കണ്ണൂർ സ്പെഷ്യൽ ചെമ്മീൻ കൽമാസ്

മലബാറിൻ്റെ രുചി പെരുമ പറഞ്ഞാലും തീരില്ല. കേട്ടറിവ് കൊണ്ട് കൊതിച്ചിരിക്കാതെ അവ പരീക്ഷിച്ചു നോക്കൂ. അതിൽ തന്നെ ചെമ്മീൻ കൽമാസ് ഒരു തവണയെങ്കിലും ട്രൈ ചെയ്യൂ. കണ്ണൂർ സ്പെഷ്യലായിട്ടുള്ള പലഹാരമാണിത്. പേരിൽ മാത്രമേ അപരിചിതത്വം തോന്നൂ. തയ്യാറാക്കുമ്പോൾ കട്ലറ്റിനോട്  സാമ്യം തോന്നിയേക്കാം. വൈകിട്ട് ചായക്കൊപ്പം ഒരു തവണയെങ്കിലും ഇതൊന്ന് ട്രൈ ചെയ്തു നോക്കൂ. മലബാർ മെനു എന്ന ഇൻസ്റ്റഗ്രാം പേജാണ് ചെമ്മീൻ കൽമാസ് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• ചെമ്മീൻ- 20
• മഞ്ഞൾപ്പൊടി- 2 ടീസ്പൂൺ
• മുളകുപൊടി- 1 1/2 ടീസ്പൂൺ
• കാശ്മീരിമുളകുപൊടി- 2 ടീസ്പൂൺ
• ഉപ്പ്- ആവശ്യത്തിന്
• അരിപ്പൊടി- 1 കപ്പ്
• വെള്ളം- 1 3/4 കപ്പ്
• ഉപ്പ- ആവശ്യത്തിന്
• എണ്ണ- 1 ടേബിൾസ്പൂൺ
• തേങ്ങ- 1/3 കപ്പ്
• ചുവന്നുള്ളി- 10
• പെരുംജീരകം- 3/4 കപ്പ്
• ജീരകം- 1/4 ടീസ്പൂൺ
• പച്ചമുളക്- 1
• സവാള- 2
• ഇഞ്ചി വെളുത്തുള്ളി അരച്ചത്- 2 ടീസ്പൂൺ

View this post on Instagram

A post shared by Malabar Menu (@malabar_menu)

തയ്യാറാക്കുന്ന വിധം

• ചെമ്മീൻ വൃത്തിയായി കഴുകിയെടുത്തതിലേയ്ക്ക് അൽപ്പം മഞ്ഞൾപ്പൊടിയും, ഒരു ടീസ്പൂൺ മുളകുപൊടിയും, ആവശ്യത്തിന് ഉപ്പും ചേർത്തിളക്കി അൽപ്പ സമയം മാറ്റി വയ്ക്കുക.
• ഒരു പാൻ അടുപ്പിൽ വെച്ച് അൽപ്പം എണ്ണ ഒഴിച്ചു ചൂടാക്കി മസാല പുരട്ടിയ ചെമ്മീൻ വറുത്ത് മാറ്റുക.
• അതേ പാനിലേയ്ക്ക് രണ്ട് സവാള ചെറുതായി അരിഞ്ഞതു ചേർത്ത് വഴറ്റുക.
• ഒരു പച്ചമുളക് അരിഞ്ഞത്, രണ്ട് ടീസ്പൂൺ ഇഞ്ചിയും വെളുത്തുള്ളിയും അരച്ചത്, കാൽ ടീസ്പൂൺ മഞ്ഞൾപ്പൊടി, അര ടീസ്പൂൺ മുളകുപൊടി, അര ടീസ്പൂൺ ഗരം മസാല എന്നിവ ചേർത്തിളക്കി യോജിപ്പിക്കുക.
• ആവശ്യത്തിന് ഉപ്പും, കറിവേപ്പില, മല്ലിയില എന്നിവയും ചെറുതായി അരിഞ്ഞ് ചേർക്കുക.
• വറുത്തു വച്ചിരിക്കുന്ന ചെമ്മീൻ ചേർത്തിളക്കി യോജിപ്പിച്ച് അടുപ്പിൽ നിന്നും മാറ്റാം. ഒരു പാത്രത്തിൽ ഒന്നേ മുക്കാൽ കപ്പ് വെള്ളമെടുത്ത് ഒരു കപ്പ് അരിപ്പൊടി ചേർത്തിളക്കി മാറ്റുക.
• അൽപ്പം തേങ്ങ ചിരകിയതിലേയ്ക്ക് പത്ത് ചുവന്നുള്ളി, മുക്കാൽ ടീസ്പൂൺ പെരുംജീരകം, കാൽ ടീസ്പൂൺ ചെറിയ ജീരകം, ഒരു പച്ചമുളക് എന്നിവ ചേർത്ത് അരച്ചെടുക്കുക.
• അരിപ്പൊടിയിലേയ്ക്ക് ഈ അരപ്പു കൂടി ചേർത്തിളക്കി യോജിപ്പിക്കുക.
• അതിൽ നിന്നും അൽപ്പം മാവെടുത്ത് ഉള്ളിൽ ചെമ്മീൻ വച്ച് ആകൃതിയിലാക്കി ആവിയിൽ വേവിച്ചെടുക്കുക.
• ഒരു പാൻ അടുപ്പിൽ വച്ച് അൽപ്പം എണ്ണ ഒഴിച്ചു ചൂടാക്കുക.
• ഒരു ടീസ്പൂൺ മഞ്ഞൾപ്പൊടിയും, രണ്ട് ടീസ്പൂൺ​ കാശ്മീരി മുളകുപൊടിയും ചേർത്തിളക്കുക.
• അതിനു മുകളിലായി വേവിച്ചെടുത്ത കൽമാസ് വച്ച് ഇരു വശങ്ങളും വറുത്ത് മാറ്റുക. 

Read More

• ചപ്പാത്തി ഇനി ബാക്കി വരില്ല, ഒരു സ്പെഷ്യൽ സ്നാക്ക് തയ്യാറാക്കാം
• ദോശയല്ല, മസാല ഇഡ്ഡലിയാകും ഇനി അടുക്കളയിലെ താരം
• അവൽ ഉണ്ടെങ്കിൽ സുഖിയൻ ഇനി കൂടുതൽ രുചികരമാക്കാം
• അസാധ്യ രുചിയിൽ റവ പായസം, സിംപിളാണ് റെസിപ്പി
• 5 മിനിറ്റിൽ ക്രിസ്പി മസാല പൂരി
• പഞ്ചസാരയും എണ്ണയും വേണ്ട, ലഡ്ഡു ഇനി ഇങ്ങനെ തയ്യാറാക്കാം
• കുറഞ്ഞ ചേരുവയിൽ ഒരു സിംപിൾ ചിക്കൻ കറി
• കൊതിപ്പിക്കും രുചിയിൽ നാടൻ കാന്താരി കൂന്തൽ റോസ്റ്റ്
• ഊണിന് ക്രിസ്പിയായി കോവയ്ക്ക ഫ്രൈ ചെയ്തെടുത്തോളൂ
• ബീറ്റ്റൂട്ട് ഉണ്ടോ? എങ്കിൽ ഇനി ജാം കടയിൽ നിന്നും വാങ്ങേണ്ട
• മധുരിക്കും പൈനാപ്പിൾ കൊണ്ടൊരു ക്രിസ്പി സ്നാക്ക്
• കൊച്ചിക്കാരുടെ പയർ ചെമ്മീൻ മെഴുക്കുപുരട്ടി ഇങ്ങനെയാണ്
• നെല്ലിക്ക ഇനി മധുരിക്കും, ഇങ്ങനെ ചെയ്താൽ മതി
• ചുവന്നുള്ളിയും പച്ചമുളകും മതി, കൊതിയോടെ ചോറുണ്ണാൻ അച്ചാർ റെഡി
• രസം ഇനി ഇങ്ങനെ തയ്യാറാക്കി നോക്കൂ
• ചൂട് ചായക്കൊപ്പം മലബാർ സ്പെഷ്യൽ ഉന്നക്കായ
• അവലോസ് പൊടി ചൂടോടെ പഴം ചേർത്ത് കഴിച്ചിട്ടുണ്ടോ? തയ്യാറാക്കിക്കോളൂ