കോഴിക്കറി ഇനി മിനിറ്റുകൾക്കുള്ളിൽ തയ്യാറാക്കാം, ഒരു കിടിലൻ വിദ്യയുണ്ട്: Kerala Style Chicken Curry Recipe

Kerala Chicken Curry Recipe, Nadan Kozhi Curry: ചിക്കൻ കറി കഴിക്കാൻ കൊതി തോന്നുന്നുണ്ടോ?. എന്നാൽ അത് തയ്യാറാക്കാൻ ഒരുപാട് സമയം വേണ്ടി വരില്ലേ എന്നാവും ചിന്തിക്കുക. ഇനി അങ്ങനെ ചിന്തിക്കേണ്ട കുക്കർ ഉണ്ടെങ്കിൽ കിടിലൻ രുചിയിൽ കൊതിയോടെ കഴിക്കാൻ അടിപൊളി ചിക്കൻ കറി ഇൻസ്റ്റൻ്റായി പാകം ചെയ്തെടുക്കാം. സ്ഥിരം കഴിക്കാറുള്ള ചിക്കൻ കറി മാറി നിൽക്കും ഇതിൻ്റെ രുചിയിൽ. വെളിച്ചെണ്ണയും തക്കാളി അരച്ചതും ചേർത്ത് ആവിയിൽ വേവിച്ചെടുക്കുന്ന ഈ കറി ഒരു തവണയെങ്കിലും കഴിച്ചു നോക്കണം. കുക്കർ ചിക്കൻ്റെ ചേരുവകൾ ഇവയാണ്: 

Ingredients for Kerala-Style Chicken Curry: ചേരുവകൾ

• ചിക്കൻ
• ഉപ്പ് 
• നാരങ്ങാ നീര് 
• മഞ്ഞൾപ്പൊടി 
• കുരുമുളകുപൊടി 
• വെളിച്ചെണ്ണ 
• കറുവാപ്പട്ട 
• ഗ്രാമ്പൂ 
• ഏലയ്ക്ക 
• പെരുംജീരകം 
• മുളകുപൊടി 
• മല്ലിപ്പൊടി 
• സവാള 
• പച്ചമുളക് 
• ഇഞ്ചി 
• വെളുത്തുള്ളി 
• കറിവേപ്പില 
• വെള്ളം 
• തക്കാളി
• വെളിച്ചെണ്ണ

 Step-by-Step Recipe for Nadan Kozhi Curry: തയ്യാറാക്കുന്ന വിധം

• ഒരു കിലേ ചിക്കൻ കഴുകി വൃത്തിയാക്കി അര ടേബിൾസ്പൂൺ ഉപ്പ്, ഒരു ടേബിൾസ്പൂൺ നാരങ്ങാനീര് , അര ടീസ്പൂൺ മഞ്ഞൾപ്പൊടി, അര ടേബിൾസ്പൂൺ കുരുമുളകുപൊടി എന്നിവ ചേർത്തു പുരട്ടി മാറ്റി വെയ്ക്കാം.
• ഒരു കുക്കൻ അടുപ്പിൽ വെച്ച് രണ്ട് ടേബിൾസ്പൂൺ വെളിച്ചെണ്ണ ഒളിച്ച് ചൂടാക്കിയതിനു ശേഷം അഞ്ച് കറുവാപ്പട്ട കഷ്ണങ്ങൾ, അഞ്ച് ഗ്രാമ്പൂ, അഞ്ച് ഏലയ്ക്ക എന്നിവ ചേർത്തു വറുക്കാം.
• ആവശ്യമെങ്കിൽ ഒരു ടീസ്പൂൺ​ പെരുംജീരകം കൂടി ചേർത്തു കൊടുക്കാം.
• ശേഷം അടുപ്പണച്ച് രണ്ട് ടേബിൾസ്പൂൺ മുളകുപൊടി, രണ്ട് ടേബിൾസ്പൂൺ മല്ലിപ്പൊടി, രണ്ട് സവാള അരിഞ്ഞതും, കുറച്ച് കറിവേപ്പിലയും,  അൽപ്പം ഇഞ്ചിയും, വെളുത്തുള്ളിയും ചെറുതായി അരിഞ്ഞതും, അര ടീസ്പൂൺ​ ഉപ്പും, കാൽ ഗ്ലാസ് വെള്ളവും ചേർത്ത് കുക്കർ അടച്ചു വെച്ച് വേവിക്കാം.
• ഒരു വിസിൽ അടിച്ചതിനു ശേഷം തുറന്ന് ഒരു തക്കാളി ചെറുതായി അരിഞ്ഞത്, മസാല പുരട്ടി മാറ്റി വെച്ച ചിക്കൻ, കാൽ കപ്പ് വെള്ളം എന്നിവ ചേർത്ത് അടച്ചു വെച്ച് വേവിക്കാം.
• ആദ്യത്തെ വിസിൽ അടിക്കുമ്പോൾ തീ കുറച്ചു വെയ്ക്കൂ.
• രണ്ടാമത്തെ വിസിൽ അടിക്കുന്നതിനു മുമ്പായി അടുപ്പണച്ച് കുറച്ച് വെളിച്ചെണ്ണ പുറമേ ഒഴിച്ച്, അൽപെ കറിവേപ്പിലയും ചേർത്ത് അടുപ്പിൽ നിന്നും മാറ്റാം.

Read More

• ആവി പറക്കുന്ന പാൽ പുട്ടും നാടൻ കടല കറിയും: Puttu Kadala Curry for Breakfast
• ചമ്മന്തി കഴിക്കാൻ ഇനി കൊതിക്കും, ഉണക്കമീൻ കിട്ടിയാൽ ഇത് ട്രൈ ചെയ്യൂ
• 15 മിനിറ്റു മതി, ഇനി ചോറ് ഇങ്ങനെ തയ്യാറാക്കി കഴിക്കൂ
• രസം രുചികരമാക്കാൻ ഈ പൊടി കൂടി ചേർക്കൂ
• രുചിയിൽ മീൻ കറി പക്ഷേ ചേമ്പിലയാണ് താരം
• ബിസ്കറ്റ് മാത്രം മതി, മുട്ടയും ഓവനും ഇല്ലാതെ തയ്യാറാക്കാം കിടിലൻ സ്വീറ്റ് റോൾ
• ഹെൽത്തിയാണ് ഈ ഇൻസ്റ്റൻ്റ് ദോശ, ചെറുപയറും ചീരയും മതി
• മാങ്ങ അച്ചാർ ഇങ്ങനെയും തയ്യാറാക്കാം