Adios Amigo OTT: അഡിയോസ് അമി​ഗോ ഒടിടിയിലേക്ക്

ആസിഫ് അലി, സുരാജ് വെഞ്ഞാറമ്മൂട് എന്നിവരെ കേന്ദ്ര കഥാപാത്രങ്ങളാക്കി നവാഗതനായ നഹാസ് നാസർ സംവിധാനം ചെയ്ത ചിത്രമാണ് 'അഡിയോസ് അമി​ഗോ.' ഓഗസ്റ്റ് 9ന് തിയേറ്ററിലെത്തിയ ചിത്രം മികച്ച പ്രതികരണം നേടി. തല്ലുമാലയുടെ അസോസിയേറ്റ് ഡയറക്ടർ ആയിരുന്ന നഹാസ് സ്വതന്ത്ര സംവിധായകനായ ചിത്രമായിരുന്നു അഡിയോസ് അമിഗോ.

തങ്കം ആണ് ചിത്രത്തിന്റെ രചന നിർവ്വഹിച്ചിരിക്കുന്നത്. അസിഫ് അലി നായകനായ ഹിറ്റു ചിത്രം കെട്ട്യോളാണ് എന്‍റെ മാലാഖയ്ക്കു ശേഷം തങ്കം തിരക്കഥ ഒരുക്കിയ ചിത്രമാണ് ഇത്. ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാനാണ് ചിത്രത്തിന്റെ നിർമ്മാണം. ഗോപി സുന്ദർ, ജേക്സ് ബിജോയ് എന്നിവർ ചേർന്നാണ് സംഗീതം. ക്യാമറ ജിംഷി ഖാലിദ്, എഡിറ്റിംഗ് നിഷാദ് യൂസഫ്, ആർട്ട്‌ ആഷിഖ് എസ്, ഗാനരചന വിനായക് ശശികുമാർ എന്നിവർ കൈകാര്യം ചെയ്യുന്നു.

ഷൈൻ ടോം ചാക്കോ, ഗണപതി, അൽത്താഫ് സലിം, ജിനു ജോസഫ്, സലിം ഹസ്സൻ, അനഘ, മുത്തുമണി, റിയാ സൈറ തുടങ്ങിയ താരങ്ങൾ ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചു. ഇപ്പോഴിതാ ചിത്രം ഒടിടിയിൽ റിലീസിനൊരുങ്ങുകയാണ്.

അഡിയോസ് അമി​ഗോ ഒടിടി: Adios Amigo OTT

പ്രശസ്ത ഒടിടി പ്ലാറ്റഫോമായ നെറ്റ്ഫ്ലിക്സിലൂടെയാണ് അഡിയോസ് അമി​ഗോ ഒടിടിയിലെത്തുന്നത്. സെപ്റ്റംബർ 6 മുതൽ ചിത്രം സ്ട്രീമിങ്ങ് ആരംഭിക്കുമെന്നാണ് റിപ്പോർട്ട്.

Read More

• ഫഹദിനൊപ്പം ലോകം ചുറ്റിക്കറങ്ങി നസ്രിയ
• ഒരാൾ കെട്ടിപ്പിടിച്ച് ഉമ്മവച്ചാൽ തെളിവിന് വേണ്ടി സെൽഫിയെടുക്കാനാകുമോ?: ഷീല
• സെപ്റ്റംബർ ഒടിടിയിൽ കാണാവുന്ന ഏറ്റവും പുതിയ ചിത്രങ്ങൾ
• അറയ്ക്കൽ മാധവനുണ്ണി വീണ്ടുമെത്തുന്നു; റി റിലീസിനൊരുങ്ങി വല്യേട്ടൻ
• പ്രതിഫലം കോടികൾ, ബജറ്റിൽ പകുതി വിജയ‌്ക്കെന്ന് 'ഗോട്ട്' നിർമ്മാതാവ്
• സൽവാറിൽ സുന്ദരിയായി മീനാക്ഷി, ലൈക്‌ ചെയ്തു മഞ്ജു