നാടൻ രുചിയിൽ എല്ലും കപ്പയും, ഇങ്ങനെ വരട്ടിയെടുത്തോളൂ

കപ്പ മലയാളികൾക്ക് അന്യമല്ല?. വ്യത്യസ്ത കോമ്പിനേഷനുകളോടു കൂടി ഇന്നും കേരളീയ വിഭവങ്ങളിൽ കപ്പ മുൻപന്തിയിൽ തന്നെയുണ്ട്. അതിൽ തന്നെ പഴയകാല ക്രിസ്ത്യൻ കല്ല്യാണ വീടുകളിലെ ഒരു സ്ഥിരം വിഭവമായിരുന്നു എല്ലും കപ്പയും. നന്നായി വരട്ടിയെടുത്ത കപ്പയോടൊപ്പം എല്ലോടു കൂടിയ ബീഫും കൂടി ചേർത്തെടുക്കുന്നതാണ് വിഭവം. ബീഫിൻ്റെ കൊഴുപ്പും മസാല കൂട്ടുകളും വേവിച്ച കപ്പിയിലേക്ക് ചേരുമ്പോൾ കണ്ടു നിൽക്കുന്നവർ വരെ കൊതിച്ചു പോകും. ബിൻസി തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• ബീഫ്
• ഇഞ്ചി
• വെളുത്തുള്ളി
• ചുവന്നുള്ളി
• കുരുമുളക്
• മഞ്ഞൾപ്പൊടി
• ഗരംമസാല
• ഉപ്പ്
• കപ്പ 
• വെളിച്ചെണ്ണ
• പെരുംജീരകം
• സവാള
• പച്ചമുളക്
• കറിവേപ്പില
• മുളകുപൊടി
• മല്ലിപ്പൊടി

View this post on Instagram

A post shared by bincyskitchen (@bincyskitchen)

തയ്യാറാക്കുന്ന വിധം

• എല്ലോടു കൂടി ബീഫ് ഒരു കിലോ വൃത്തിയായി കഴുകിയെടുക്കുക.
• അതിലേക്ക് മഞ്ഞൾപ്പൊടി, ഗരംമസാല, ഇഞ്ചി വെളുത്തുള്ളി ചുവന്നുള്ളി കുരുമുളക് എന്നിവ ചതച്ചതും, ആവശ്യത്തിന് ഉപ്പും ചേർത്ത് അൽപ്പ സമയം മാറ്റി വയ്ക്കുക.
• ശേഷം അടുപ്പിൽ വച്ച് വേവിക്കുക.
• അതേ സമയം കപ്പ വൃത്തിയായി കഴുകി ചെറിയ കഷ്ണങ്ങളാക്കിയതിലേക്ക് അൽപ്പം മഞ്ഞൾപ്പൊടിയും, ഉപ്പും, ചേർത്ത് വെള്ളം ഒഴിച്ചു വേവിക്കാൻ വയ്ക്കുക.
• അടികട്ടിയുള്ള ഒരു പാത്രം അടുപ്പിൽ വച്ച് ആവശ്യത്തിന് എണ്ണ ഒഴിച്ചു ചൂടാക്കി പെരുംജീരകം ചേർത്തു വറുക്കുക.
• അതിലേക്ക് പച്ചമുളക്, ചുവന്നുള്ളിയും, സവാളയും ചെറുതായി അരിഞ്ഞതു ചേർത്തു വഴറ്റുക.  
• ഒരുപിടി കറിവേപ്പില, ആവശ്യത്തിന് ഉപ്പ്, എരിവിനനുസരിച്ച് മുളകുപൊടി, ഗരംമസാല, മഞ്ഞൾപ്പൊടി, മല്ലിപ്പൊടി എന്നിവ ചേർത്ത് ഇളക്കി യോജിപ്പിക്കുക.
• മസാലയുടെ പച്ച മണം മാറി വരുമ്പോൾ വേവിച്ച ബീഫ് ചേർത്ത് തിളപ്പിക്കുക.
• വെള്ളം വറ്റി തുടങ്ങുമ്പോൾ പകുതി വെന്ത കപ്പ ചേർത്തിളക്കി യോജിപ്പിക്കുക.
• കപ്പയും ബീഫും നന്നായി വെന്തു കഴിയുമ്പോൾ കുറച്ച് സവാള മുകളിലായി അരിഞ്ഞു ചേർത്ത് അടുപ്പിൽ നിന്നും മാറ്റാം. എല്ലും കപ്പയും തയ്യാറായിരിക്കുന്നു. 

Read More

• വഴുതനങ്ങ കിട്ടിയാൽ തീയലിൽ ചേർക്കാൻ മറക്കേണ്ട, അസാധ്യ രുചിയാണ്
• ചായക്കടയിലെ പൊരിച്ച പത്തിരി ഇനി വീട്ടിൽ തയ്യാറാക്കാം
• ബ്രെഡ് ഓംലെറ്റ് മുട്ടയില്ലാതെ തയ്യാറാക്കിയാലോ?
• ലേശം കയ്പില്ലാതെ പാവയ്ക്ക ചേർത്ത നാടൻ പുളിങ്കറി
• വെണ്ടയ്ക്ക ഉണ്ടെങ്കിൽ ചോറിന് ഇനി മറ്റൊരു കറി വേണ്ട
• ചൂടോടെ കഴിച്ചു നോക്കൂ ഈ ഇൻസ്റ്റൻ്റ് ചിക്കൻ സൂപ്പ്
• മുരിങ്ങയില സൂപ്പറാണ്, ചോറിനൊപ്പം കഴിക്കാൻ കിടിലൻ ചമ്മന്തി തയ്യാറാക്കാം
• ചമ്മന്തിയും കളർഫുൾ ആകും, ഇങ്ങനെ ചെയ്തു നോക്കൂ
• മൾട്ടി ഗ്രെയിൻ ബ്രെഡ് സാൻഡ്‌വിച്ച് ഇങ്ങനെ തയ്യാറാക്കാം
• ബട്ടർ മുറുക്ക് ക്രിസ്പിയാണ് കിടിലൻ രുചിയാണ്
• ഓറഞ്ച് തൊലി കളയല്ലേ, രുചികരമായ ചമ്മന്തി തയ്യാറാക്കാം
• അച്ചാർ അല്ല നെല്ലിക്ക ചേർത്ത സ്വാദിഷ്ടമായ രസമാണ്
• കറുമുറു കഴിക്കാൻ സ്പെഷ്യൽ കോളിഫ്ലവർ ഫ്രൈ, ഇതാ റെസിപ്പി
• വയറു നിറയെ കഴിക്കാൻ ഹെൽത്തി റാഗി കൊഴുക്കട്ട