മത്തൻ ഇല കൊണ്ടുള്ള എരിശ്ശേരി കഴിച്ചിട്ടുണ്ടോ? കറികളിൽ ഇതു തന്നെ കേമം

മലയാളികളുടെ സദ്യ വട്ടത്തിൽ ഏറ്റവും അധികം ആരാധകരുള്ള കറിയാണ് എരിശ്ശേരി. മത്തങ്ങയും, ചേനയും, വൻപയറും ചേർത്താണ് സാധാരണ ഇത് തയ്യാറാക്കാറുള്ളത്. എന്നാൽ ഇതൊന്നമില്ലാതെ മത്തൻ്റെ ഇല ചേർത്തൊരു എരിശ്ശേരി ആയാലോ? 

മത്തങ്ങ പോലെ തന്നെ ധാരാളം പോഷക ഗുണങ്ങളുള്ള ഒന്നാണ് മത്തൻ ഇല. നാരുകളും, ആൻ്റി ഓക്സിഡൻ്റുകളും, വിറ്റാമിനുകളും, ധാതുക്കളും അടങ്ങിയിരിക്കുന്ന മത്തൻ ഇല ദഹനാരോഗ്യത്തെ മെച്ചപ്പെടുത്തുന്നത് കൂടാതെ പ്രതിരോധ ശേഷി വർധിപ്പിക്കും. വേനൽക്കാലത്ത് ശരീരത്തിൻ്റെ ആരോഗ്യം സംരക്ഷിക്കാൻ ഇത്തരം വിഭവങ്ങൾ കഴിക്കുന്നത് ഗുണകരമാണ്. അപർണ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• മത്തൻ ഇല
• വൻപയർ
• ഉപ്പ്
• മഞ്ഞൾപ്പൊടി
• മുളകുപൊടി
• തേങ്ങ
• പച്ചമുളക്
• ജീരകം
• ചുവന്നുള്ളി
• വെള്ളം
• കടുക്
• വറ്റൽമുളക്
• വെളിച്ചെണ്ണ

View this post on Instagram

A post shared by Photographer & Visual Storyteller (@inji_pennu)

തയ്യാറാക്കുന്ന വിധം

• വൻപയർ തലേദിവസം തന്നെ വെള്ളത്തിൽ കുതിർത്തു വയ്ക്കാം.
• പിറ്റേ ദിവസം ഇതിലേയ്ക്ക് കുറച്ച് വെള്ളവും ഉപ്പും ചേർത്ത് വേവിക്കാം.
• ഇതേ സമയം മത്തൻ ഇല കഴുകി വൃത്തിയാക്കി ചെറുതായി അരിഞ്ഞെടുക്കും.
• പയർ വെന്തുവരുമ്പോൾ മത്തൻ ഇല ചേർത്തു കൊടുക്കാം.
• ആവശ്യത്തിന് മഞ്ഞൾപ്പൊടി, എരിവിനനുസരിച്ച് മുളകുപൊടി, കുറച്ച് ഉപ്പ് എന്നിവ ചേർത്തു തിളപ്പിക്കാം.
• തേങ്ങ ചിരകിയതിലേയ്ക്ക് ജീരകം, പച്ചമുളക്, ചുവന്നുള്ളി എന്നിവ അരച്ചെടുക്കാം.
• തിളച്ചു വരുന്ന കറിയിലേയ്ക്ക് ഈ അരപ്പും കുറച്ച് വെള്ളവും ആവശ്യത്തിന് ഉപ്പും ചേർത്ത് നന്നായി തിളപ്പിക്കാം.
• കറി തിളച്ച് കുറുകി വരുമ്പോൾ അടുപ്പണയ്ക്കാം.
• ശേഷം ഒരു പാനിൽ വെളിച്ചെണ്ണ ഒഴിച്ച് കടുകും വറ്റൽമുളകും വറുത്ത് താളിപ്പ് തയ്യാറാക്കാം.
• ഇത് കറിയിലേയ്ക്ക് ഒഴിക്കാം. ഇനി ചൂടോടെ ചോറിനൊപ്പം വിളമ്പി കഴിച്ചു നോക്കൂ.

Read More

• പെരിപെരി മസാല ഇനി വീട്ടിൽ തയ്യാറാക്കാം, സിംപിളാണ് റെസിപ്പി
• ശരീരഭാരം കുറയ്ക്കാം ചൂടിനെ പ്രതിരോധിക്കാം, മാമ്പഴം കൊണ്ടുള്ള ഈ സാലഡ് ശീലമാക്കൂ
• പുളിശ്ശേരിയല്ല, മാമ്പഴം ചേർത്ത നാടൻ മോര് കറിയാണ്:തയ്യാറാക്കിനോക്കൂ
• കടലക്കറിക്ക് രൂചികൂട്ടാൻ ഈ മസാല ചേർത്തു നോക്കൂ
• തൈരില്ലെങ്കിലും ഇനി സൊയമ്പൻ സംഭാരം തയ്യാറാക്കാം, പച്ചമാങ്ങ കൈയ്യിലുണ്ടോ?
• കൂൺ ഇതുപോലെ തയ്യാറാക്കിയാൽ ബ്രേക്ക്ഫാസ്റ്റിനും ഊണിനും മറ്റൊരു കറി വേണ്ട
• രണ്ട് ചെറുനാരങ്ങ ഉണ്ടെങ്കിൽ ഉന്മേഷം പകരും മിൻ്റ് ലൈം മിനിറ്റുകൾക്കുള്ളിൽ റെഡിയാക്കാം
• കറുമുറു കഴിക്കാൻ പായ്ക്കറ്റ് മിക്സചർ വാങ്ങേണ്ട, ഒരു പിടി അവൽ ഇങ്ങനെ ചെയ്തെടുക്കൂ
• മധുരമൂറുന്ന മാങ്ങ പുഡ്ഡിംഗ് തയ്യാറാക്കാം സിംപിളായി, ഈ 4 ചേരുവകൾ കൈയ്യിലുണ്ടോ?
• അരിപ്പൊടി വേണ്ട, പൂ പോലുള്ള ഗോതമ്പ് പാലപ്പം ഇൻസ്റ്റൻ്റായി ചുട്ടെടുക്കാം
• കുറച്ച് എണ്ണയിൽ ക്രിസ്പിയായി പൂരി വറുക്കാൻ മാവിൽ ഇത് കൂടി ചേർക്കൂ