ഈ പിസ്സ തയ്യാറാക്കാൻ ഓവൻ വേണ്ട

പിസ്സ തയ്യാറാക്കുന്ന കാര്യം പറയുമ്പോൾ ആദ്യം ഓർക്കുന്നത് ഓവൻ ഇല്ലല്ലോ എന്നാണോ?. എന്നാൽ കടയിൽ കിട്ടുന്ന അതേ രുചിയിൽ ഇത് വേവിച്ചെടുക്കാം, ഓവനില്ലാതെ തന്നെ. അടുക്കളയിൽ ബാക്കി ഇരിക്കുന്ന കുറച്ച് പച്ചക്കറികളും, ചെറുപയർ പരിപ്പും മതിയാകും. വീട്ടിൽ തയ്യാറാക്കുന്നത് കൊണ്ട് മണത്തിനോ നിറത്തിനോ യാതൊരു മായവും ചേർക്കുകയുമില്ല, അതിനാൽ ഹെൽത്തിയാണെന്ന് പ്രത്യേകം പറയേണ്ട കാര്യമില്ല. ഭക്ഷണാര്യത്തിൽ കുട്ടികളെ പിടിച്ചിരുത്താൻ ഇതൊന്ന് മതിയാകും. ശ്വേത തൻ്റെ ഇൻസ്റ്റഗ്രാം പേജിലൂടെയാണ് ഈ പിസ്സ റെസിപ്പി പരിചയപ്പെടുത്തി തരുന്നത്.

ചേരുവകൾ

• ചെറുപയർ പരിപ്പ്
• തൈര്
• പച്ചമുളക്
• വെള്ളം
• ഉപ്പ്
• ബേക്കിങ് പൗഡർ
• ഒലിവ് എണ്ണ
• തക്കാളി സോസ്
• ചീസ്
• ലഭ്യമായ പച്ചക്കറികൾ
• മഞ്ഞൾപ്പൊടി
• പച്ചമുളക്

തയ്യാറാക്കുന്ന വിധം

• ഒന്നര കപ്പ് ചെറുപയർ പരിപ്പ് വെള്ളത്തിൽ കുതിർത്തു വെച്ചതിലേയ്ക്ക് ഒരു കപ്പ് തൈര്, മൂന്ന് പച്ചമുളക്, ആവശ്യത്തിന് ഉപ്പ്, വെള്ളം എന്നിവ ചേർത്ത് അരച്ചെടുക്കാം.
• ഇൻസ്റ്റൻ്റ് ആയിട്ട് തയ്യാറാക്കാൻ ആണെങ്കിൽ കുറച്ച് ബേക്കിങ് പൗഡർ ചേർത്തിളക്കി മാവ് കുറച്ച് സമയം മാറ്റി വെയ്ക്കുക.
• ഒരു പാൻ അടുപ്പിൽ വെച്ച് അൽപ്പം എണ്ണയൊഴിച്ചു ചൂടാക്കി ലഭ്യമായ പച്ചക്കറികൾ ചെറിയ കഷ്ണങ്ങളായി അരിഞ്ഞതു ചേർത്തു വഴറ്റാം.
• പനീർ ഉണ്ടെങ്കിൽ അതും ഒപ്പം ചേർത്തു വേവിക്കാം.
• ഒരു നുള്ള് മഞ്ഞൾപ്പൊടി ചേർത്തിളക്കുക.
• ആവശ്യത്തിന് ഉപ്പ് ചേർത്തിളക്കി അടുപ്പിൽ നിന്നും മാറ്റാം.
• അടി കട്ടിയുള്ള ഒരു പാൻ അടുപ്പിൽ വെച്ച് മാറ്റി വെച്ചിരിക്കുന്ന മാവിൽ നിന്നും ആവശ്യത്തിന് ഒഴിച്ച് ഇരു വശങ്ങളും വേവിക്കാം.
• അൽപം തക്കാളി സോസ് അല്ലെങ്കിൽ പിസ്സ സോസ് ലഭ്യമെങ്കിൽ അത് പുരട്ടാം.
• ഇതിനു മുകളിലായി വേവിച്ച പച്ചക്കറികൾ ചേർക്കാം.
• അൽപ്പം ചീസ് ഗ്രേറ്റ് ചെയ്തത്, കുറച്ച് വറ്റൽമുളക് ചതച്ചത് എന്നിവ ചേർത്ത് അടച്ച് വെച്ച് കുറഞ്ഞ തീയിൽ വേവിച്ചെടുക്കാം.

Read More

• ഫ്രൈഡ് ചിക്കൻ കൊറിയൻ സ്റ്റൈലിൽ
• റവ ഇല്ലെങ്കിലും ഉപ്പുമാവ് തയ്യാറാക്കാം, മുട്ടയും ബ്രെഡും മതി
• പാലട മുതൽ അരിപ്പൊടി വരെ; സിംപിളാണ് അതിലേറെ രുചികരമാണ് ഈ ഐസ്ക്രീം റെസിപ്പികൾ
• 5 തക്കാളി ഉണ്ടെങ്കിൽ കഴിക്കാൻ 5 വിഭവങ്ങൾ റെഡി
• കോഴിക്കറി ഇനി മിനിറ്റുകൾക്കുള്ളിൽ തയ്യാറാക്കാം, ഒരു കിടിലൻ വിദ്യയുണ്ട്: Kerala Style Chicken Curry Recipe
• ആവി പറക്കുന്ന പാൽ പുട്ടും നാടൻ കടല കറിയും: Puttu Kadala Curry for Breakfast
• ചമ്മന്തി കഴിക്കാൻ ഇനി കൊതിക്കും, ഉണക്കമീൻ കിട്ടിയാൽ ഇത് ട്രൈ ചെയ്യൂ
• 15 മിനിറ്റു മതി, ഇനി ചോറ് ഇങ്ങനെ തയ്യാറാക്കി കഴിക്കൂ
• രസം രുചികരമാക്കാൻ ഈ പൊടി കൂടി ചേർക്കൂ