ബാക്കി വന്ന ചോറ് കളയരുത്, ചായക്കൊപ്പം കഴിക്കാൻ ചൂടൻ കട്ലറ്റാക്കി മാറ്റാം

ഉച്ചയൂണിനു ശേഷം ചോറ് ബാക്കി വന്നോ? പലരും ഇവ രാത്രിയിൽ ഉപയോഗിക്കാറില്ല. എന്നാൽ ഇനി ചോറ് മിച്ചം വന്നാൽ എന്തു ചെയ്യും എന്ന് ഓർത്ത് വിഷമിക്കേണ്ട, വൈകിട്ട് ചായക്കൊപ്പം കഴിക്കാൻ ക്രിസ്പിയായി കട്ലറ്റ് വറുത്തെടുക്കാം. എല്ലാവർക്കും ഇഷ്ടപ്പെടും എന്നതിൽ സംശയമില്ല.

ചീസും വേവിച്ച ചോറുമാണ് പ്രധാന ചേരുവകൾ. കുറച്ചു കൂടി ഹെൽത്തിയാക്കണം എങ്കിൽ കാരറ്റ്, ഗ്രീൻപീസ്, പോലെയുള്ള പച്ചക്കറികളും വേവിച്ചു ചേർക്കാവുന്നതാണ്. ചീസി റൈസ് കട്ലറ്റ് എങ്ങനെ തയ്യാറാക്കാം എന്ന് പരിചയപ്പെടാം. 

ചേരുവകൾ

• വേവിച്ച ചോറ്- 1 കപ്പ്
• ചോളം- 1/2 കപ്പ്
• റവ- 2 ടേബിൾസ്പൂൺ
• മഞ്ഞൾപ്പൊടി- 1/4 ടീസ്പൂൺ
• ഉപ്പ്- ആവശ്യത്തിന്
• ഒലിവ് എണ്ണ- 2 ടേബിൾസ്പൂൺ
• സവാള- 1
• വെളുത്തുള്ളി പേസ്റ്റ്- 1 ടീസ്പൂൺ
• മുളകുപൊടി- 1/2 ടീസ്പൂൺ
• മല്ലിപ്പൊടി- 1/2 ടീസ്പൂൺ
• ചീസ്- ആവശ്യത്തിന്

തയ്യാറാക്കുന്ന വിധം

• ഒരു പാൻ അടുപ്പിൽ വച്ച് ഒരു ടേബിൾസ്പൂൺ എണ്ണ ഒഴിച്ചു ചൂടാക്കാം.
• അതിലേയ്ക്ക് സവാള ചേർത്തു വഴറ്റാം.
• സവാള വെന്തു വരുമ്പോൾ വെളുത്തുള്ളി അരച്ചതും ചേർത്തിളക്കി യോജിപ്പിക്കാം.
• ഇതിലേയ്ക്ക് വേവിച്ചുടച്ചെടുത്ത സ്വീറ്റ് കോണും, മുളകുപൊടിയും, മഞ്ഞൾപ്പൊടിയും, മല്ലിപ്പൊടിയും, ആവശ്യത്തിന് ഉപ്പും ചേർത്തിളക്കി യോജിപ്പിക്കാം.
• ബാക്കി വന്ന ചോറ് ഉടച്ചെടുക്കാം.
• അത് പാനിലേയ്ക്കു ചേർക്കാം ഒപ്പം പച്ചക്കറികൾ അരിഞ്ഞതും ഇളക്കി യോജിപ്പിക്കാം.
• പച്ചക്കറികൾ വെന്തു വരുമ്പോൾ രണ്ട് ടേബിൾസ്പൂൺ റവ ചേർത്തിളക്കി മാവ് തയ്യാറാക്കാം. അതിൽ നിന്നും കുറച്ചു വീതം എടുത്ത് ഉരുട്ടി ഉള്ളിൽ ചീസ് കഷ്ണം വച്ച് ചെറുതായി പരത്തി കട്ലറ്റിൻ്റെ ആകൃതിയിലാക്കിയെടുക്കാം. ഇത് എണ്ണയിൽ വറുത്തെടുക്കാം. 

Read More

• ചിക്കൻ ഈ മസാല ചേർത്ത് ഒരു തവണ ഫ്രൈ ചെയ്തു നോക്കൂ
• ചൂടോടെ കുടിക്കാം സൂപ്പ്, ബീറ്റ്റൂട്ടും ബാർലിയും ഉണ്ടെങ്കിൽ
• ചോറ് ഇനി ബാക്കി വരില്ല, ഇങ്ങനെ പാകം ചെയ്താൽ മതി
• കട്ലറ്റ് ക്രിസ്പിയാക്കാം അവൽ ഉണ്ടെങ്കിൽ
• ദോശ ഇനി കൂടുതൽ രുചികരമാക്കാം, ഈ വിദ്യ ട്രൈ ചെയ്യൂ
• ഓംലെറ്റ് സോഫ്റ്റാകാൻ ഈ ചേരുവ മതി, ബ്രേക്ക്ഫാസ്റ്റ് ഇനി സ്പെഷ്യലാകട്ടെ
• പഞ്ചസാര വേണ്ട, ഈ റാഗി പുഡ്ഡിംഗ് സിംപിളാണ് രുചികരമാണ്
• ദോശമാവ് ഇങ്ങനെ തയ്യാറാക്കൂ, ബ്രേക്ക്ഫാസ്റ്റ് രുചികരവും ഹെൽത്തിയുമാക്കാം
• സൗത്തിന്ത്യൻ സ്റ്റൈലിലൊരു ശർക്കര പൊങ്കൽ
• ഇലയട സോഫ്റ്റും രുചികരവുമാക്കാം ഈ ചേരുവകൾ ഉപയോഗിച്ചു നോക്കൂ
• വൈകിട്ട് കഴിക്കാൻ ഒരു നാടൻ പലഹാരം, നേന്ത്രപ്പഴം മാത്രം മതി