അച്ചാർ അല്ല നെല്ലിക്ക ചേർത്ത സ്വാദിഷ്ടമായ രസമാണ്

നെല്ലിക്ക കിട്ടിയാൽ നിങ്ങൾ എന്ത് ചെയ്യും?. ഉപ്പിലിടാം, അച്ചാറാക്കാം, ഇതു മാത്രമാണോ മുമ്പിലുള്ള ഓപ്ഷൻ?. ഇനി നെല്ലിക്ക കിട്ടിയാൽ കുറച്ചെടുത്ത് മാറ്റി വച്ചോളൂ. ഊണിനൊപ്പം സൊയമ്പൻ രസം തന്നെ തയ്യാറാക്കാം. വളരെ പെട്ടെന്നു തന്നെ പാകം ചെയ്തെടുക്കാം. നെല്ലിക്ക ആയതിനാൽ ആരോഗ്യത്തിനും ദഹനത്തിനും ധാരാളം ഗുണങ്ങൾ ലഭിക്കും. ഈസി കുക്കിംഗ് കോയമ്പത്തൂർ എന്ന ഇൻസ്റ്റഗ്രാം പേജാണ് നെല്ലിക്ക രസം റെസിപ്പി പരിചയപ്പെടുത്തി തരുന്നത്.

ചേരുവകൾ

• നെല്ലിക്ക
• കുരുമുളക്
• കറിവേപ്പില
• കായം
• മഞ്ഞൾപ്പൊടി
• ഉപ്പ്
• മല്ലിയില
• വറ്റൽമുളക്
• കടുക്
• നെയ്യ്
• കറിവേപ്പില
• തുവരപരിപ്പ്

View this post on Instagram

A post shared by Easy cooking coimbatore (@easy_cookingcoimbatore)

തയ്യാറാക്കുന്ന വിധം

• ആവശ്യത്തിന് നെല്ലിക്ക നന്നായി കഴുകി കുരു കളഞ്ഞെടുക്കുക.
• അതിലേക്ക് കുരുമുളക്, കായപ്പൊടി, കറിവേപ്പില, പച്ചമുളക്, മഞ്ഞൾപ്പൊടി എന്നിവ ചേർത്ത് ചതച്ചെടുക്കുക.
• ഒരു പാത്രം അടുപ്പിൽ വച്ച് തുവര പരിപ്പ് ചേർത്ത് അൽപ്പം വെള്ളം ഒഴിച്ചു വേവിക്കുക.
• വേവിച്ച് ഉടച്ചെടുത്ത തുവരപരിപ്പിലേക്ക് ചതച്ചു വച്ചിരിക്കുന്ന നെല്ലിക്കയും പച്ചമുളകും ചേർക്കുക.
• അത് അടുപ്പിൽ വച്ച്  അൽപ്പം മല്ലിയിലും ആവശ്യത്തിന് ഉപ്പും ചേർത്ത് തിളപ്പിക്കുക.
• ഒരു പാൻ അടുപ്പിൽ വച്ച് നെയ്യ് ഒഴിച്ചു ചൂടാക്കി കടുക് ചേർത്ത് പൊട്ടിക്കുക.
•  കടുക് പൊട്ടിയതിനു ശേഷം വറ്റൽമുളകും, കറിവേപ്പിലയും ചേർത്ത് വറുക്കുക.
• തിളപ്പിച്ചെടുത്ത രസത്തിലേക്ക് അത് ചേർത്തിളക്കി യോജിപ്പിക്കുക. ചോറിനൊപ്പം കഴിച്ചു നോക്കൂ.

Read More

• കറുമുറു കഴിക്കാൻ സ്പെഷ്യൽ കോളിഫ്ലവർ ഫ്രൈ, ഇതാ റെസിപ്പി
• വയറു നിറയെ കഴിക്കാൻ ഹെൽത്തി റാഗി കൊഴുക്കട്ട
• അരിപ്പൊടി വേണ്ട, പഞ്ഞിപോലെ പാലപ്പം ഇൻസ്റ്റൻ്റായി തയ്യാറാക്കാം
• ഉഗ്രൻ സ്വാദിൽ ഉള്ളി ചോറ്
• കടലക്കറി ഇങ്ങനെ പാകം ചെയ്തു നോക്കൂ
• ചെമ്മീൻ ചേർത്ത നാടൻ വാഴക്കൂമ്പ് തോരൻ
• മുട്ട റോസ്റ്റ് ഇനി കൂടുതൽ രുചികരമാകും, ഈ മസാല ചേർത്താൽ മതി
• നത്തോലി പുളിയില ചുട്ടത് കഴിച്ചിട്ടുണ്ടോ? അസാധ്യ രുചിയാണ്
• വഴുതനങ്ങ ക്രിസ്പിയായി വറുത്ത് കഴിച്ചു നോക്കൂ
• പുഴുങ്ങിയ മുട്ട കൊണ്ട് അസാധ്യ രുചിയിൽ അവിയൽ, ഇതാണ് റെസിപ്പി
• അഞ്ച് മിനിറ്റിൽ ഹെൽത്തി റാഗി സൂപ്പ്
• നന്നായി പഴുത്ത പഴം ഉണ്ടെങ്കിൽ ഷാർജ ഷേക്ക് ഇനി വീട്ടിൽ തയ്യാറാക്കാം
• രാവിലെ ചൂടോടെ പനിയാരം കഴിച്ചാലോ?
• സിംപിളാണ് രുചികരവുമാണ് ഈ സാലഡ്