പഞ്ചസാരയും ഓവനും ഇല്ലാതെ കുക്കീസ് തയ്യാറാക്കിയിട്ടുണ്ടോ? കാര്യം നിസാരമാണ്, ഇതാ റെസിപ്പി

സോഫ്റ്റും രുചികരവുമായ കുക്കീസ് വീട്ടിൽ തന്നെ പാൻ ഫ്രൈ ചെയ്തെടുക്കാം. അതിനായി റാഗി ഉപയോഗിച്ചു നോക്കൂ. പൊട്ടാസ്യം, അയൺ, വിറ്റാമിൻ ബി6, ഫോളിക് ആസിഡ്, ആന്റി ഓക്സിഡന്റ് ​എന്നിവയാൽ സമ്പന്നമായ ധാന്യമാണ് റാഗി.

മുത്താറിയെന്നും പഞ്ഞപ്പുല്ലെന്നുമൊക്കെ റാഗിയെ വിളിക്കാറുണ്ട്. ഇതിൽ അടങ്ങിയിരിക്കുന്ന നാരുകൾ വിശപ്പ് ശമിപ്പിച്ച് അമിതമായി ഭക്ഷണം കഴിക്കുന്നത് ഒഴിവാക്കാം. അങ്ങനെ ശരീരഭാര നിയന്ത്രണത്തിന് ഗുണകരമാകന്നു. എല്ലുകൾക്കും പല്ലുകൾക്കും കരുത്ത് പകരാൻ റാഗിയിൽ അടങ്ങിയിരിക്കുന്ന പോഷകങ്ങൾ ഏറെ പ്രയോജനപ്പെടും, അതിനാൽ കുട്ടികൾക്കു തുടങ്ങി മുതിർന്നവർക്കു വരെ റാഗി ഭക്ഷണക്രമത്തിൽ ഉൾപ്പെടുത്താം. 

റാഗിയിൽ അൽപം പോലും പഞ്ചസാര ചേർക്കാതെ ഓവൻ ഉപയോഗിക്കാതെ എങ്ങനെ കുക്കീസ് തയ്യാറാക്കാം എന്ന് പരിചയപ്പെടാം.

ചേരുവകൾ

• റാഗിപ്പൊടി- 1/2 കപ്പ്
• അരിപ്പൊടി- 1/2 കപ്പ് 
• ബേക്കിങ് പൗഡർ- 1/2 ടീസ്പൂൺ
• ഏലയ്ക്കപ്പൊടി- 1/4 ടീസ്പൂൺ 
• വെണ്ണ- 8 ടേബിൾസ്പൂൺ
• പാൽ- 2 ടേബിൾസ്പൂൺ 
• ഉപ്പ്- 1 കപ്പ്
• സ്റ്റീവിയ- 2 ടീസ്പൂൺ

തയ്യാറാക്കുന്ന വിധം

• ഒരു പാൻ​ അടുപ്പിൽ വച്ച് ഉപ്പ് ചേർത്ത് കുറഞ്ഞ തീയിൽ 10 മിനിറ്റ് ചൂടാക്കാം. ഈ സമയം റാഗിപ്പൊടി അരിച്ചെടുക്കാം.
• അതിലേയ്ക്ക് അരിപ്പൊടി ചേർത്തിളക്കി യോജിപ്പിക്കാം.
• ഇതിലേയ്ക്ക് ബേക്കിങ് പൗഡറും, സ്റ്റാവിയയും, ഏലയ്ക്കപ്പൊടിയും ചേർത്തിളക്കി യോജിപ്പിക്കാം.
• ഒരു പാൻ അടുപ്പിൽ വച്ച് വെണ്ണ ചേർത്ത് അലിയിക്കാം. അത് പൊടിയിലേയ്ക്കു ചേർത്തിളക്കാം.
• അതിലേയ്ക്ക് പാൽ ചേർത്തിളക്കി മാവ് തയ്യാറാക്കാം.
• 30 മിനിറ്റ് ഫ്രിഡ്ജിൽ വച്ച് തണുപ്പിക്കാം.
• മാവിൽ നിന്നും അൽപം എടുത്ത് ഉരുളകളാക്കി ചെറുതായി പരത്താം.
• ഒരു പരന്ന പാത്രത്തിലേയ്ക്ക് പാർച്ച്മെൻ്റ് പേപ്പർ വച്ച് പരത്തിയെടുത്ത മാവ് അതിൽ വയ്ക്കാം.
• ഇത് പ്രീഹീറ്റ് ചെയ്ത ഒരു പാനിലേയ്ക്ക് ഇറക്കി വച്ച് 12 മുതൽ 15 മിനിറ്റു വരെ അടച്ചു വെച്ച് ബേക്ക് ചെയ്യാം. ശേഷം വായുസഞ്ചാരമില്ലാത്ത ഭരണിയിലേയ്ക്കു മാറ്റി സൂക്ഷിക്കാം.

Read More

• ഈ അച്ചാർ ഉണ്ടെങ്കിൽ ചോറ് ബാക്കി വരില്ല
• ചെറുപയർ പരിപ്പ് ഉണ്ടോ? ഹൽവ തയ്യാറാക്കാം മിനിറ്റുകൾക്കുള്ളിൽ
• കേരള സ്പെഷ്യലല്ല, ഇതാണ് ഗോവൻ ഇഡ്ഡലി
• പുട്ട് കൂടുതൽ സോഫ്റ്റാക്കാം ഒപ്പം ഹെൽത്തിയും, ഇതാ ചില പാചക വിദ്യകൾ
• ചോറിനും ചപ്പാത്തിക്കും പകരം വൈകിട്ട് സൂപ്പായാലോ? ഹെൽത്തിയാണ് രുചികരവുമാണ്
• റെസ്റ്റോറൻ്റ് സ്റ്റൈലിൽ ബ്രേക്ക്ഫാസ്റ്റ് കഴിക്കാം, പനീർ ബട്ടർ മസാല ഇങ്ങനെ തയ്യാറാക്കി നോക്കൂ
• ബാക്കി വന്ന ചോറ് കളയരുത്, ചായക്കൊപ്പം കഴിക്കാൻ ചൂടൻ കട്ലറ്റാക്കി മാറ്റാം
• ചിക്കൻ ഈ മസാല ചേർത്ത് ഒരു തവണ ഫ്രൈ ചെയ്തു നോക്കൂ
• ചൂടോടെ കുടിക്കാം സൂപ്പ്, ബീറ്റ്റൂട്ടും ബാർലിയും ഉണ്ടെങ്കിൽ
• ചോറ് ഇനി ബാക്കി വരില്ല, ഇങ്ങനെ പാകം ചെയ്താൽ മതി
• കട്ലറ്റ് ക്രിസ്പിയാക്കാം അവൽ ഉണ്ടെങ്കിൽ