പഞ്ഞി പോലെ സോഫ്റ്റാണ് ഈ ഇഡ്ഡലി, അരിയും ഉഴുന്നും അരയ്ക്കുമ്പോൾ ഇതു കൂടി ചേർക്കൂ

കാൽസ്യം, പൊട്ടാസ്യം ഇരുമ്പ്, വിറ്റാമിൻ ബി6, ഫോളിക് ആസിഡ്, ആന്റി ഓക്സിഡന്റ് ​എന്നിവയാൽ സമ്പന്നമായ ധാന്യമാണ് റാഗി. മുത്താറിയെന്നും പഞ്ഞപ്പുല്ലെന്നുമൊക്കെ റാഗിയെ വിളിക്കാറുണ്ട്. 

പ്രമേഹം, കൊളസ്ട്രോൾ എന്നിവ കുറയ്ക്കുന്ന റാഗി ദഹന സഹായിയാണ്. മലബന്ധം തുടങ്ങി ദഹന സംബന്ധമായ പ്രശ്നങ്ങൾ തടയാൻ ഇത് സഹായിക്കുന്നു. വിശപ്പ് ശമിപ്പിച്ച് ഭക്ഷണം അമിതായി കഴിക്കുന്നത് ഒഴിവാക്കുന്നതിലൂടെ ശരീരഭാര നിയന്ത്രണത്തിനും റാഗി ഗുണം ചെയ്യും. ഇരുമ്പിന്റെ അംശം കൂടുതലുള്ളതിനാൽ വിളർച്ച പ്രതിരോധിക്കാനും നല്ലതാണ്.

സ്ഥിരം തയ്യാറാക്കുന്ന ദോശ മാവിലേയ്ക്ക് റാഗിയും അൽപം ഉലുവയും ചേർത്തു നോക്കൂ. പഞ്ഞി പോലെ സോഫ്റ്റായ ദോശയും ഇഡ്ഡലിയും കിട്ടാൻ ഇനി മറ്റൊരു വിദ്യയും വേണ്ട. ഐശ്വര്യ തൻ്റെ സോഷ്യൽ മീഡിയ പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• റാഗി- 1 കപ്പ്
• ഉഴുന്ന്- 1/2 കപ്പ്
• പച്ചരി- 1/2 കപ്പ്
• ഉലുവ- 1/2 ടേബിൾസ്പൂൺ

View this post on Instagram

A post shared by Aishwarya sonvane (@myflavourfuljourney)

തയ്യാറാക്കുന്ന വിധം

• റാഗി പൊടിയായും അല്ലാതെയും ഉപയോഗിക്കാം.
• പൊടിയില്ലെങ്കിൽ റാഗി നന്നായി കഴുകി ഒരു രാത്രി വെള്ളത്തിൽ കുതിർത്തു വയ്ക്കാം.
• ഒപ്പം അര കപ്പ് പച്ചരി, അര കപ്പ് ഉഴുന്ന്, അര ടേബിൾസ്പൂൺ ഉലുവ എന്നിവ പ്രത്യേകം വെള്ളത്തി കുതിർക്കാൻ വയ്ക്കാം.
• 5 മുതൽ 6 മണിക്കൂർ വരെ ഇങ്ങനെ മാറ്റി സൂക്ഷിക്കാം.
• ശേഷം ഇവ ഒരുമിച്ചു ചേർത്ത് നന്നായി അരയ്ക്കാം.
• ആവശ്യത്തിന് വെള്ളം ഒഴിച്ചിളക്കി യോജിപ്പിച്ച് 10 മുതൽ 12 മണിക്കൂർ വരെ മാറ്റി വയ്ക്കാം.
• പുളിച്ചു വന്ന മാവിലേയ്ക്ക് ആവശ്യത്തിന് ഉപ്പ് ചേർത്ത് ദോശ ചുടാനോ ഇഡ്ഡലി തയ്യാറാക്കാനോ ഉപയോഗിക്കാം. 

Read More:

• ഗോതമ്പോ അരിപ്പൊടിയോ വേണ്ട, ഇനി നാടൻ ഇലയട രുചികരമായി തയ്യാറാക്കാം ഈ രണ്ട് ചേരുവകൾ ഉണ്ടെങ്കിൽ
• നാരങ്ങ മുതൽ വെള്ളരി വരെ; അടുക്കള വൃത്തിയോടെ സൂക്ഷിക്കാൻ ഇവയും സഹായിക്കും
• ഒരു പിടി കറിവേപ്പില ഉണ്ടെങ്കിൽ ഉച്ചയൂണിന് സ്വാദിഷ്ടമായ അച്ചാർ റെഡി
• വിഷുവിനൊരുക്കാം തൃശൂർ സ്പെഷ്യൽ വിഷുക്കട്ട
• ആരോഗ്യത്തിന് ഗുണകരം ഈ ലഡ്ഡു, പഞ്ചസാരയും കടലമാവും ഇല്ലാതെ തയ്യാറാക്കാം
• ഒരു കപ്പ് കടലമാവുണ്ടെങ്കിൽ മൈസൂർ പാക്ക് കഴിക്കാം മതിവരുവോളം
• പൂപോലെ സോഫ്റ്റ് അപ്പം വേണോ? മാവ് അരയ്ക്കുമ്പോൾ ഇക്കാര്യങ്ങൾ ശ്രദ്ധിക്കാം
• ഒരു കഷ്ണം തേങ്ങ ഉണ്ടെങ്കിൽ ചിരകിയെടുക്കാതെ ചമ്മന്തി തയ്യാറാക്കാം, ഇങ്ങനെ ചെയ്തു നോക്കൂഅരി ഏതുമാകട്ടെ തേങ്ങ ചോറിൻ്റെ റെസിപ്പി ഓർത്തിരുന്നോളൂ
• മലബാറിൻ്റെ സ്വന്തം പാൽ പത്തിരി രുചികരമായി തയ്യാറാക്കാൻ ഇതാ ഒരു വിദ്യ