ചോറിനും ചപ്പാത്തിക്കും പകരം വൈകിട്ട് സൂപ്പായാലോ? ഹെൽത്തിയാണ് രുചികരവുമാണ്

പഞ്ഞപ്പുല്ല് എന്നറിയപ്പെടുത്ത റാഗിയുടെ ഗുണങ്ങൾ അനവധിയാണ്. കുട്ടികൾക്കു മാത്രമല്ല പ്രായമായവർക്കും ഇത് ഭക്ഷ്യയോഗ്യമാണ്. ദോശ, ഇഡ്ഡലി, ഇടിയപ്പം പാലപ്പം, പുട്ട് എന്നിവയൊക്കെ തയ്യാറാക്കാൻ സാധാരൻ റാഗി പൊടിച്ചെടുത്ത് ഉപയോഗിക്കാറുണ്ട്. എന്നാൽ ഇനി സൂപ്പ് തയ്യാറാക്കാനും അത് ഉപയോഗിക്കാം.

രാത്രിയിൽ ചോറോ ചപ്പാത്തിയോ കഴിക്കാൻ മടിയാണെങ്കിൽ നിങ്ങൾക്ക് ഇത് തിരഞ്ഞെടുക്കാം. റാഗി പൊടിച്ചതും, പച്ചക്കറികളും  ചിക്കനും മതിയാകും. ചിക്കൻ ചേർക്കാതെ വെജിറ്റബിൾ സൂപ്പായും ഇത് തയ്യാറാക്കാവുന്നതാണ്. റാഗി ചിക്കൻ സൂപ്പിന് ആവശ്യമായ ചേരുവകൾ പരിചയപ്പെടാം. 

ചേരുവകൾ

• ചിക്കൻ
• ബ്രോക്കോളി
• ചോളം
• കാരറ്റ്
• ബീൻസ് 
• ഓറിഗാനോ
• റാഗിപ്പൊടി
• വറ്റൽമുളക് ചതച്ചത്
• വെളുത്തുള്ളി
• ഇഞ്ചി
• കുരുമുളക്
• ഉപ്പ്
• സവാള
• ചീര
• മല്ലിയില
• വെണ്ണ
• വെള്ളം

തയ്യാറാക്കുന്ന വിധം

• പച്ചക്കറികൾ ചെറുതായി അരിഞ്ഞെടുക്കാം.
• കഴുകിയെടുത്ത എല്ലിലാത്ത ചിക്കൻ കഷ്ണങ്ങൾ കുറച്ച് ഉപ്പും വെള്ളവും ചേർത്തു വേവിക്കാം.
• കുക്കറിൽ രണ്ട് വിസിൽ വരെ വേവിച്ചെടുക്കാം.
• ചൂടാറിയതിനു ശേഷം ചിക്കൻ കഷ്ണങ്ങൾ ചെറുതായി അരിഞ്ഞെടുത്ത് ഒരു ബൗളിലേയ്ക്കു മാറ്റാം.
• ഇതിലേയ്ക്ക് റാഗിപ്പൊടി ചേർത്തിളക്കാം.
• ഒരു പാൻ അടുപ്പിൽ വച്ച് വെണ്ണ അലിയിച്ചെടുക്കാം.
• ഇതിൽ സവാള, വെളുത്തുള്ളി, ഇഞ്ചി എന്നിവ വഴറ്റാം.
• സവാളയുടെ നിറം മാറി വരുമ്പോൾ ചോളം, ബ്രോക്കോളി, ബീൻസ്, കാരറ്റ്, ചീര, എന്നിവ ചേർത്തു നന്നായി വേവിക്കാം.
• ഇതിലേയ്ക്ക് വെജിറ്റബിൾ സ്റ്റോക്കും ഉപ്പും മറ്റ് മസാലകളും ചേർത്ത് കുറഞ്ഞ തീയിൽ തിളപ്പിക്കാം.  
• ഇടയ്ക്ക് മാറ്റി വച്ചിരിക്കുന്ന ചിക്കൻ കഷ്ണങ്ങളും ചേർക്കാം.
• കട്ടിയായി വരുമ്പോൾ അടുപ്പണയ്ക്കാം. കുറച്ച് മല്ലിയില ചേർത്തു ചൂടോടെ കഴിച്ചു നോക്കൂ, റാഗി ചിക്കൻ സൂപ്പ്.

Read More

• റെസ്റ്റോറൻ്റ് സ്റ്റൈലിൽ ബ്രേക്ക്ഫാസ്റ്റ് കഴിക്കാം, പനീർ ബട്ടർ മസാല ഇങ്ങനെ തയ്യാറാക്കി നോക്കൂ
• ബാക്കി വന്ന ചോറ് കളയരുത്, ചായക്കൊപ്പം കഴിക്കാൻ ചൂടൻ കട്ലറ്റാക്കി മാറ്റാം
• ചിക്കൻ ഈ മസാല ചേർത്ത് ഒരു തവണ ഫ്രൈ ചെയ്തു നോക്കൂ
• ചൂടോടെ കുടിക്കാം സൂപ്പ്, ബീറ്റ്റൂട്ടും ബാർലിയും ഉണ്ടെങ്കിൽ
• ചോറ് ഇനി ബാക്കി വരില്ല, ഇങ്ങനെ പാകം ചെയ്താൽ മതി
• കട്ലറ്റ് ക്രിസ്പിയാക്കാം അവൽ ഉണ്ടെങ്കിൽ
• ദോശ ഇനി കൂടുതൽ രുചികരമാക്കാം, ഈ വിദ്യ ട്രൈ ചെയ്യൂ
• ഓംലെറ്റ് സോഫ്റ്റാകാൻ ഈ ചേരുവ മതി, ബ്രേക്ക്ഫാസ്റ്റ് ഇനി സ്പെഷ്യലാകട്ടെ
• പഞ്ചസാര വേണ്ട, ഈ റാഗി പുഡ്ഡിംഗ് സിംപിളാണ് രുചികരമാണ്
• ദോശമാവ് ഇങ്ങനെ തയ്യാറാക്കൂ, ബ്രേക്ക്ഫാസ്റ്റ് രുചികരവും ഹെൽത്തിയുമാക്കാം
• സൗത്തിന്ത്യൻ സ്റ്റൈലിലൊരു ശർക്കര പൊങ്കൽ