നിറം കണ്ട് ഞെട്ടേണ്ട, സോഫ്റ്റും രുചികരവുമായ പുട്ടാണ്

കേരളത്തിൻ്റെ തനതു ഭക്ഷണങ്ങളിൽ ഉൾപ്പെടുന്ന ഒന്നാണ് പുട്ട്. അരിപ്പൊടി നനച്ച് അൽപ്പം തേങ്ങ ചിരകിയതും ചേർത്ത് ആവിയിൽ വേവിച്ചാണ് സാധാരണ പുട്ട് തയ്യാറാക്കാറുള്ളത്. അരിപ്പൊടി കൂടാതെ ഗോതമ്പ്, റാഗി, കപ്പ എന്നിവ ഉപയോഗിച്ചും ഇത് തയ്യാറാക്കാം. മുളങ്കുറ്റിയിലും, ചിരട്ടയിലും, അങ്ങനെ തയ്യാറാക്കുന്ന വിധത്തിലും പുട്ടിന് വ്യത്യസ്തതയുണ്ട്. വിവിധ രുചികളിലും പുട്ട് ലഭ്യമാണ്. മാമ്പഴ പുട്ട്, ബീഫ് പുട്ട് എന്നിവ അതിൽ ഉൾപ്പെടുന്നു. എന്നാൽ ബീറ്റ്റൂട്ട് പാൽപുട്ട് കഴിച്ചിട്ടുണ്ടോ?. പേരു പോലെ തന്നെ സോഫ്റ്റും പാൽ പോലെ രുചികവും ഗുണമുള്ളതുമാണ് ഇത്.  മജീദ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• അരിപ്പൊടി- 1 കപ്പ്
• വെള്ളം- 1 കപ്പ്
• കാരറ്റ്- 1 
• ബീറ്റ്റൂട്ട്- 1
• പഞ്ചസാര- 2 ടേബിൾസ്പൂൺ
• പാൽപ്പൊടി- 2 ടേബിൾസ്പൂൺ
• തേങ്ങ- 1/4 കപ്പ്
• നെയ്യ്- 1 ടേബിൾസ്പൂൺ

View this post on Instagram

A post shared by Pepper hut (@pepper_huut)

തയ്യാറാക്കുന്ന വിധം

• ഒരു ബൗളിലേയ്ക്ക് ഒരു കപ്പ് അരിപ്പൊടി എടുക്കാം.
• അതിലേയ്ക്ക് ആവശ്യത്തിന് ഉപ്പ് ചേർക്കാം.
• ഒരു കപ്പ് വെള്ളം അതിലേയ്ക്ക് ഒഴിച്ച് അടച്ചു വയ്ക്കാം.
• അരിപ്പൊടി വെള്ളം വലിച്ചെടുത്തിനു ശേഷം കാൽ കപ്പ് തേങ്ങ ചിരകിയതു ചേർക്കാം.
• അതിലേയ്ക്ക് രണ്ട് ടേബിൾസ്പൂൺ പഞ്ചസാരയും, ഒരു ടേബിൾസ്പൂൺ നെയ്യും, രണ്ട് ടേബിൾസ്പൂൺ പാൽപ്പൊടിയും ചേർത്തിളക്കി യോജിപ്പിക്കാം.
• ഒരു പാൻ അടുപ്പിൽ വച്ച് ചൂടാക്കി വെളിച്ചെണ്ണ ഒഴിക്കാം. അതിലേയ്ക്ക് ഒരു ബീറ്റ്റൂട്ട് ഗ്രേറ്റ് ചെയ്തതു ചേർത്തു വേവിക്കാം. 
• അത് അരിപ്പൊടിയിലേയ്ക്കു ചേർത്ത് ചെറുതായി അരച്ചെടുക്കാം. 
• പുട്ട് കുറ്റിയിലേയ്ക്ക് ഇത് മാറ്റി ആവിയിൽ വേവിക്കാം. 

Read More

• നാടൻ ഊണ് കഴിക്കാം, ഉണക്കചെമ്മീൻ ചേർത്ത് ചോറ് ഇങ്ങനെ പാകം ചെയ്യൂ
• അവലുണ്ടോ? തയ്യാറാക്കാം ഈ 5 വിഭവങ്ങൾ വ്യത്യസ്ത രുചിയിൽ
• ഓറഞ്ചിൻ്റെ തൊലി മാറ്റി വച്ചോളൂ, കിടിൻ കറി തയ്യാറാക്കാം
• ദോശയ്‌ക്കൊപ്പം വിളമ്പാൻ രുചികരമായ 5 ചമ്മന്തികൾ
• ഓവനില്ലാതെ ബ്രെഡ് തയ്യാറാക്കിയാലോ? മധുരക്കിഴങ്ങും മുട്ടയും മതി
• പഴുത്ത പഴം ഉണ്ടെങ്കിൽ തയ്യാറാക്കാം ഈ 10 വിഭവങ്ങൾ
• ഈ ഒരു ചമ്മന്തി ഉണ്ടെങ്കിൽ ചോറുണ്ണാൻ മറ്റൊരു കറി വേണ്ട
• ചിക്കൻ കട്ലറ്റ് ബേക്കറിയിൽ കിട്ടുന്ന അതേ രുചിയിൽ ഇനി വീട്ടിൽ തയ്യാറാക്കാം
• ചായ തിളക്കുന്ന സമയം കൊണ്ട് ബ്രെഡ് റോൾ റെഡി: Bread Roll Recipe
• അരിപ്പൊടിയും തേങ്ങാപ്പാലും വേണ്ട, പൂ പോലെ സോഫ്റ്റ് വട്ടയപ്പം തയ്യാറാക്കാൻ റവ മതി
• ബാക്കി വന്ന ചോറ് കളയരുതേ...സൂക്ഷിച്ചു വച്ചാൽ കിടിലൻ സ്നാക് തയ്യാറാക്കാം