കറുമുറു കഴിക്കാൻ സ്പെഷ്യൽ കോളിഫ്ലവർ ഫ്രൈ, ഇതാ റെസിപ്പി

പുറമേ ക്രിസ്പിയും അകമേ സോഫ്റ്റുമായ ഒരുഗ്രൻ സ്നാക്കാണ് കോളിഫ്ലവർ വറുത്തത്. ചിക്കന് പകരമാണ് സാധാരണ കറിയിൽ ഇത് ഉപയോഗിക്കാറുള്ളത്. എന്നാൽ വറുത്തെടുത്താൽ ചോറിനൊപ്പമോ ചായക്കൊപ്പമോ കഴിക്കാം. അധികം വേവിച്ചെടുക്കേണ്ട ആവശ്യമില്ല. കോളിഫ്ലവർ പാചകം ചെയ്യുന്നതിനു മുമ്പായി കഷണങ്ങളാക്കി അൽപ്പം ചൂടുവെള്ളത്തിൽ മഞ്ഞൾപ്പൊടി ചേർത്ത് മുക്കി വയ്ക്കുക. അപർണ ജീവൻ തൻ്റെ ഇൻസ്റ്റഗ്രാം പേജിലൂടെയാണ് കോളിഫ്ലവർ ഫ്രൈ ചെയ്യാനുള്ള ഒരു സ്പെഷ്യൽ റെസിപ്പി പരിചയപ്പെടുത്തി തരുന്നത്. 

ചേരുവകൾ

• കോളിഫ്ലവർ
• കടലമാവ് 
• അരിപ്പൊടി
• മുളകുപൊടി
• ഗരംമസാല
• മഞ്ഞൾപ്പൊടി
• ഇഞ്ചി
• വെളുത്തുള്ളി 
• വെളിച്ചെണ്ണ
• പച്ചമുളക്
• സവാള
• കറിവേപ്പില

View this post on Instagram

A post shared by Photographer ✨Reels (@inji_pennu)

തയ്യാറാക്കുന്ന വിധം

• കോളിഫ്ലവർ കഷ്ണങ്ങളാക്കി ചൂടുവെള്ളത്തിൽ അൽപ്പം മഞ്ഞൾപ്പൊടി ചേർത്ത് കുറച്ചു സമയം മാറ്റി വയ്ക്കുക.
• ഒരു ബൗളിലേക്ക് ഒരു കപ്പ് കടലമാവ്, ഒരു കപ്പ് അരിപ്പൊടി എന്നിവ എടുക്കുക.
• അതിലേക്ക് എരിവിനനുസരിച്ച് മുളകുപൊടി, അൽപ്പം ഗരംമസാല, മഞ്ഞൾപ്പൊടി, ഇഞ്ചിയും വെളുത്തുള്ളിയും അരച്ചത് എന്നിവ ചേർത്ത് നന്നായി ഇളക്കി യോജിപ്പിക്കുക.
• വെള്ളത്തിൽ കുതിർത്തു വച്ചിരിക്കുന്ന കോളിഫ്ലവർ അതിലേക്കു ചേർത്തിളക്കുക.
• അടി കട്ടിയുള്ള ഒരു പാത്രം അടുപ്പിൽ വച്ച് ആവശ്യത്തിന് വെളിച്ചെണ്ണ ഒഴിച്ചു ചൂടാക്കുക.
• മസാല പുരട്ടി വച്ച കോളിഫ്ലവർ കഷ്ണങ്ങൾ ചേർത്ത് വറുക്കുക.
• ക്രിസ്പിയായി വറുത്തെടുത്ത കോളിഫ്ലവർ മറ്റൊരു പാത്രത്തിലേക്കു മാറ്റുക.
• അതേ എണ്ണയിലേക്ക് രണ്ടോ മൂന്നോ പച്ചമുളകും കറിവേപ്പിലയും ചേർത്തു വറുക്കുക. കോളിഫ്ലവറിനു മുകളിലേക്കു ചേർക്കുക. 

Read More

• വയറു നിറയെ കഴിക്കാൻ ഹെൽത്തി റാഗി കൊഴുക്കട്ട
• അരിപ്പൊടി വേണ്ട, പഞ്ഞിപോലെ പാലപ്പം ഇൻസ്റ്റൻ്റായി തയ്യാറാക്കാം
• ഉഗ്രൻ സ്വാദിൽ ഉള്ളി ചോറ്
• കടലക്കറി ഇങ്ങനെ പാകം ചെയ്തു നോക്കൂ
• ചെമ്മീൻ ചേർത്ത നാടൻ വാഴക്കൂമ്പ് തോരൻ
• മുട്ട റോസ്റ്റ് ഇനി കൂടുതൽ രുചികരമാകും, ഈ മസാല ചേർത്താൽ മതി
• നത്തോലി പുളിയില ചുട്ടത് കഴിച്ചിട്ടുണ്ടോ? അസാധ്യ രുചിയാണ്
• വഴുതനങ്ങ ക്രിസ്പിയായി വറുത്ത് കഴിച്ചു നോക്കൂ
• പുഴുങ്ങിയ മുട്ട കൊണ്ട് അസാധ്യ രുചിയിൽ അവിയൽ, ഇതാണ് റെസിപ്പി
• അഞ്ച് മിനിറ്റിൽ ഹെൽത്തി റാഗി സൂപ്പ്
• നന്നായി പഴുത്ത പഴം ഉണ്ടെങ്കിൽ ഷാർജ ഷേക്ക് ഇനി വീട്ടിൽ തയ്യാറാക്കാം
• രാവിലെ ചൂടോടെ പനിയാരം കഴിച്ചാലോ?
• സിംപിളാണ് രുചികരവുമാണ് ഈ സാലഡ്
• സേമിയ എപ്പോഴെങ്കിലും ഇങ്ങനെ തയ്യാറാക്കി നോക്കൂ