ബിസ്കറ്റ് മാത്രം മതി, മുട്ടയും ഓവനും ഇല്ലാതെ തയ്യാറാക്കാം കിടിലൻ സ്വീറ്റ് റോൾ

മധുര പലഹാരങ്ങളോട് പ്രിയമുള്ളവരാണ് അധികം കുട്ടികളും. അമിതമായി അത് കടയിൽ നിന്നും വാങ്ങി കഴിക്കുന്നത് ആരോഗ്യത്തിനെ ദോഷകരമായി ബാധിക്കും. എന്നാലിനി മടിക്കാതെ അവ വീട്ടിൽ തന്നെ തയ്യാറാക്കി നൽകൂ. ഒരുപാട് ചേരുവകളൊന്നും വേണ്ടാത്ത റെസിപ്പികൾ സുലഭമാണ്. അതിൽ ഒന്നാണ് ഓറിയോ റോൾ കേക്ക്. പേരു പോലെ തന്നെ ഓറിയോ ബിസ്കറ്റാണ് പ്രധാന ചേരുവ. മുട്ടയും ഓവനും ഇല്ലാതെ തന്നെ ഇത് തയ്യാറാക്കാം എന്നതാണ് ഹൈലൈറ്റ്. എങ്കിൽ ഈ സ്പെഷ്യൽ കേക്കിൻ്റെ ചേരുവകളും, തയ്യാറാക്കുന്ന വിധവും പരിചയപ്പെടാം.

ചേരുവകൾ

• ഓറിയോ ബിസ്കറ്റ്
• പാൽ- 50 മില്ലി
• വെണ്ണ- 50 ഗ്രാം 
• ക്രീം- 70 മില്ലി
• ചോക്ലേറ്റ്- 70 ഗ്രാം
• തേങ്ങ- ആവശ്യത്തിന്

തയ്യാറാക്കുന്ന വിധം

• ഓറിയോ ബിസ്കറ്റിൽ നിന്നും ക്രീം എടുത്ത് മാറ്റി വയ്ക്കാം. 
• ബിസ്കറ്റ് നന്നായി പൊടിച്ചെടുക്കാം. 70 മില്ലി ക്രീം ചൂടാക്കി അലിയിച്ചെടുക്കാം.
• അതിലേയ്ക്ക് ചോക്ലേറ്റ് ചേർത്തിളക്കി യോജിപ്പിക്കാം.
• പൊടിച്ചെടുത്ത ഓറിയോ ഇതിലേയ്ക്കു ചേർക്കാം.
• 20 മില്ലി പാൽ കൂടി ചേർത്തിളക്കി യോജിപ്പിക്കാം.
• ഒരു പ്ലാസ്റ്റിക് അല്ലെങ്കിൽ സിൽവർ ഫോയിൽ എടുത്ത് അതിലേയ്ക്ക് മാവ് പകരാം.
• മാറ്റി വച്ചിരിക്കുന്ന ഓറിയോ ക്രീമിലേയ്ക്ക് 30 മില്ലി പാൽ കൂടി ചേർത്തിളക്കി യോജിപ്പിക്കാം. ഇത് മാവിലേയ്ക്കു ചേർക്കാം.
• ശേഷം അത് റോൾ ചെയ്യാം. 3 മണിക്കൂർ ഫ്രിഡ്ജിൽ സൂക്ഷിക്കാം.
• കട്ടിയായതിനു ശേഷം പുറത്തെടുത്ത് തേങ്ങ ചിരകിയതും ഓറിയോപ്പൊടിയും മുകളിൽ വിതറി കഴിച്ചു നോക്കൂ. 

Read More

• ഹെൽത്തിയാണ് ഈ ഇൻസ്റ്റൻ്റ് ദോശ, ചെറുപയറും ചീരയും മതി
• മാങ്ങ അച്ചാർ ഇങ്ങനെയും തയ്യാറാക്കാം
• നല്ല പുളിയാണ് അത്ര തന്നെ മധുരവും; വായിൽ ഇട്ടാൽ അലിഞ്ഞു പോകും ഈ പച്ചമാങ്ങ മിഠായി
• സ്പൈസിയാണ് എന്നാൽ മധുരവുമുണ്ട്, കഴിച്ചു നോക്കൂ ഈ സ്പെഷ്യൽ ഇഡ്ഡലി
• രുചി മാറ്റി പിടിക്കാം, ഇനി അച്ചാറിൽ താരമാകാൻ സവാളയും
• 2 കാരറ്റ് ഉണ്ടെങ്കിൽ ചിപ്സ് റെഡി മിനിറ്റുകൾക്കുള്ളിൽ
• ഇങ്ങനെ ഉള്ളി ചേർത്ത് ചിക്കൻ തയ്യാറാക്കാറുണ്ടോ?
• ഹോട്ടൽ സ്റ്റൈലിൽ ചിക്കൻ 65 അല്ല, കിടിലൻ കൂൺ ഫ്രൈ കഴിക്കാം
• ഇനി മതിവരുവോളം കഴിക്കാം എള്ളുണ്ട, ഇതാ റെസിപ്പി: Ellunda Recipe
• ബാക്കിവന്ന ചോറ് ഉണ്ടെങ്കിലും ഇടിയപ്പം തയ്യാറാക്കാം, 5 മിനിറ്റ് മതി
• അങ്കമാലിക്കാരുടെ പോർക്ക് വരട്ടിയത് കഴിച്ചിട്ടുണ്ടോ? കിടിലൻ രുചിയാണ്