കട്ലറ്റ് ക്രിസ്പിയാക്കാം അവൽ ഉണ്ടെങ്കിൽ

സ്കൂൾ തുറന്നാൽ വീട്ടിലെ പ്രധാന പ്രശ്നം സ്നാക്സാണ്. സ്കൂളിലേയ്ക്ക് കൊടുത്തു വിടാനും, വൈകിട്ട് വീട്ടിലെത്തുമ്പോൾ കുട്ടികൾക്കു കൊടുക്കാനും വ്യത്യസ്തമായ പലഹാരങ്ങൾ എങ്ങനെ ഒപ്പിക്കും. ഇടയ്ക്ക് കടയിൽ നിന്നും വാങ്ങി സൂക്ഷിക്കാം എന്നല്ലാതെ എപ്പോഴും അത് സാധിച്ചെന്നു വരില്ല. മാത്രമല്ല ധാരാളം എണ്ണയും മായവും ചേർത്ത് തയ്യാറാക്കുന്ന ഇത്തരം പലഹാരങ്ങൾ കുട്ടികളുടെ ആരോഗ്യത്തെ തന്നെ മോശമായി ബാധിക്കും.

ഈ സാഹചര്യത്തിൽ ഏറ്റവും എളുപ്പത്തിൽ ആശ്രയിക്കാൻ പറ്റിയ ഒന്നാണ് അവൽ. കാര്യമായ ഉപയോഗങ്ങൾ ഒന്നുമില്ലാതെ അടുക്കളയിൽ ഇരിക്കേണ്ട ഒന്നല്ല അവൽ. രുചിയിലും ഗുണത്തിലും ഒട്ടും പിന്നിലല്ല, അതിനാൽ അൽപ്പം അവൽ കുതിർത്തെടുത്തോളൂ, കട്ലറ്റ് തയ്യാറാക്കാം. വരണ്ട് കട്ടിയായി ഇരിക്കുന്നതിനാൽ അൽപ സമയം വെള്ളത്തിലിട്ട് കുതിർത്ത്, പിന്നീട് അരിച്ചെടുത്തതിനു ശേഷം പച്ചക്കറികൾ കൂടി ചേർത്ത് ആകൃതിയിലാക്കി വറുത്തെടുക്കുക. ഇതിന് മുട്ടയുടെയോ ബ്രെഡ് പൊടിച്ചതിൻ്റെയോ ആവശ്യമില്ല.

ചേരുവകൾ

• അവൽ- 1 കപ്പ്
• ഉരുളക്കിഴങ്ങ്- 2
• കാരറ്റ്- 1
• ഗ്രീൻപീസ്- 1/2 കപ്പ്
• സവാള- 1
• ഇഞ്ചി വെളുത്തുള്ളി പേസ്റ്റ്- 1 ടേബിൾസ്പൂൺ
• കോൺഫ്ലോർ- 2 ടേബിൾസ്പൂൺ
• വെള്ളം- ആവശ്യത്തിന്
• എണ്ണ- ആവശ്യത്തിന്
• ഉപ്പ്- ആവശ്യത്തിന്
• കുരുമുളക്- ആവശ്യത്തിന്
• മഞ്ഞൾപ്പൊടി- 1/4 ടീസ്പൂൺ
• ജീരകപ്പൊടി- 1/2 ടീസ്പൂൺ
• മുളകുപൊടി- 1 ടീസ്പൂൺ
• മല്ലിയില- 2 സ്പൂൺ

തയ്യാറാക്കുന്ന വിധം

• പച്ചക്കറികൾ കഴുകി ചെറിയ കഷ്ണങ്ങളായി അരിഞ്ഞു വയ്ക്കാം.
• ഒരു പാനിൽ അൽപം വെള്ളമെടുത്ത് ഉപ്പ് ചേർക്കാം, അതിൽ ഉരുളക്കിഴങ്ങ് വേവിച്ചെടുക്കാം.
• ചൂടാറിയതിനു ശേഷം അതിൻ്റെ തൊലി കളഞ്ഞ് ഉടച്ചെടുക്കാം.
• ഗ്രീൻ പീസും അതുപോലെ വേവിച്ചു മാറ്റി വയ്ക്കാം.
• അവൽ കുതിർത്തിതിലേയ്ക്ക് ചെറുതായി അരിഞ്ഞ പച്ചക്കറികൾ ചേർത്ത് ഉടച്ചെടുക്കാം.
• ഒപ്പം ഉരുളക്കിഴങ്ങ്, ഇഞ്ചിയും വെളുത്തുള്ളിയും അരച്ചത്, മല്ലിയില എന്നിവ ചേർക്കാം.
• മഞ്ഞൾപ്പൊടി, മുളകുപൊടി, കുരുമുളക്, ആവശ്യത്തിന് ഉപ്പ് എന്നിവ ഇളക്കി യോജിപ്പിക്കാം.
• വറുത്ത അവൽ പൊടിച്ചു വയ്ക്കാം.
• കുഴച്ചു വച്ചിരിക്കുന്ന മാവിൽ നിന്നും അൽപം എടുത്ത് ഉരുളകളാക്കി ചെറുതായി പരത്തി വറുത്ത അവലിൽ മുക്കി വയ്ക്കാം.
• ഒരു പാനിൽ എണ്ണ ഒഴിച്ചു ചൂടാക്കി അതിൽ ഇവ വറുക്കാം. അവൽ കട്ലെറ്റ് ചൂടോടെ കഴിച്ചു നോക്കൂ. 

Read More

• ദോശ ഇനി കൂടുതൽ രുചികരമാക്കാം, ഈ വിദ്യ ട്രൈ ചെയ്യൂ
• ഓംലെറ്റ് സോഫ്റ്റാകാൻ ഈ ചേരുവ മതി, ബ്രേക്ക്ഫാസ്റ്റ് ഇനി സ്പെഷ്യലാകട്ടെ
• പഞ്ചസാര വേണ്ട, ഈ റാഗി പുഡ്ഡിംഗ് സിംപിളാണ് രുചികരമാണ്
• ദോശമാവ് ഇങ്ങനെ തയ്യാറാക്കൂ, ബ്രേക്ക്ഫാസ്റ്റ് രുചികരവും ഹെൽത്തിയുമാക്കാം
• സൗത്തിന്ത്യൻ സ്റ്റൈലിലൊരു ശർക്കര പൊങ്കൽ
• ഇലയട സോഫ്റ്റും രുചികരവുമാക്കാം ഈ ചേരുവകൾ ഉപയോഗിച്ചു നോക്കൂ
• വൈകിട്ട് കഴിക്കാൻ ഒരു നാടൻ പലഹാരം, നേന്ത്രപ്പഴം മാത്രം മതി
• ന്യൂഡിൽസ് വീട്ടിൽ തന്നെ തയ്യാറാക്കാം, ഗോതമ്പ് പൊടി ഉണ്ടോ?
• ചായക്കൊപ്പം ക്രിസ്പി ചിക്കൻ ബോണ്ട കഴിച്ചാലോ?
• കൊതിപ്പിക്കും മണമാണ്, ഗാർലിക് പനീർ ഒരിക്കലെങ്കിലും കഴിച്ചു നോക്കൂ
• ദോശ മാവ് ബാക്കിയുണ്ടോ? എങ്കിൽ ചൂടൻ പനിയാരം കഴിക്കാം