നോക്കേണ്ട, ഇത് കുമ്പളങ്ങ തന്നെയാണ്; അടിപൊളി പേഡയാണ് ഐറ്റം

ഡൽഹിയിലെ തെരുവോരങ്ങളിലും ബേക്കറികളിലും സ്ഥിരമായി കാണാറുള്ള ഒന്നാണ് ആഗ്ര പേഡ അഥ ആഗ്ര പേട്ട. കണ്ടാൽ കൽക്കണ്ടത്തോട് സാമ്യം തോന്നുന്ന ഈ ക്രിസ്റ്റൽ പേഡയ്ക്ക് നല്ല കൊതിപ്പിക്കുന്ന മധുരമാണ്. കേരളത്തിൽ സുലഭമായി കിട്ടുന്ന കുമ്പളങ്ങയാണ് ഇതിൻ്റെ പ്രധാന ചേരുവ എന്ന് നിങ്ങൾക്കറിയാമോ?കറിവയ്ക്കാൻ എന്നതിലുപരി കുമ്പളങ്ങ കൊണ്ടുള്ള മറ്റ് റെസിപ്പികളൊന്നും മലയാളികൾ അധികം പരീക്ഷിച്ചിട്ടുണ്ടാകില്ല. എന്നാൽ ഇനി ആരേയും കൊതിപ്പിക്കും ആഗ്ര പേഡ തന്നെ ട്രൈ ചെയ്യാം. 

ചേരുവകൾ

• കുമ്പളങ്ങ- 1/2 കിലോ
• പഞ്ചസാര- 400 ഗ്രാം
• ചുണ്ണാമ്പ്- 1/2 ടീസ്പൂൺ
• ഏലയ്ക്ക- 3 എണ്ണ 

View this post on Instagram

A post shared by Saji Therully (@sajitherully)

തയ്യാറാക്കുന്ന വിധം

• കുമ്പളങ്ങ തൊലി കളഞ്ഞ് മുറിച്ചെടുക്കാം.
• ചതുരാകൃതിയിൽ മുറിച്ചെടുത്ത കുമ്പളങ്ങ കഷ്ണങ്ങളിൽ ചെറിയ ദ്വാരങ്ങൾ ഫോർക്കുപയോഗിച്ചിട്ടു കൊടുക്കാം.
• ഒരു ബൗളിൽ അര ലിറ്റർ വെള്ളമെടുത്ത് ചുണ്ണാമ്പ് കലക്കിയെടുക്കാം.
• അതിലേയ്ക്ക് കുമ്പളങ്ങ കഷ്ണങ്ങൾ ചേർത്ത് 12 മണിക്കൂർ മാറ്റി വയ്ക്കാം.
• കുമ്പളങ്ങയിൽ വെള്ള നിറം വന്ന് കട്ടിയാകുന്നതു കാണാം.
• ഈ കഷ്ണങ്ങൾ അരിച്ചെടുത്ത് വെള്ളത്തിൽ കഴുകിയെടുക്കാം. ഇതിലേയ്ക്ക് അര ലിറ്റർ വെള്ളം ഒഴിച്ച് വേവിക്കാം.
• കുമ്പളങ്ങ കഷ്ണങ്ങൾ വെന്ത് മൃദുവായി കഴിഞ്ഞാൽ പഞ്ചസാര അലിയിച്ചതിലേയ്ക്കു ചേർത്ത് മാറ്റി വയ്ക്കാം.
• മൂന്ന് മുതൽ നാല് മണിക്കൂർ വരെ ഇങ്ങനെ പഞ്ചസാര ലായനിയിൽ സൂക്ഷിക്കാം. ശേഷം കുമ്പളങ്ങ കഷ്ണങ്ങൾ പുറത്തെടുത്ത് കട്ടിയായി കഴിയുമ്പോൾ കഴിക്കാം. 

Read More

• ബിരിയാണി മാറി നിൽക്കും ഈ തേങ്ങാച്ചോറിനു മുന്നിൽ
• ചേമ്പില്ല ചേമ്പപ്പം, രുചിയിലും വ്യത്യസ്തൻ
• അധികം എണ്ണ മയമില്ലാതെ പൊരിച്ച പത്തിരി തയ്യാറാക്കാം, ഇങ്ങനെ ചെയ്താൽ മതി
• ചിരകിയെടുക്കേണ്ട, 2 കഷ്ണം തേങ്ങ ഉണ്ടെങ്കിൽ മിനിറ്റുകൾക്കുള്ളിൽ തയ്യാറാക്കാം രുചികരമായ ചമ്മന്തി
• ആവി പറക്കും ഉപ്പുമാവ് ഉഡുപ്പി സ്റ്റൈലിൽ ട്രൈ ചെയ്യാം
• ബ്രേക്ക്ഫാസ്റ്റ് സിംപിളാക്കാം അതിലേറെ ഹെൽത്തിയാക്കാം, ഓംലെറ്റിൽ ഈ ചേരുവകൾ ഉൾപ്പെടുത്തൂ
• പഞ്ചസാരയും ഓവനും ഇല്ലാതെ കുക്കീസ് തയ്യാറാക്കിയിട്ടുണ്ടോ? കാര്യം നിസാരമാണ്, ഇതാ റെസിപ്പി
• ഈ അച്ചാർ ഉണ്ടെങ്കിൽ ചോറ് ബാക്കി വരില്ല
• ചെറുപയർ പരിപ്പ് ഉണ്ടോ? ഹൽവ തയ്യാറാക്കാം മിനിറ്റുകൾക്കുള്ളിൽ
• കേരള സ്പെഷ്യലല്ല, ഇതാണ് ഗോവൻ ഇഡ്ഡലി
• പുട്ട് കൂടുതൽ സോഫ്റ്റാക്കാം ഒപ്പം ഹെൽത്തിയും, ഇതാ ചില പാചക വിദ്യകൾ