ആവി പറക്കും ഉപ്പുമാവ് ഉഡുപ്പി സ്റ്റൈലിൽ ട്രൈ ചെയ്യാം

ബ്രേക്ക്ഫാസ്റ്റിന് ദോശ വിട്ടൊരു കളിയില്ല എന്നാണോ? അരിയും ഉഴുന്നും അരച്ചെടുത്ത് വച്ചാൽ മാത്രമല്ലേ ദോശ തയ്യാറാക്കാൻ സാധിക്കൂ. അതൊന്നുമില്ലെങ്കിൽ പിന്നെ ഗോതമ്പ് പൊടി വേണം. സ്ഥിരം ഇത് തന്നെ മാറി മാറി കഴിച്ച് മടുത്തിട്ടുണ്ടാകില്ലേ? ശരീരഭാരം നിയന്ത്രണമൊക്കെ ശ്രദ്ധിക്കുന്നവരാണെങ്കിൽ കഴിക്കുന്ന ഭക്ഷണവും അത്ര തന്നെ കരുതലോടെ ആയിരിക്കുമെല്ലോ? അങ്ങനെയെങ്കിൽ ഈ ഉപ്പുമാവ് ഒന്ന് ട്രൈ ചെയ്തു നോക്കൂ. സ്വർണ്ണ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്നവിധം പരിചയപ്പെടുത്തി തരുന്നത്. 

ചേരുവകൾ

• എണ്ണ- 3 ടോബിൾസ്പൂൺ
• കടുക്- 1/2 ടീസ്പൂൺ
• കടലപരിപ്പ്- 2 ടീസ്പൂൺ 
• ഉഴുന്നു പരിപ്പ്- 2 ടീസ്പൂൺ
• കറിവേപ്പില- 2 തണ്ട്
• കശുവണ്ടി- 10
• ചുവന്നുള്ളി- 1
• പച്ചമുളക്- 2
• ഇഞ്ചി- 1
• റവ- 1 കപ്പ്
• തേങ്ങ- 1/2 കപ്പ്
• പഞ്ചസാര അല്ലെങ്കിൽ ശർക്കര- 1/2 ടീസ്പൂൺ
• ഉപ്പ്- 1/2  ടീസ്പൂൺ
• ചൂടുവെള്ളം- 1 കപ്പ്
• നാരങ്ങ നീര്- 1/2 ടീസ്പൂൺ
• മല്ലിയില- ആവശ്യത്തിന്
• തേങ്ങ- ആവശ്യത്തിന്

View this post on Instagram

A post shared by Swarna | Recipe video creator (@_indian_tastebuds_)

തയ്യാറാക്കുന്ന വിധം

• അടി കട്ടിയുള്ള ഒരു പാത്രം അടുപ്പിൽ വച്ചു ചൂടാക്കി എണ്ണ ഒഴിക്കാം.
• എണ്ണ ചൂടായി വരുമ്പോൾ കടലപരിപ്പും, ഉഴുന്നു പരിപ്പും, കടുകും, കറിവേപ്പിലയും, കശുവണ്ടിയും ചേർത്തു വറുക്കാം.
• അവ നന്നായി വെന്തതിനു ശേഷം ചുവന്നുള്ളി ചെറുതായി അരിഞ്ഞതും, പച്ചമുളക് നടുവെ പിളർന്നതും, ഇഞ്ചി അരിഞ്ഞതും ചേർത്തു വേവിക്കാം.
• ഉള്ളി പിങ്ക് നിറം ആകുന്നതു വരെ ഇടത്തരം തീയിൽ ഇളക്കി കൊടുക്കാം.
• ശേഷം റവയും, ചിരകിയ തേങ്ങയും ചേർത്ത് അഞ്ചു മിനിറ്റ് വേവിക്കാം.
• പഞ്ചസാര അല്ലെങ്കിൽ ശർക്കര, ആവശ്യത്തിന് ഉപ്പ്, നാരങ്ങ നീര് ഒപ്പം വെള്ളവും ഒഴിച്ചിളക്കാം. അടച്ചു വച്ച് 5 മിനിറ്റ് തിളപ്പിക്കാം.
• വെള്ളം വറ്റി കഴിഞ്ഞ് അടപ്പ് തുറന്ന് മല്ലിയില ചെറുതായി അരിഞ്ഞതും തേങ്ങാ കഷ്ണങ്ങളും ചേർക്കാം.
• ചൂടോടെ ഫിൽറ്റർ കോഫിക്കൊപ്പം ഇത് കഴിച്ചു നോക്കൂ.

Read More

• ബ്രേക്ക്ഫാസ്റ്റ് സിംപിളാക്കാം അതിലേറെ ഹെൽത്തിയാക്കാം, ഓംലെറ്റിൽ ഈ ചേരുവകൾ ഉൾപ്പെടുത്തൂ
• പഞ്ചസാരയും ഓവനും ഇല്ലാതെ കുക്കീസ് തയ്യാറാക്കിയിട്ടുണ്ടോ? കാര്യം നിസാരമാണ്, ഇതാ റെസിപ്പി
• ഈ അച്ചാർ ഉണ്ടെങ്കിൽ ചോറ് ബാക്കി വരില്ല
• ചെറുപയർ പരിപ്പ് ഉണ്ടോ? ഹൽവ തയ്യാറാക്കാം മിനിറ്റുകൾക്കുള്ളിൽ
• കേരള സ്പെഷ്യലല്ല, ഇതാണ് ഗോവൻ ഇഡ്ഡലി
• പുട്ട് കൂടുതൽ സോഫ്റ്റാക്കാം ഒപ്പം ഹെൽത്തിയും, ഇതാ ചില പാചക വിദ്യകൾ
• ചോറിനും ചപ്പാത്തിക്കും പകരം വൈകിട്ട് സൂപ്പായാലോ? ഹെൽത്തിയാണ് രുചികരവുമാണ്
• റെസ്റ്റോറൻ്റ് സ്റ്റൈലിൽ ബ്രേക്ക്ഫാസ്റ്റ് കഴിക്കാം, പനീർ ബട്ടർ മസാല ഇങ്ങനെ തയ്യാറാക്കി നോക്കൂ
• ബാക്കി വന്ന ചോറ് കളയരുത്, ചായക്കൊപ്പം കഴിക്കാൻ ചൂടൻ കട്ലറ്റാക്കി മാറ്റാം
• ചിക്കൻ ഈ മസാല ചേർത്ത് ഒരു തവണ ഫ്രൈ ചെയ്തു നോക്കൂ