രുചിയിൽ മീൻ കറി പക്ഷേ ചേമ്പിലയാണ് താരം

പറമ്പിൽ ഉന്മേഷത്തോടെ തലപൊക്കി നിൽക്കുന്ന ചേമ്പില ആള് കേമനാണ്. പത്തിലക്കറികളിൽ പ്രധാനിയാണ് ചെമ്പിലക്കറി എന്ന് അറിയാമോ? മഴക്കാലത്താണ് ചേമ്പില അധികവും തഴച്ചു വളരാറുള്ളത്. അതിൻ്റെ തളിരിലയാണ് പോഷകസമ്പുഷ്ടം. ദഹനത്തിന് സഹായിക്കുന്ന അന്നജത്തിൻ്റെ പ്രധാന സ്രോതസ്സാണ് ഈ ആന ചെവിയൻ ഇല. കൂടാതെ നാരുകളുടെ കലവറ കൂടിയാണിത്. ബീറ്റാ കരോട്ടിൻ, കാൽസ്യം തുടങ്ങി പോഷകങ്ങളുടെ കാര്യത്തിൽ ഒട്ടും പിന്നലല്ല ചേമ്പില. എങ്കിലിനി ഇതുപയോഗിച്ച് പഴമക്കാരുടെ പ്രിയപ്പെട്ട താള് കറി തയ്യാറാക്കിയാലോ? 

ചേരുവകൾ

• ചേമ്പില- 2 
• ചുവന്നുള്ളി- 8 
• വാളൻപുളി- ആവശ്യത്തിന്
• തേങ്ങ- 1/2 
• മഞ്ഞൾപ്പൊടി- 1/2 ടീസ്പൂൺ
• മുളകുപൊടി- 1 സ്പൂൺ
• വെളിച്ചെണ്ണ- 2 ടീസ്പൂൺ
• കടുക്- 1/2 ടീസ്പൂൺ
• വറ്റൽമുളക്- 2 എണ്ണം
• കറിവേപ്പില- 2 തണ്ട്
• ഉപ്പ്- ആവശ്യത്തിന്

തയ്യാറാക്കുന്ന വിധം

• ചേമ്പില ചെറുതായി അരിഞ്ഞെടുക്കാം.
• അടി കട്ടിയുള്ള ഒരു പാത്രത്തിലേയ്ക്ക് അതു മാറ്റി അടുപ്പിൽ വച്ച് പുളി കുതിർത്തതു ചേർക്കാം.
• ആവശ്യത്തിന് ഉപ്പ്, ചുവന്നുള്ളി അരിഞ്ഞത്, മഞ്ഞൾപ്പൊടി എന്നിവ ചേർത്തു വേവിക്കാം.
• തേങ്ങയുടെ പകുതി മുറി ചിരകിയതിലേയ്ക്ക് മുളകുപൊടി ചേർത്ത് അരയ്ക്കാം.
• താള് വെന്തു വരുമ്പോൾ ഈ അരപ്പ് അതിലേയ്ക്കു ചേർത്തു തിളപ്പിക്കാം.
• മറ്റൊരു പാൻ ചൂടാക്കി അതിലേയ്ക്ക് എണ്ണ ഒഴിച്ചു കടുക് പൊട്ടിക്കാം.
• ചുവന്നുള്ളി, വറ്റൽമുളക്, കറിവേപ്പില എന്നിവ ചേർത്തു വറുക്കാം.
• അത് തിളച്ച് കുറുകിയ കറിയിൽ ചേർക്കാം.
• ശേഷം അടുപ്പണച്ച് ചോറിനൊപ്പം കഴിച്ചു നോക്കൂ. 

Read More

• ബിസ്കറ്റ് മാത്രം മതി, മുട്ടയും ഓവനും ഇല്ലാതെ തയ്യാറാക്കാം കിടിലൻ സ്വീറ്റ് റോൾ
• ഹെൽത്തിയാണ് ഈ ഇൻസ്റ്റൻ്റ് ദോശ, ചെറുപയറും ചീരയും മതി
• മാങ്ങ അച്ചാർ ഇങ്ങനെയും തയ്യാറാക്കാം
• നല്ല പുളിയാണ് അത്ര തന്നെ മധുരവും; വായിൽ ഇട്ടാൽ അലിഞ്ഞു പോകും ഈ പച്ചമാങ്ങ മിഠായി
• സ്പൈസിയാണ് എന്നാൽ മധുരവുമുണ്ട്, കഴിച്ചു നോക്കൂ ഈ സ്പെഷ്യൽ ഇഡ്ഡലി
• രുചി മാറ്റി പിടിക്കാം, ഇനി അച്ചാറിൽ താരമാകാൻ സവാളയും
• 2 കാരറ്റ് ഉണ്ടെങ്കിൽ ചിപ്സ് റെഡി മിനിറ്റുകൾക്കുള്ളിൽ
• ഇങ്ങനെ ഉള്ളി ചേർത്ത് ചിക്കൻ തയ്യാറാക്കാറുണ്ടോ?
• ഹോട്ടൽ സ്റ്റൈലിൽ ചിക്കൻ 65 അല്ല, കിടിലൻ കൂൺ ഫ്രൈ കഴിക്കാം
• ഇനി മതിവരുവോളം കഴിക്കാം എള്ളുണ്ട, ഇതാ റെസിപ്പി: Ellunda Recipe
• ബാക്കിവന്ന ചോറ് ഉണ്ടെങ്കിലും ഇടിയപ്പം തയ്യാറാക്കാം, 5 മിനിറ്റ് മതി