വിളർച്ച പ്രതിരോധിക്കാനും നല്ലതാണ്. 

 അരിപ്പൊടിയും ഗോതമ്പും ഇല്ലെങ്കിലും റാഗി ഉണ്ടെങ്കിൽ ബ്രേക്ക്ഫാസ്റ്റും വൈകിട്ടത്തെ പലഹാരവും തയ്യാറാക്കാൻ സാധിക്കും. അരിപ്പൊടി ഉപയോഗിച്ച് സാധാരണ വേവിച്ചെടുക്കാറുള്ള കൊഴുക്കട്ട കഴിക്കാത്തവരുണ്ടോ?. ഇനി അരിപ്പൊടിക്കു പകരം അൽപ്പം റാഗി പൊടിച്ചതും, നട്സും ചേർത്ത് ഹെൽത്തിയായി കൊഴുക്കട്ട തയ്യാറാക്കിയാലോ?. ഷമീസ് തൻ്റെ ഇൻസ്റ്റഗ്രാം പേജിലൂടെയാണ് റാഗി കൊഴുക്കട്ട റെസിപ്പി പരിചയപ്പെടുത്തി തരുന്നത്. 

ചേരുവകൾ

• റാഗി പൊടി- 1 കപ്പ്
• തേങ്ങ- 1/2 കപ്പ്
• കശുവണ്ടി- 2 ടേബിൾസ്പൂൺ
• നിലക്കടല- 2 ടേബിൾസ്പൂൺ
• ശർക്കര- 1/2 കപ്പ്
• വെള്ളം- 1/2 കപ്പ്
• ഏലയ്ക്ക പൊടി- 1/2 ടീസ്പൂൺ
• ഉപ്പ്- ആവശ്യത്തിന്
• നെയ്യ്- 1 ടേബിൾസ്പൂൺ

View this post on Instagram

A post shared by Shamees Kitchen (@shamees_kitchen)

തയ്യാറാക്കുന്ന വിധം

• അടി കട്ടിയുള്ള ഒരു പാത്രം അടുപ്പിൽ വച്ച് ഒരു കപ്പ് റാഗിപ്പൊടി ചേർത്തു വറുക്കുക.
• അതിലേക്ക് അര കപ്പ് തേങ്ങ ചിരകിയത് കൂടി ചേർത്തു വറുക്കുക.
• അടുപ്പിൽ നിന്ന് മാറ്റി തണുക്കാൻ വയ്ക്കുക.
• അതേ പാത്രത്തിലേക്ക് രണ്ട് ടേബിൾസ്പൂൺ കശുവണ്ടി, നിലക്കടല എന്നിവ ചേർത്ത് വറുത്തെടുക്കുക.
• വറുത്ത നട്സ് മാറ്റി വയ്ക്കുക. പാത്രത്തിലേക്ക് അര കപ്പ് ശർക്കര ചേർക്കുക.
• ഇതിൽ അര കപ്പ് വെള്ളം ഒഴിച്ച് അലിയിച്ചെടുക്കുക.
• ശർക്കര അലിഞ്ഞതിനു ശേഷം അരിച്ചെടുക്കുക.
• വറുത്ത വച്ചിരിക്കുന്ന തേങ്ങയും റവയും ഒരു ബൗളിലേക്കു മാറ്റുക.
• വറുത്തെടുത്ത നട്സ് പൊടിച്ചു ചേർക്കുക.
•  അര ടീസ്പൂൺ ഏലയ്ക്കപ്പൊടി, ഒരു ടേബിൾസ്പൂൺ നെയ്യ്, ആവശ്യത്തിന് ഉപ്പ് എന്നിവ ചേർക്കുക.
•  ശർക്കര ലായനി അൽപ്പം വീതം ഒഴിച്ചിളക്കുക. റാഗിയിൽ നിന്ന് ആവശ്യത്തിന് എടുത്ത് ചെറിയ ഉരുളകളാക്കി ആവിയിൽ വേവിക്കുക.

Read More

• അരിപ്പൊടി വേണ്ട, പഞ്ഞിപോലെ പാലപ്പം ഇൻസ്റ്റൻ്റായി തയ്യാറാക്കാം
• ഉഗ്രൻ സ്വാദിൽ ഉള്ളി ചോറ്
• കടലക്കറി ഇങ്ങനെ പാകം ചെയ്തു നോക്കൂ
• ചെമ്മീൻ ചേർത്ത നാടൻ വാഴക്കൂമ്പ് തോരൻ
• മുട്ട റോസ്റ്റ് ഇനി കൂടുതൽ രുചികരമാകും, ഈ മസാല ചേർത്താൽ മതി
• നത്തോലി പുളിയില ചുട്ടത് കഴിച്ചിട്ടുണ്ടോ? അസാധ്യ രുചിയാണ്
• വഴുതനങ്ങ ക്രിസ്പിയായി വറുത്ത് കഴിച്ചു നോക്കൂ
• പുഴുങ്ങിയ മുട്ട കൊണ്ട് അസാധ്യ രുചിയിൽ അവിയൽ, ഇതാണ് റെസിപ്പി
• അഞ്ച് മിനിറ്റിൽ ഹെൽത്തി റാഗി സൂപ്പ്
• നന്നായി പഴുത്ത പഴം ഉണ്ടെങ്കിൽ ഷാർജ ഷേക്ക് ഇനി വീട്ടിൽ തയ്യാറാക്കാം
• രാവിലെ ചൂടോടെ പനിയാരം കഴിച്ചാലോ?
• സിംപിളാണ് രുചികരവുമാണ് ഈ സാലഡ്
• സേമിയ എപ്പോഴെങ്കിലും ഇങ്ങനെ തയ്യാറാക്കി നോക്കൂ
• തട്ടുകടയിൽ പോകേണ്ട, കോയിൻ പൊറോട്ട ഇനി വീട്ടിൽ കിട്ടും