ചേമ്പില്ല ചേമ്പപ്പം, രുചിയിലും വ്യത്യസ്തൻ

പേര് കേൾക്കുമ്പോൾ, ഇത് ചേമ്പ് വറുത്തെടുക്കുന്നതല്ലേ എന്ന മുൻധാരണ വേണ്ട. പേരിൽ മാത്രമേ ചേമ്പ് ഉള്ളൂ, രുചിയിൽ തികച്ചും വ്യത്യസ്തനാണ് ചേമ്പപ്പം. അരിപ്പൊടിയും തേങ്ങാപ്പാലുമാണ് പ്രധാന ചേരുവകൾ. വീട്ടിൽ തന്നെ പെട്ടെന്നു തയ്യാറാക്കാൻ സാധിക്കുന്നതിനാൽ ഇനി വൈകിട്ട് സ്കൂൾ വിട്ടെത്തുന്ന കുട്ടിക്കുറുമ്പൻമാരെ വീഴ്ത്താൽ ഇത് മതിയാകും. ജാസ് ഫുഡ് ബുക്ക് എന്ന യൂട്യൂബ് ചാനലാണ് ചേമ്പപ്പം തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• അരിപ്പൊടി- 1 കപ്പ്
• തേങ്ങാപ്പാൽ- 1 കപ്പ്
• മുട്ട- 1
• പഞ്ചസാര- 3 ടേബിൾസ്പൂൺ
• ഉപ്പ്- 2 നുള്ള്
• ഏലയ്ക്ക- 3

തയ്യാറാക്കുന്ന വിധം

• മൂന്ന് ടേബിൾസ്പൂൺ പഞ്ചസാരയിലേയ്ക്ക് മൂന്ന് ഏലയ്ക്ക ചേർത്തു പൊടിക്കാം.
• അത് ഒരു ബൗളിലേയ്ക്കു മാറ്റി മുട്ട പൊട്ടിച്ചൊഴിച്ചിളക്കി യോജിപ്പിക്കാം.
• ഇതിലേയ്ക്ക് ഒരു കപ്പ് അരിപ്പൊടി, ആവശ്യത്തിന് ഉപ്പ്, കട്ടിയുള്ള തേങ്ങാപ്പാൽ എന്നിവ ചേർത്തു നന്നായി കുഴച്ചെടുക്കാം.
• കൈ ഉപയോഗിച്ച് കോരിയെടുക്കാൻ പാകത്തിന് മാവ് തയ്യാറാക്കാം.
• അടികട്ടിയുള്ള ഒരു പാത്രം അടുപ്പിൽ വച്ച് എണ്ണ ഒഴിച്ചു ചൂടാക്കാം.
• മാവിൽ നിന്നും കുറച്ചു വീതം നുള്ളിയെടുത്ത് എണ്ണയിലേയ്ക്കു ചേർക്കാം.
• ഗോൾഡൻ നിറമാകുമ്പോൾ കോരിയെടുക്കാം. ഇനി ചൂടോടെ ചായക്കൊപ്പം കഴിച്ചു നോക്കാം ചേമ്പപ്പം.

Read More

• അധികം എണ്ണ മയമില്ലാതെ പൊരിച്ച പത്തിരി തയ്യാറാക്കാം, ഇങ്ങനെ ചെയ്താൽ മതി
• ചിരകിയെടുക്കേണ്ട, 2 കഷ്ണം തേങ്ങ ഉണ്ടെങ്കിൽ മിനിറ്റുകൾക്കുള്ളിൽ തയ്യാറാക്കാം രുചികരമായ ചമ്മന്തി
• ആവി പറക്കും ഉപ്പുമാവ് ഉഡുപ്പി സ്റ്റൈലിൽ ട്രൈ ചെയ്യാം
• ബ്രേക്ക്ഫാസ്റ്റ് സിംപിളാക്കാം അതിലേറെ ഹെൽത്തിയാക്കാം, ഓംലെറ്റിൽ ഈ ചേരുവകൾ ഉൾപ്പെടുത്തൂ
• പഞ്ചസാരയും ഓവനും ഇല്ലാതെ കുക്കീസ് തയ്യാറാക്കിയിട്ടുണ്ടോ? കാര്യം നിസാരമാണ്, ഇതാ റെസിപ്പി
• ഈ അച്ചാർ ഉണ്ടെങ്കിൽ ചോറ് ബാക്കി വരില്ല
• ചെറുപയർ പരിപ്പ് ഉണ്ടോ? ഹൽവ തയ്യാറാക്കാം മിനിറ്റുകൾക്കുള്ളിൽ
• കേരള സ്പെഷ്യലല്ല, ഇതാണ് ഗോവൻ ഇഡ്ഡലി
• പുട്ട് കൂടുതൽ സോഫ്റ്റാക്കാം ഒപ്പം ഹെൽത്തിയും, ഇതാ ചില പാചക വിദ്യകൾ
• ചോറിനും ചപ്പാത്തിക്കും പകരം വൈകിട്ട് സൂപ്പായാലോ? ഹെൽത്തിയാണ് രുചികരവുമാണ്
• ദോശമാവ് ഇങ്ങനെ തയ്യാറാക്കൂ, ബ്രേക്ക്ഫാസ്റ്റ് രുചികരവും ഹെൽത്തിയുമാക്കാം