ബ്രേക്ക്ഫാസ്റ്റ് സിംപിളാക്കാം അതിലേറെ ഹെൽത്തിയും, ഓംലെറ്റിൽ ഈ ചേരുവകൾ ഉൾപ്പെടുത്തൂ

രാവിലെ എന്ത് തയ്യാറാക്കാം എന്ന് ഓർത്ത് വിഷമിക്കാറുണ്ടോ? എങ്കിലിതാ രുചികരമായ ഒരു ഓംലെറ്റ് റെസിപ്പി. ഇത്ര സിംപിളായി എന്നാൽ ഹെൽത്തിയായി വീട്ടിൽ ഓരു ഓംലെറ്റ് നിങ്ങൾ തയ്യാറാക്കിയിട്ടുണ്ടാകില്ല. പ്രോട്ടീൻ, നാരുകൾ, മറ്റ് പോഷകങ്ങൾ എന്നിവയാൽ സമ്പന്നമായതിനാൽ ഒരു ദിവസത്തേയ്ക്കു വേണ്ട ഊർജ്ജം ഇതിൽ നിന്നും ലഭിക്കും എന്നതിൽ സംശയം വേണ്ട. ഇനി രാവിലത്തെ ഭക്ഷണം നിങ്ങളെ മടുപ്പിക്കില്ല.

ചേരുവകൾ

• മുട്ട- 3
• ഓട്സ്- 1/4 കപ്പ്
• പാൽ- 1/4 കപ്പ്
• സവാള- 1
• തക്കാളി- 4
• കാരറ്റ്- 1
• പച്ചമുളക്- 2
• ഉപ്പ്- ആവശ്യത്തിന്
• കുരുമുളക്- ആവശ്യത്തിന്
• ഒറിഗാനോ- 1ടീസ്പൂൺ
• വറ്റൽമുളക് ചതച്ചത്- 1 ടീസ്പൂൺ
• ചീസ്- 1/4 ടേബിൾസ്പൂൺ
• മല്ലിയില- ഒരുപിടി
• എണ്ണ- 2 ടേബിൾസ്പൂൺ

തയ്യാറാക്കുന്ന വിധം

• പച്ചക്കറികൾ കഴുകിയെടുത്ത് അരിഞ്ഞ് മാറ്റി വയ്ക്കാം.
• ഒരു പാൻ അടുപ്പിൽ വച്ചു ചൂടാക്കി ഓട്സ് വറുക്കാം.
• ഒരു ബൗളിലേയ്ക്കു മുട്ട പൊട്ടിച്ചൊഴിക്കാം.
• ആവശ്യത്തിന് ഉപ്പും കുരുമുളകുപൊടിയും ചേർത്തു പാൽ ഒഴിച്ചിളക്കി യോജിപ്പിച്ചെടുക്കാം മുട്ട.
• ഒരു പാൻ അടുപ്പിൽ വച്ച് എണ്ണ ചേർത്തു ചൂടാക്കാം.
• അതിലേയ്ക്ക് മുട്ട മിശ്രിതം ഒഴിച്ചു പരത്താം.
• വറുത്തെടുത്ത ഓട്സ് മുട്ടയുടെ മുകളിലായി ചേർക്കാം.
• ഒരു ടീസ്പൂൺ ഓറിഗാനോ, ഒരു ടീസ്പൂൺ വറ്റൽമുളക് ചതച്ചത്, മല്ലിയില അരിഞ്ഞത് എന്നിവ കൂടി ചേർത്ത് അടച്ചു വയ്ക്കാം.
• ഓംലെറ്റ് വെന്ത് പൊങ്ങി വന്നു കഴിഞ്ഞ് അടുപ്പണയ്ക്കാം. ശേഷം ചൂടോടെ കഴിച്ചു നോക്കൂ. 

Read More

• പഞ്ചസാരയും ഓവനും ഇല്ലാതെ കുക്കീസ് തയ്യാറാക്കിയിട്ടുണ്ടോ? കാര്യം നിസാരമാണ്, ഇതാ റെസിപ്പി
• ഈ അച്ചാർ ഉണ്ടെങ്കിൽ ചോറ് ബാക്കി വരില്ല
• ചെറുപയർ പരിപ്പ് ഉണ്ടോ? ഹൽവ തയ്യാറാക്കാം മിനിറ്റുകൾക്കുള്ളിൽ
• കേരള സ്പെഷ്യലല്ല, ഇതാണ് ഗോവൻ ഇഡ്ഡലി
• പുട്ട് കൂടുതൽ സോഫ്റ്റാക്കാം ഒപ്പം ഹെൽത്തിയും, ഇതാ ചില പാചക വിദ്യകൾ
• ചോറിനും ചപ്പാത്തിക്കും പകരം വൈകിട്ട് സൂപ്പായാലോ? ഹെൽത്തിയാണ് രുചികരവുമാണ്
• റെസ്റ്റോറൻ്റ് സ്റ്റൈലിൽ ബ്രേക്ക്ഫാസ്റ്റ് കഴിക്കാം, പനീർ ബട്ടർ മസാല ഇങ്ങനെ തയ്യാറാക്കി നോക്കൂ
• ബാക്കി വന്ന ചോറ് കളയരുത്, ചായക്കൊപ്പം കഴിക്കാൻ ചൂടൻ കട്ലറ്റാക്കി മാറ്റാം
• ചിക്കൻ ഈ മസാല ചേർത്ത് ഒരു തവണ ഫ്രൈ ചെയ്തു നോക്കൂ
• ചൂടോടെ കുടിക്കാം സൂപ്പ്, ബീറ്റ്റൂട്ടും ബാർലിയും ഉണ്ടെങ്കിൽ
• ചോറ് ഇനി ബാക്കി വരില്ല, ഇങ്ങനെ പാകം ചെയ്താൽ മതി