ഇങ്ങനെ ഉള്ളി ചേർത്ത് ചിക്കൻ തയ്യാറാക്കാറുണ്ടോ?

ചിക്കൻ കറി അല്ലെങ്കിൽ ഫ്രൈ അതാണോ ശീലം? എന്നാൽ ചിക്കൻ റോസ്റ്റ് കഴിച്ചിട്ടുണ്ടോ? വെറും റോസ്റ്റല്ല, ചുവന്നുള്ളി വഴറ്റി ചേർത്ത മലബാർ സ്റ്റൈലിലുള്ള ഉള്ളി ചിക്കൻ. സവാളയാണ് സാധാരണ കറി തയ്യാറാക്കാൻ ഉപയോഗിക്കാറുള്ളത്. എന്നാൽ ചുവന്നുള്ളിയുടെ രുചി അൽപം വ്യത്യസ്തമാണ്. ഒട്ടും തന്നെ വെള്ളം ചേർക്കാതെ തയ്യാറാക്കാം എന്നുള്ളതു കൊണ്ട് ഡ്രൈ റോസ്റ്റായി കിട്ടും. എല്ലില്ലാത്ത ചിക്കൻ കഷ്ണങ്ങളാണ് ഇതിന് ആവശ്യം. അവ ചെറിയ കഷ്ണങ്ങളാക്കി ഉപയോഗിക്കാം. എങ്കിലിനി ഉള്ളി ചിക്കൻ തയ്യാറാക്കിക്കോളൂ. നിമ്മി തൻ്റെ ഇൻസ്റ്റഗ്രാം പേജിലൂടെയാണ് ഉള്ളി ചിക്കൻ റെസിപ്പി പരിചയപ്പെടുത്തി തരുന്നത്.                 

ചേരുവകൾ

• ചിക്കൻ- 1 കിലോ
• ഉപ്പ്- ആവശ്യത്തിന്
• മഞ്ഞൾപ്പൊടി- 1 ടീസ്പൂൺ
• വെളിച്ചെണ്ണ- 2 ടേബിൾസ്പൂൺ
• ചുവന്നുള്ളി- 1 കപ്പ്
• വറ്റൽമുളക്- 1/3 കപ്പ്
• മുളകുപൊടി- 2 ടീസ്പൂൺ
• കറിവേപ്പില- ആവശ്യത്തിന്
• തേങ്ങ- 1 കപ്പ്

View this post on Instagram

A post shared by Nimmy (@wandoor_kitchen)

തയ്യാറാക്കുന്ന വിധം

• ചിക്കൻ കഴുകി വൃത്തിയാക്കിയെടുക്കാം, അത് ചെറിയ കഷ്ണങ്ങളാക്കാം.
• ചിക്കനിലേയ്ക്ക് ഉപ്പും, മഞ്ഞൾപ്പൊടിയും, മുളകുപൊടിയും ചേർത്തിളക്കി യോജിപ്പിച്ച് അര മണിക്കൂർ മാറ്റി വയ്ക്കാം.
• അടികട്ടിയുള്ള ഒരു പാത്രം അടുപ്പിൽ വച്ച് വെളിച്ചെണ്ണ ഒഴിച്ചു ചൂടാക്കാം.
• അതിലേയ്ക്ക് ചുവന്നുള്ളി ചെറിയ കഷ്ണങ്ങളായി അരിഞ്ഞതു ചേർത്ത് വഴറ്റാം.
• ചുവന്നുളളിയുടെ നിറം മാറി വരുമ്പോൾ വറ്റൽമുളകും, തേങ്ങ കഷ്ണങ്ങളും ചേർത്തിളക്കാം.
• ഇതിലേയ്ക്ക് മസാല പുരട്ടിയ ചിക്കൻ കഷ്ണങ്ങൾ ഇട്ട് ഇളക്കി യോജിപ്പിക്കാം.
• ഒപ്പം ആവശ്യത്തിന് കറിവേപ്പിലയും ഉപ്പും ചേർത്തോളൂ, അടച്ചു വച്ച് ഇത് വേവിക്കാം. വെള്ളം ചേർക്കേണ്ടതില്ല.
• ഇടയ്ക്ക് ഇളക്കി കൊടുക്കാം. 
• ചിക്കൻ വെന്തതിനു ശേഷം അടുപ്പണയ്ക്കാം. ചോറിനും ചപ്പാത്തിക്കുമൊപ്പം ഇത് കഴിക്കാം. 

Read More

• ഹോട്ടൽ സ്റ്റൈലിൽ ചിക്കൻ 65 അല്ല, കിടിലൻ കൂൺ ഫ്രൈ കഴിക്കാം
• ഇനി മതിവരുവോളം കഴിക്കാം എള്ളുണ്ട, ഇതാ റെസിപ്പി: Ellunda Recipe
• ബാക്കിവന്ന ചോറ് ഉണ്ടെങ്കിലും ഇടിയപ്പം തയ്യാറാക്കാം, 5 മിനിറ്റ് മതി
• അങ്കമാലിക്കാരുടെ പോർക്ക് വരട്ടിയത് കഴിച്ചിട്ടുണ്ടോ? കിടിലൻ രുചിയാണ്
• സൂപ്പർ ഹെൽത്തി ഈ റാഗി ഉപ്പുമാവ്
• മൈദയും ഓവനും വേണ്ട, അഞ്ച് മിനിറ്റിൽ കേക്ക് റെഡി പപ്പായ ഉണ്ടെങ്കിൽ
• നിറം കണ്ട് ഞെട്ടേണ്ട, സോഫ്റ്റും രുചികരവുമായ പുട്ടാണ്
• നാടൻ ഊണ് കഴിക്കാം, ഉണക്കചെമ്മീൻ ചേർത്ത് ചോറ് ഇങ്ങനെ പാകം ചെയ്യൂ
• അവലുണ്ടോ? തയ്യാറാക്കാം ഈ 5 വിഭവങ്ങൾ വ്യത്യസ്ത രുചിയിൽ
• ഓറഞ്ചിൻ്റെ തൊലി മാറ്റി വച്ചോളൂ, കിടിൻ കറി തയ്യാറാക്കാം