ആദ്യ ഭാര്യ പുറത്തേക്ക്; ബിഗ് ബോസ് വീടിനകത്ത് ഇനി ശേഷിക്കുന്നത്  അർമാനും രണ്ടാം ഭാര്യയും

ബിഗ് ബോസ് ഒടിടി മൂന്നാം സീസൺ നടന്നു കൊണ്ടിരിക്കുകയാണ്. ഈ സീസണിൽ ഏറെ ശ്രദ്ധ നേടിയ മത്സരാർത്ഥികളാണ് അർമാൻ മാലിക്കും ഭാര്യമാരായ പായലും കൃതികയും. ഭർത്താവ് തന്റെ രണ്ടു ഭാര്യമാർക്കൊപ്പം ബിഗ് ബോസിൽ മത്സരിക്കാനെത്തുന്ന അപൂർവ്വമായൊരു കാഴ്ചയാണ്  ബിഗ് ബോസ് ഒടിടി മൂന്നാം സീസണിൽ പ്രേക്ഷകർ കണ്ടത്. . 

ഇപ്പോഴിതാ, ഷോയിൽ നിന്നും അർമാന്റെ ഭാര്യമാരിൽ ഒരാൾ എവിക്റ്റായിരിക്കുകയാണ്. അർമാന്റെ ആദ്യഭാര്യ പായൽ മാലിക് ആണ് ഷോയിൽ നിന്നും ഔട്ടായത്. എന്നാൽ, അൺഫെയർ എവിക്ഷൻ എന്നാണ് ആരാധകർ പായലിന്റെ എവിക്ഷനെ വിശേഷിപ്പിക്കുന്നത്. അവിടെ ശേഷിക്കുന്ന മറ്റു പല മത്സരാർത്ഥികളേക്കാളും ഷോയിൽ തുടരാൻ അർഹതയുണ്ടായിരുന്നത് പായലിനായിരുന്നു എന്നും ചിലർ വിലയിരുത്തുന്നു. 

പായലിന്റെ എവിക്ഷൻ അന്യായമെന്ന് പറഞ്ഞ് ആരാധകർ ബിഗ് ബോസിനെതിരെ ആഞ്ഞടിച്ചു. "പായൽ അവിടെ നിൽക്കാൻ യോഗ്യയായിരുന്നു. പക്ഷേ ലോകം നല്ല ആളുകൾക്കുള്ളതല്ലെന്ന് എനിക്കറിയാം. അത് ഇവിടെ വീണ്ടും തെളിയിക്കപ്പെട്ടിരിക്കുന്നു. ദശലക്ഷക്കണക്കിന് ആരാധകരെ സ്വന്തമാക്കി അന്തസ്സോടു കൂടിയാണ് പായൽ ഷോയിൽ നിന്നും പുറത്തിറങ്ങിയിരിക്കുന്നത്," എന്നാണ്  ഒരു ഇൻസ്റ്റാഗ്രാം ഉപയോക്താവ് കുറിച്ചത്. . 

അതേസമയം, പായലിന്റെ എവിക്ഷനിൽ അർമാന്റെ പ്രതികരണവും ശ്രദ്ധ നേടുകയാണ്. പായൽ പുറത്തായാൽ എന്ത് സംഭവിക്കുമെന്ന് അവതാരകനായ അനിൽ കപൂർ  അർമാനോട് ചോദിച്ചപ്പോൾ,  "ഞാൻ അതിന് തയ്യാറാണ്,പായൽ എലിമിനേറ്റായാൽ അവൾ വീട്ടിൽ പോയി ഞങ്ങളുടെ നാല് കുട്ടികളെ പരിപാലിക്കും." എന്നായിരുന്നു അർമാൻ പറഞ്ഞത്. ബിഗ് ബോസ് വീട്ടിൽ ഇപ്പോൾ ശേഷിക്കുന്നത് അർമാനും കൃതികയുമാണ്. .

Read More Entertainment Stories Here

• രണ്ടു ഭാര്യമാർക്കൊപ്പം ബിഗ് ബോസിൽ മത്സരിക്കാനെത്തിയ മത്സരാർത്ഥി; എല്ലാ കണ്ണുകളും അർമാനിലേക്ക്
• ലണ്ടനിൽ ചുറ്റിക്കറങ്ങി ദുൽഖറും മമ്മൂട്ടിയും; വീഡിയോ ഏറ്റെടുത്ത് സോഷ്യൽ മീഡിയ
• ആകാശത്ത് അജിത്തിന്റെ അതിസാഹസികത; 'വിടാമുയർച്ചി' സ്റ്റണ്ട് വീഡിയോ
• ലംബോർഗിനിയ്ക്ക് കൂട്ടായി പൃഥ്വിയുടെ ഗ്യാരേജിലേക്ക് പുതിയ അതിഥി
• New OTT Release: പുതിയ 5 ചിത്രങ്ങൾ കൂടി ഒടിടിയിലേക്ക്
• ബി​ഗ് ബോസിലേക്ക് കയറാൻ നേരം അവർ കണ്ണു കെട്ടാൻ വന്നു, ഞാൻ സമ്മതിച്ചില്ല: ഉർവശി
• ശോഭനയെ ഇംപ്രസ് ചെയ്യാൻ മത്സരിച്ച് മോഹൻലാലും മമ്മൂട്ടിയും, സ്കോർ ചെയ്ത് ഫാസിൽ
• പേര് ബേസിൽ ഖാൻ, ബ്രഹ്മാസ്ത്രയുടെ ഷൂട്ടിംഗാ; പിള്ളേരെ പറ്റിച്ച് ബേസിൽ
• ആരാധകരുടെ കാര്യത്തിൽ മാത്രമല്ല സമ്പത്തിന്റെ കാര്യത്തിലും കോടീശ്വരനാണ്; നിവിൻ പോളിയുടെ ആസ്തി എത്രയെന്നറിയാമോ?
• Latest OTT Release: ഏറ്റവും പുതിയ 10 മലയാളചിത്രങ്ങൾ, ഒടിടിയിൽ