എന്റെ ഉണ്ണികണ്ണനെന്ന് ദിവ്യ ഉണ്ണി; അമ്മയുടെ കാർബൺ കോപ്പി തന്നെയെന്ന് ആരാധകർ

വിവാഹശേഷം കുടുംബത്തോടൊപ്പം യുഎസിൽ ആണ് ദിവ്യ ഉണ്ണി. അഭിനയത്തിൽ നിന്ന് വിട്ടു നിൽക്കുകയാണെങ്കിലും തന്റെ ഡാൻസ് സ്കൂളുമായി തിരക്കിലാണ് ദിവ്യ. 2020 ജനുവരിയിലാണ് ഇളയമകൾ ഐശ്വര്യയ്ക്ക് ദിവ്യ ജന്മം നൽകിയത്. ഐശ്വര്യയുടെ ചിത്രങ്ങളും വീഡിയോകളും വിശേഷങ്ങളും കുട്ടികുറുമ്പുകളുമൊക്കെ ഇടയ്ക്ക് ദിവ്യ സമൂഹമാധ്യമങ്ങളിൽ ഷെയർ ചെയ്യാറുണ്ട്.

ജന്മാഷ്ടമി ആഘോഷങ്ങളുടെ ഭാഗമായി മകൾ കൃഷ്ണവേഷം കെട്ടിയതിന്റെ ചില ചിത്രങ്ങളും ദൃശ്യങ്ങളും പങ്കിട്ടിരിക്കുകയാണ്  ദിവ്യ ഇപ്പോൾ. മകളെ ഒരുക്കുന്ന  ദിവ്യയെ ചിത്രങ്ങളിൽ കാണാം. അമ്മയുടെ കാർബൺ കോപ്പിയാണ് മകളെന്നാണ് ആരാധകരുടെ വിലയിരുത്തൽ.

View this post on Instagram

A post shared by Divyaa Unni (@divyaaunni)

ഹൂസ്റ്റണിലെ ഗുരുവായൂരപ്പന്‍ ക്ഷേത്രത്തില്‍ വെച്ച് 2018 ഫെബ്രുവരിയിൽ ആയിരുന്നു ദിവ്യയുടെയും അരുണിന്റെയും വിവാഹം. ദിവ്യയുടെ രണ്ടാം വിവാഹമാണിത്. ആദ്യ വിവാഹത്തിൽ അർജുൻ, മീനാക്ഷി എന്നിങ്ങനെ രണ്ടു മക്കളും ദിവ്യയ്ക്ക് ഉണ്ട്.

തൊണ്ണൂറുകളിൽ മലയാളത്തിൽ ഏറെ ശ്രദ്ധ നേടിയ നായികമാരിൽ ഒരാളാണ് ദിവ്യ ഉണ്ണി. മോഹൻലാൽ, മമ്മൂട്ടി, സുരേഷ് ഗോപി, ജയറാം, ദിലീപ് തുടങ്ങി മുൻനിര നായകന്മാരുടെയെല്ലാം നായികയായ ദിവ്യ മലയാളം, തമിഴ്, തെലുങ്ക്, കന്നഡ ഭാഷകളിലായി അമ്പതിലേറെ സിനിമകളിൽ അഭിനയിച്ചിട്ടുണ്ട്.

Read More

• ഹേമ കമ്മിറ്റി റിപ്പോർട്ട് ഹൃദയഭേദകം, ബോളിവുഡിലും സമാന അവസ്ഥ: സ്വര ഭാസ്കർ
• മുകേഷും ബി.ഉണ്ണികൃഷ്ണനും നയരൂപീകരണ കമ്മിറ്റിയിൽനിന്ന് പുറത്തേക്ക്?
• സംഘടനയിൽ കുറ്റാരോപിതരുണ്ടെങ്കിൽ വലിപ്പച്ചെറുപ്പമില്ലാതെ നടപടി; പ്രതികരിച്ച് ഫെഫ്ക
• സൂപ്പർസ്റ്റാർ പീഡകരെക്കുറിച്ച് ആരാണ് സംസാരിക്കുക? ചിന്മയി ചോദിക്കുന്നു