26 വയസ്സായില്ലേ, ഇനി സിനിമ നിർത്തുന്നതാണ് നല്ലതെന്ന് അയാൾ പറഞ്ഞു; പത്മപ്രിയ

വിമൻ ഇൻ കളക്റ്റീവിന്റെ സ്ഥാപക അംഗങ്ങളിൽ ഒരാളാണ് നടി പത്മപ്രിയ. ഹേമ കമ്മിറ്റി റിപ്പോർട്ട് പുറത്തുവന്നത് നിരവധി ചർച്ചകൾക്ക് വഴിവെച്ച സാഹചര്യത്തിൽ, മലയാളസിനിമയിലെ തിരക്കുള്ള ഒരു പ്രൊഡക്ഷൻ മാനേജറിൽ നിന്നും  തനിക്കുണ്ടായ ദുരനുഭവം തുറന്നു പറയുകയാണ് പത്മപ്രിയ. 

മലയാളത്തിൽ സജീവമായിരുന്ന സമയത്ത് ഒരു പ്രൊഡക്ഷൻ മാനേജർ, 26 വയസ്സായില്ലേ ഇനി സിനിമ നിർത്തുന്നതാണ് നല്ലതെന്ന് പറഞ്ഞുവെന്നാണ് പത്മപ്രിയ പറയുന്നത്. സിനിമയിൽ നിന്നും പുറത്താക്കിയ പോലെയായിരുന്നു ആ അനുഭവമെന്നും പത്മപ്രിയ കൂട്ടിച്ചേർത്തു.   ഏഷ്യാനെറ്റ് ന്യൂസിന് നൽകിയ പ്രത്യേക അഭിമുഖത്തിൽ  സംസാരിക്കുകയായിരുന്നു പത്മപ്രിയ.

"അന്നെനിക്ക് 25-26 വയസ്സാണ് പ്രായം. ഇപ്പോഴത്തെ ഒരു ലീഡിങ് പ്രൊഡക്ഷൻ മാനേജരുണ്ട്. അന്ന് അയാളുടെ കരിയറിന്റെ തുടക്കമാണ്. ഒരു ലീഡിങ് നടിയോട് അങ്ങനെ പറയണമെങ്കിൽ എത്ര ധൈര്യം ഉണ്ടാവണം. 26 വയസ്സായില്ലേ, പ്രായമായി ഇനി നിങ്ങൾ സിനിമയിൽ നിന്ന് പോയാൽ മതിയെന്നായിരുന്നു. അത്രയേയുള്ളൂ. നിങ്ങൾ പറയുന്ന ശക്തമായ സ്ത്രീ കഥാപാത്രങ്ങളും നമ്മുടെ സംഭാവനകളും സിനിമയിലെ ബിസിനസുമെല്ലാം അപ്പോൾ അപ്രസക്തമായി മാറുകയാണ്. സിനിമ ഇൻഡസ്ട്രിയിൽ നിന്ന് പുറത്താക്കിയോ എന്ന് ചോദിച്ചാൽ ഞാൻ പറയും, പുറത്താക്കിയിട്ടുണ്ടെന്ന്, കാരണം ഇതാണ് കുറേപേരുടെ ധാരണ," പത്മപ്രിയ പറഞ്ഞു. 

'അമ്മ' എന്ന സംഘടനയ്ക്ക് തലയും നട്ടെല്ലുമൊന്നും ഇല്ലെന്നും പത്മപ്രിയ വിമർശിച്ചു. സിനിമയിൽ പവർ ഗ്രൂപ്പുണ്ടെന്നും അതുകൊണ്ടാണ് ലൈംഗികാതിക്രമങ്ങൾ ഉൾപ്പെടെയുള്ളവ നടക്കുന്നതെന്നും പത്മപ്രിയ പറഞ്ഞു.

ഹേമ കമ്മിറ്റി റിപ്പോർട്ടിനു പിന്നാലെ, മോഹൻലാലിന്റെയും മമ്മൂട്ടിയുടെയും പ്രതികരണങ്ങൾ നിരാശപ്പെടുത്തിയെന്നും പത്മപ്രിയ പറയുന്നു. "ഇവിടെ നടക്കുന്ന പ്രശ്നങ്ങൾ അവർ ഇപ്പോഴും അറിയുന്നില്ലെങ്കിൽ അതു മനസ്സിലാക്കാൻ അവരൊരു എക്സ്ട്രാ സ്റ്റെപ്പ് എടുക്കേണ്ടതുണ്ട്.  സാമ്പത്തികപരമായും സാമൂഹികപരമായും സാംസ്കാരികപരമായും അവർക്ക് വലിയൊരു സ്ഥാനം നൽകിയിട്ടുണ്ട് സമൂഹം. ഇതൊന്നും അറിയില്ലെങ്കിൽ അവരത് മനസ്സിലാക്കാനുള്ളൊരു ശ്രമം നടത്തട്ടെ," പത്മപ്രിയ കൂട്ടിച്ചേർത്തു.  

Read More

• ആളാകെ മാറി, ലുക്കിൽ അമ്പരപ്പിച്ച് നിവേദ തോമസ്
• ഫഹദിനൊപ്പം ലോകം ചുറ്റിക്കറങ്ങി നസ്രിയ
• ഒരാൾ കെട്ടിപ്പിടിച്ച് ഉമ്മവച്ചാൽ തെളിവിന് വേണ്ടി സെൽഫിയെടുക്കാനാകുമോ?: ഷീല
• സെപ്റ്റംബർ ഒടിടിയിൽ കാണാവുന്ന ഏറ്റവും പുതിയ ചിത്രങ്ങൾ
• അറയ്ക്കൽ മാധവനുണ്ണി വീണ്ടും എത്തുന്നു; റി റിലീസിന് ഒരുങ്ങി വല്യേട്ടൻ
• Adios Amigo OTT: അഡിയോസ് അമി​ഗോ ഒടിടിയിലേക്ക്
• സെപ്റ്റംബർ ഒടിടിയിൽ കാണാവുന്ന ഏറ്റവും പുതിയ ചിത്രങ്ങൾ
• പ്രതിഫലം കോടികൾ, ബജറ്റിൽ പകുതി വിജയ‌്ക്കെന്ന് 'ഗോട്ട്' നിർമ്മാതാവ്
• സൽവാറിൽ സുന്ദരിയായി മീനാക്ഷി, ലൈക്‌ ചെയ്തു മഞ്ജു
• ആരോപണങ്ങൾക്ക് പുതിയ മാനം; രാധികയുടെയും സുപർണയുടെയും വെളിപ്പെടുത്തൽ ഞെട്ടിക്കുന്നത്
• എമ്പുരാനിൽ മമ്മൂട്ടിയും? രഹസ്യമായി ചിത്രീകരണം നടന്നെന്ന് റിപ്പോർട്ട്
• നിശബ്ദത വെടിഞ്ഞ് മമ്മൂട്ടി; സിനിമയിൽ ഒരു ശക്തികേന്ദ്രവും ഇല്ല
• വിവാഹത്തിനു മുന്നോടിയായി പുതിയ കാർ സ്വന്തമാക്കി ദിയ കൃഷ്ണ; വീഡിയോ
• എന്തുകൊണ്ട് കുറ്റാരോപിതനായ ദിലീപിനൊപ്പം വർക്ക് ചെയ്തു?: രാധിക ശരത്കുമാർ പറയുന്നു
• അനിയത്തിയുടെ ബ്രൈഡൽ ഷവർ ആഘോഷമാക്കി അഹാന; ചിത്രങ്ങൾ