കരിക്ക് കിട്ടിയാൽ കിടിലൻ കുലുക്കി സർബത്ത് കുടിക്കാം

സാധാരണ സർബത്തിനേക്കാളും ആരാധകർ ഏറെ ഉള്ളത് കുലുക്കി സർബത്തിനാണ്. സോഷ്യൽ മീഡിയയിൽ ഏറെ ട്രെൻഡിംഗ് ആയിരുന്ന ഒരു പാനീയമായിരുന്നു ഇത്. നാരങ്ങയും സോഡയും ഒപ്പം പച്ചമുളകും കസ്കസും ചേർത്താണ് കുലുക്കി സർബത്ത് സാധാരണ തയ്യാറാക്കാറുള്ളത്. പൈനാപ്പിൾ, തണ്ണിമത്തൻ, പച്ചമാങ്ങ എന്നിങ്ങനെ വ്യത്യസ്ത ചേരുവകൾ ഉപയോഗിച്ച് വെറൈറ്റി സർബത്ത് കുലുക്കിയെടുക്കാം. എന്നാൽ ഇവയൊന്നുമില്ലെങ്കിലും വളരെ പെട്ടെന്ന് ലഭ്യമാകുന്ന കരിക്ക് ഉപയോഗിച്ച് ഒരു കിടിലൻ കുലുക്കി സർബത്ത് തയ്യാറാക്കാം. സ്വർണ തൻ്റെ ഇൻസ്റ്റഗ്രാം പേജിലൂടെയാണ് കരിക്ക് സർബത്തിൻ്റ ചേരുവകളും തയ്യാറാക്കുന്ന വിധവും പരിചയപ്പെടുത്തി തരുന്നത്. 

ചേരുവകൾ

• കരിക്ക് വെള്ളം- 2 കപ്പ്
• ഉപ്പ്- 1/4 ടീസ്പൂൺ
• പഞ്ചസാര- 2 ടീസ്പൂൺ
• പച്ചമുളക് - 2 എണ്ണം
• നാരങ്ങാനീര്- 1/2 ടീസ്പൂൺ
• ഐസ് ക്യൂബ്സ്- ആവശ്യത്തിന്
• കസ്കസ്- ആവശ്യത്തിന്
• നാരങ്ങ- 2

View this post on Instagram

A post shared by Swarna | Recipe video creator (@_indian_tastebuds_)

തയ്യാറാക്കുന്ന വിധം

• ഒരു ഗ്ലാസ് ജാറിലേക്ക് രണ്ട് കപ്പ് കരിക്കിൻ വെള്ളം ഒഴിക്കാം.
• അതിലേക്ക് കാൽ ടീസ്പൂൺ ഉപ്പ്, രണ്ട് ടീസ്പൂൺ പഞ്ചസാര, രണ്ട് പച്ചമുളക് നടുവെ പിളർന്നത് എന്നിവ ചേർക്കാം.
• ഇതിലേക്ക് അര ടീസ്പൂൺ നാരങ്ങാ നീര് കൂടി ചേർത്ത് അടച്ച് നന്നായി കുലുക്കിക്കോളൂ.
• മറ്റൊരു ഗ്ലാസിൽ ആവശ്യത്തിന് ഐസ്ക്യൂബ് എടുക്കാം.
• അതിലേക്ക് വെള്ളത്തിൽ കുതിർത്തു വച്ച കസ്കസും, നാരങ്ങയുടെ ചെറിയ കഷ്ണവും ചേർക്കാം.
• കുലുക്കിയെടുത്ത കരിക്കിൻ വെള്ളം അതിലേക്ക് ഒഴിച്ച് കുടിക്കാം.

Read More

• മൈദയും കടലമാവും വേണ്ട ഇനി ഉള്ളിവട ക്രിസ്പിയാകാൻ അരിപ്പൊടി മതി
• ഇപ്പോൾ കെട്ടിയാൽ ക്രിസ്തുമസിന് പൊട്ടിക്കാം ഈ വൈൻ ഭരണി
• ബാക്കി വന്ന ബ്രെഡ് കൊണ്ട് പഞ്ഞി പോലൊരു ചോക്ലേറ്റ് കേക്ക്
• ഏത്തപ്പഴം ഉണ്ടോ? സിംപിൾ കുക്കർ കേക്ക് പരീക്ഷിച്ചോളൂ
• മുട്ടയും ഓവനും ഇല്ലാതെ കിടിലൻ പ്ലം കേക്ക് തയ്യാറാക്കാം
• ഇത്തിരി കുഞ്ഞൻ പൈനാപ്പിൾ കേക്ക്
• ഇതിലും രുചികരമായി അയല വറുത്ത് കഴിച്ചിട്ടുണ്ടാകില്ല
• മീൻ വറുക്കുമ്പോൾ ഈ സൂത്രപ്പണി ഒന്നു പരീക്ഷിച്ചുനോക്കൂ
• മുട്ട പഴുങ്ങിയത് കഴിക്കാൻ മടിയാണോ? എങ്കിൽ ഇതൊന്ന് ട്രൈ ചെയ്യൂ
• ഗോതമ്പ് ദോശ ഇനി കിടിലൻ രുചിയിൽ കഴിക്കാം
• ഇഷ്ടം പോലെ പാൻ കേക്ക് കഴിക്കാം, ഏത്തപ്പഴവും മുട്ടയും മതി
• ബാക്കി വന്ന ചപ്പാത്തിയും മുട്ടയും ഉണ്ടെങ്കിൽ എഗ് റോൾ തയ്യാറാക്കാം
• കറുമുറു കഴിക്കാൻ കിടിലൻ​ മധുരക്കിഴങ്ങ് ഫ്രൈ
• റവ കൊണ്ട് ഉപ്പുമാവ് മാത്രമല്ല പത്തിരിയും ചുട്ടെടുക്കാം
• ഇത്തിരി എണ്ണയിൽ ഒത്തിരി പപ്പടം