എമ്പുരാനിൽ മമ്മൂട്ടിയും? രഹസ്യമായി ചിത്രീകരണം നടന്നെന്ന് റിപ്പോർട്ട്

മലയാളം സിനിമാപ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളിലൊന്നാണ് 'എമ്പുരാൻ'. മലയാള സിനിമയുടെ ചരിത്രത്തിൽ തന്നെ നാഴികക്കല്ലായ 'ലൂസിഫറി'ന്റെ രണ്ടാം ഭാഗമാണ് പൃഥ്വിരാജ് സംവിധാനം ചെയ്യുന്ന എമ്പുരാൻ. ചിത്രത്തെ കുറിച്ച് പ്രേക്ഷകർക്ക് ഏറെ ആവേശം പകരുന്നൊരു റിപ്പോർട്ടാണ് ഇപ്പോൾ പുറത്തുവരുന്നത്.

മോഹൻലാലിനൊപ്പം മമ്മൂട്ടിയും എമ്പുരാനിൽ ഒരു അതിഥി വേഷത്തിൽ എത്തുന്നുണ്ട് എന്നാണ് റിപ്പോർട്ട്. പൃഥ്വിരാജ് അവതരിപ്പിക്കുന്ന സെയ്ദ് മസൂദ് എന്ന കഥാപാത്രത്തിന്റെ പിതാവിന്റെ വേഷത്തിലാവും മമ്മൂട്ടി എത്തുക എന്നാണ് അറിവ്. മോഹന്‍ലാലിന്റെ ഗോഡ് ഫാദറായാണ് മമ്മൂട്ടി എത്തുക എന്നും റിപ്പോർട്ടുണ്ട്. 

എമ്പുരാനു വേണ്ടിയുള്ള മമ്മൂട്ടിയുടെ ഭാഗങ്ങള്‍ രഹസ്യമായി ചിത്രീകരിച്ചു കഴിഞ്ഞെന്നും റിപ്പോർട്ടുകളുണ്ട്. എന്നാൽ പൃഥ്വിരാജോ ചിത്രത്തിന്റെ അണിയറപ്രവർത്തകളോ ഇക്കാര്യത്തിൽ ഔദ്യോഗിക  ചിത്രീകരിച്ച് കഴിഞ്ഞെന്നും റിപ്പോര്‍ട്ടുകളില്‍ പറയുന്നുണ്ട്.

വാർത്തകൾ ശരിയെങ്കിൽ മമ്മൂട്ടിയുടെയും മോഹൻലാലിന്റെയും ആരാധകർക്ക് വലിയ സർപ്രൈസ് തന്നെയാണ് പൃഥ്വിരാജ് ഒരുക്കുന്നത്. ട്വന്റി 20 എന്ന ചിത്രത്തിനു ശേഷം മമ്മൂട്ടിയും മോഹൻലാലും ഒന്നിച്ച് സ്ക്രീനിലെത്തുന്ന ചിത്രം കൂടിയാവും എമ്പുരാൻ. 

എമ്പുരാൻ എന്നെത്തും?

എമ്പുരാന്റെ ചിത്രീകരണം  ലോകത്തിന്റെ പല കോണുകളിലായി പുരോഗമിച്ചുകൊണ്ടിരിക്കുകയാണ്. ലൂസിഫർ റിലീസ് ചെയ്ത മാർച്ച് 28നു തന്നെ എമ്പുരാനും തിയേറ്ററുകളിൽ എത്തിക്കാനാണ് പൃഥ്വിയുടെയും ടീമിന്റെയും ശ്രമമെന്നും റിപ്പോർട്ടുണ്ട്. അങ്ങനെയെങ്കിൽ 2025 മാര്‍ച്ച് 28നാവും എമ്പുരാന്‍ തിയേറ്ററിലെത്തുക.ആശിര്‍വാദ് സിനിമാസും ലൈക പ്രൊഡക്ഷന്‍സും ചേര്‍ന്നാണ് എമ്പുരാന്‍ നിര്‍മിക്കുന്നത്. 

Read More

• ആരോപണങ്ങൾക്ക് പുതിയ മാനം; രാധികയുടെയും സുപർണയുടെയും വെളിപ്പെടുത്തൽ ഞെട്ടിക്കുന്നത്
• മഞ്ജു ഒരിക്കലും ഡബ്ല്യുസിസിയെ തള്ളി പറഞ്ഞിട്ടില്ല, ഒന്നിച്ച് നിൽക്കേണ്ടിടത്തെല്ലാം കൂടെ നിന്നിട്ടുണ്ട്: സജിത മഠത്തിൽ
• ഹേമ കമ്മിറ്റി റിപ്പോർട്ട് ഹൃദയഭേദകം, ബോളിവുഡിലും സമാന അവസ്ഥ: സ്വര ഭാസ്കർ
• മുകേഷും ബി.ഉണ്ണികൃഷ്ണനും നയരൂപീകരണ കമ്മിറ്റിയിൽനിന്ന് പുറത്തേക്ക്?
• സംഘടനയിൽ കുറ്റാരോപിതരുണ്ടെങ്കിൽ വലിപ്പച്ചെറുപ്പമില്ലാതെ നടപടി; പ്രതികരിച്ച് ഫെഫ്ക
• സൂപ്പർസ്റ്റാർ പീഡകരെക്കുറിച്ച് ആരാണ് സംസാരിക്കുക? ചിന്മയി ചോദിക്കുന്നു
• എന്റെ ഉണ്ണികണ്ണനെന്ന് ദിവ്യ ഉണ്ണി; അമ്മയുടെ കാർബൺ കോപ്പി തന്നെയെന്ന് ആരാധകർ
• അനിയത്തിയുടെ ബ്രൈഡൽ ഷവർ ആഘോഷമാക്കി അഹാന; ചിത്രങ്ങൾ
• നടനാവണമെന്നു പറഞ്ഞപ്പോൾ വീട്ടിൽ നിന്നു പുറത്താക്കി, അക്കൗണ്ടിലുള്ളത് 18 രൂപ മാത്രം: വിജയ് വർമ്മ