ഈ അച്ചാർ ഉണ്ടെങ്കിൽ ചോറ് ബാക്കി വരില്ല

ആളിത്തിരി എരിവനാണേ... എന്ന് പച്ചമുളക് കണ്ടാൽ തന്നെ തോന്നിപ്പോകും. എരിവ് ഒഴിച്ചാൽ ആരോഗ്യമുള്ള ശരീരത്തിനു വേണ്ട ചില പോഷകങ്ങളും അത് നമുക്ക് നൽകുന്നുണ്ട്. പച്ചമുളകിൽ ഉയർന്ന ജലാംശം അടങ്ങിയിട്ടുണ്ട്, കൂടാതെ കലോറി ഇല്ല. അതിനാൽതന്നെ ശരീരഭാരം കുറയ്ക്കാൻ ആഗ്രഹിക്കുന്നവർക്ക് അത് ഗുണകരമാണ്.

അവയിൽ ധാരാളം ബീറ്റാ കരോട്ടിൻ, ആന്റിഓക്‌സിഡന്റുകൾ എന്നിവയുണ്ട്. വിറ്റാമിൻ ഇ, സി എന്നിവ അടങ്ങിയിട്ടുള്ളതിനാൽ രക്തത്തിലെ പഞ്ചസാരയുടെ അളവ് നിയന്ത്രിക്കാനും ദഹനം പ്രോത്സാഹിപ്പിക്കാനും ചർമ്മത്തിന്റെ ആരോഗ്യം മെച്ചപ്പെടുത്താനും സഹായിക്കുന്നു. അതിനാൽ മിതമായ അളവിൽ അവ ഭക്ഷണക്രമത്തിൽ ഉൾപ്പെടുത്താം.

ധാരാളം ആൻ്റി ഓക്സിഡൻ്റുകൾ അടങ്ങിയ ഉള്ളിയും പച്ചമുളകും പ്രതിരോധ ശേഷി വർധിപ്പിക്കുന്നതിന് അനുയോജ്യമാണ്. ഈ തണുപ്പ് കാലത്ത് അവ ഉപയോഗിച്ച് വളരെ പെട്ടെന്ന് തയ്യാറാക്കാൻ സാധിക്കുന്ന അച്ചാർ പരിചയപ്പെടാം.

ചേരുവകൾ

• ഉള്ളി- 3 
• കടുക്- 3 ടേബിൾസ്പൂൺ 
• ഉലുവ- 1 ടേബിൾസ്പൂൺ 
• ജീരകം- 1 ടേബിൾസ്പൂൺ 
• നാരങ്ങാനീര്- 1/2 ടേബിൾസ്പൂൺ 
• മുളകുപൊടി- 1 ടേബിൾസ്പൂൺ 
• ഗരംമസാല- 1 ടേബിൾസ്പൂൺ 
• ഇഞ്ചി- 1 ടേബിൾസ്പൂൺ
• ഉപ്പ്- ആവശ്യത്തിന് 
• പച്ചമുളക്- 2 
• നല്ലെണ്ണ- 3 ടേബിൾസ്പൂൺ

തയ്യാറാക്കുന്ന വിധം

• ഒരു പാൻ അടുപ്പിൽ വച്ച് ഉലുവ, കടുക്, ജീരകം എന്നിവ എണ്ണ ചേർക്കാതെ വറുക്കാം. ശേഷം അത് പൊടിച്ചു മാറ്റി വയ്ക്കാം.
• ഒരു ബൗളിലേയ്ക്ക് ഉള്ളി ചെറുതായി അരിഞ്ഞെടുക്കാം. അതിലേയ്ക്ക് മല്ലിയില, മുളകുപൊടി, ഗരംസമസാല, ഉപ്പ്, നാരങ്ങാനീര് എന്നിവ ചേർത്തിളക്കി യോജിപ്പിക്കാം.
• ഒരു പാൻ അടുപ്പിൽ വച്ച് നല്ലെണ്ണ ഒഴിച്ചു ചൂടാക്കാം. അതിലേയ്ക്ക് വെളുത്തുള്ളിയും വറുത്ത് പൊടിച്ച മസാലപ്പൊടികളും, മുളകുപൊടിയും, ഗരംമസാലയും, ആവശ്യത്തിന് ഉപ്പും ചേർത്തിളക്കി യോജിപ്പിച്ചെടുക്കാം. സവാളയിലേയ്ക്ക് ഈ എണ്ണ ഒഴിച്ച് നന്നായി ഇളക്കാം.
• വൃത്തിയുള്ള ഈർപ്പം കടക്കാത്ത പാത്രത്തിലേയ്ക്ക് ഇതു മാറ്റി സൂക്ഷിക്കാം. ആവശ്യാനുസരണം വിളമ്പി കഴിക്കാം.

Read More

• ചെറുപയർ പരിപ്പ് ഉണ്ടോ? ഹൽവ തയ്യാറാക്കാം മിനിറ്റുകൾക്കുള്ളിൽ
• കേരള സ്പെഷ്യലല്ല, ഇതാണ് ഗോവൻ ഇഡ്ഡലി
• പുട്ട് കൂടുതൽ സോഫ്റ്റാക്കാം ഒപ്പം ഹെൽത്തിയും, ഇതാ ചില പാചക വിദ്യകൾ
• ചോറിനും ചപ്പാത്തിക്കും പകരം വൈകിട്ട് സൂപ്പായാലോ? ഹെൽത്തിയാണ് രുചികരവുമാണ്
• റെസ്റ്റോറൻ്റ് സ്റ്റൈലിൽ ബ്രേക്ക്ഫാസ്റ്റ് കഴിക്കാം, പനീർ ബട്ടർ മസാല ഇങ്ങനെ തയ്യാറാക്കി നോക്കൂ
• ബാക്കി വന്ന ചോറ് കളയരുത്, ചായക്കൊപ്പം കഴിക്കാൻ ചൂടൻ കട്ലറ്റാക്കി മാറ്റാം
• ചിക്കൻ ഈ മസാല ചേർത്ത് ഒരു തവണ ഫ്രൈ ചെയ്തു നോക്കൂ
• ചൂടോടെ കുടിക്കാം സൂപ്പ്, ബീറ്റ്റൂട്ടും ബാർലിയും ഉണ്ടെങ്കിൽ
• ചോറ് ഇനി ബാക്കി വരില്ല, ഇങ്ങനെ പാകം ചെയ്താൽ മതി
• കട്ലറ്റ് ക്രിസ്പിയാക്കാം അവൽ ഉണ്ടെങ്കിൽ
• ദോശ ഇനി കൂടുതൽ രുചികരമാക്കാം, ഈ വിദ്യ ട്രൈ ചെയ്യൂ