പാലട മുതൽ അരിപ്പൊടി വരെ; സിംപിളാണ് അതിലേറെ രുചികരമാണ് ഈ ഐസ്ക്രീം റെസിപ്പികൾ

ഐസ്ക്രീം ഇഷ്ടമല്ലാത്തവർ ആരുണ്ട്? ലഭ്യമായ ചേരുവകൾ ഉപയോഗിച്ച് വളരെ എളുപ്പത്തിൽ അത് വീട്ടിൽ തയ്യാറാക്കാൻ സാധിച്ചാലോ? എങ്കിൽ ഈ അഞ്ച് റെസിപ്പികൾ ട്രൈ ചെയ്യൂ.

Written byWebDesk

ഐസ്ക്രീം ഇഷ്ടമല്ലാത്തവർ ആരുണ്ട്? ലഭ്യമായ ചേരുവകൾ ഉപയോഗിച്ച് വളരെ എളുപ്പത്തിൽ അത് വീട്ടിൽ തയ്യാറാക്കാൻ സാധിച്ചാലോ? എങ്കിൽ ഈ അഞ്ച് റെസിപ്പികൾ ട്രൈ ചെയ്യൂ.

WebDesk

01 Jan 2025 15:35 IST

അപ്‌ഡേറ്റ് ചെയ്‌തു 02 Jan 2025 09:33 IST

New Update

5 Easy Simple Ice Cream Recipes — ഐസ്ക്രീം ഇനി വീട്ടിൽ തയ്യാറാക്കാം | ചിത്രം: ഫ്രീപിക്

1/5

പാലട

അടി കട്ടിയുള്ള ഒരു പാത്രം അടുപ്പിൽ വെച്ച് പാലൊഴിച്ച് തിളപ്പിക്കുക. ഇതിലേയ്ക്ക് പാലട മിക്സ് കൂടി ചേർത്ത് കുറഞ്ഞ തീയിൽ ഒരു മണിക്കൂർ വരെ തിളപ്പിച്ച് തണുക്കാനായി മാറ്റി വെയ്ക്കാം. തണുത്ത് കഴിഞ്ഞ് ചെറുതായി ഒന്ന് അരച്ചെടുക്കുക. 125 മില്ലി വിപ്പിങ് ക്രീം അടിച്ചെടുത്തിലേയ്ക്ക് പായസം കൂടി ചേർത്തിളക്കി ഇഷ്ടമുള്ള പാത്രത്തിലേയ്ക്കു മാറ്റി ഫ്രീസറിൽ വെച്ച് തണുപ്പിച്ചു കഴിക്കാം പാലട ഐസ്ക്രീം.

2/5

ഓട്സ് ഈന്തപ്പഴം ഐസ്ക്രീം

അര കപ്പ് ബദാം, കശുവണ്ടി, കുരു കളഞ്ഞ എട്ട് ഈന്തപ്പഴം, അര കപ്പ് ഓട്സ് എന്നിവ ഒരു ഗ്ലാസ് പാലിൽ 30 മിനിറ്റ് കുതിർത്തു വെയ്ക്കുക. ശേഷം ഇതിലേയ്ക്ക് ചോക്ലേറ്റ് പൊടിയായി ചേർത്ത് നന്നായി അരച്ചെടുക്കുക. ഒരു ചില്ലു പാത്രത്തിലേയ്ക്കു മറ്റി അടച്ച് ഏഴ് മുതൽ എട്ട് മണിക്കൂർ വരെ ഫ്രീസ് ചെയ്യുക. ശേഷം ആസ്വദിച്ചു കഴിക്കൂ ഹെൽത്തി ഐസ്ക്രീം.

3/5

കരിക്ക് ഐസ്ക്രീം

ഒരു മിക്സിയിലേയ്ക്ക് ഒരു കപ്പ് തേങ്ങ കഷ്ണങ്ങൾ, അര കപ്പ് തേങ്ങാവെള്ളം, അര കപ്പ് തേങ്ങാപ്പാൽ എന്നിവ ചേർത്ത് അരച്ചെടുക്കാം. ഒരു ബൗളിലേയ്ക്ക് അത് മാറ്റുക. കാൽ കപ്പ് കണ്ടൻസ്ട് മിൽക്ക്, ഒരു കപ്പ് വിപ്പിങ് ക്രീം എന്നിവ ചേർത്തിളക്കുക. ഇത് ഒരു രാത്രി മുഴുവൻ ഫ്രിഡ്ജിൽ സൂക്ഷിക്കാം.

Advertisment

4/5

സീതപ്പഴം ഐസ്ക്രീം

മൂന്ന് സീതപ്പഴത്തിൻ്റെ പൾപ്പ് കുരു കളഞ്ഞെടുക്കാം. അതിലേക്ക് 250 മില്ലി ഫ്രഷ് ക്രീം, കാൽ കപ്പ് പഞ്ചസാര അല്ലെങ്കിൽ കണ്ടൻസ്ട് മിൽക്ക്, കാൽ കപ്പ് പാൽപ്പൊടി, ഒരു ടീസ്പൂൺ വാനില എസ്സെൻസ് എന്നിവ ചേർത്ത് അരച്ചെടുക്കുക. ഫ്രിഡ്ജിൽ സൂക്ഷിക്കുന്നതിന് അനുയോജ്യമായ ഒരു പാത്രത്തിലേക്കു മാറ്റുക. ആവശ്യമെങ്കിൽ നട്സ് ചേർക്കാവുന്നതാണ്. ബാക്കി വന്ന സീതപ്പഴത്തിൻ്റെ പൾപ്പ് മുകളിലായി ചേർത്ത് വായു കയറാതെ അടച്ച് ഫ്രിഡ്ജിൽ സൂക്ഷിക്കാം. ആറ് മുതൽ ഏഴ് മണിക്കൂർ വരെ ഫ്രിഡ്ജിൽ വയ്ക്കുക. ശേഷം ആവശ്യാനുസരണം കഴിക്കാം.

5/5

അരിപ്പൊടി ഐസ്ക്രീം

ഒരു സോസ് പാനിൽ 5 ടേബിൾ സ്പൂൺ പഞ്ചസാര എടുക്കാം. അതിലേയ്ക്ക് കാൽ കപ്പ് അരിപ്പൊടി ചേർക്കുക. രണ്ട് കപ്പ് പാൽ കൂടി ഒഴിച്ചു കൊടുത്ത് അരിപ്പൊടി നന്നായി ഇളക്കി ചേർക്കാം. ശേഷം കൂടിയ തീയിൽ പാൻ വെച്ച് അരിപ്പൊടി ചേർത്ത പഞ്ചസാര മിക്സ് നന്നായി കുറുക്കി എടുക്കാം. കുറുകി വരുമ്പോൾ തീ കുറച്ചു വെച്ച് നന്നായി ഇളക്കി കൊടുക്കാം. നന്നായി കുറുകിയതിനു ശേഷം ഫ്ലെയിം അണച്ച് പാനിൽ നിന്നും മിക്സ് ഒരു സെറ്റിങ് പാത്രത്തിലേയ്ക്ക് പകർന്നെടുക്കുക. നന്നായി അടച്ച് 2 മണിക്കൂർ ഫ്രീസറിൽ സൂക്ഷിക്കാം. രണ്ടു മണിക്കൂറിനു ശേഷം ഫ്രീസറിൽ നിന്നെടുത്ത് ഒരു മിക്സി ജാറിലേക്ക് പകർന്ന് നന്നായി ബ്ലെൻ്റ് ചെയ്തെടുക്കാം. തുടർന്ന് ഒരിക്കൽ കൂടി സെറ്റിങ് പാത്രത്തിലേയ്ക്ക് പകർന്ന് ഫ്രീസറിൽ സൂക്ഷിക്കുക. എട്ടു മണിക്കൂറിനു ശേഷം ഫ്രീസറിൽ നിന്നെടുത്ത് കഴിക്കാം.

Recipe Food

Stay updated with the latest news headlines and all the latest Lifestyle news. Download Indian Express Malayalam App - Android or iOS.