എന്റെ വിഷം അത്ര പെട്ടെന്ന് പോവില്ല, ഞാനെത്ര വലിയ പാമ്പാണെന്ന് എനിക്കറിയാം: ശാപവാക്കുകളായി ജാൻമണി വീണ്ടും

Bigg Boss malayalam 6: ബിഗ് ബോസ് മലയാളം ആറാം സീസണിൽ ഏറെ വിമർശനങ്ങൾ നേരിട്ട കാര്യമാണ് ജാൻമണിയുടെ സഹമത്സരാർത്ഥികൾക്കെതിരെയുള്ള  പ്രാക്കും ശാപവും. ചെറിയ കാര്യങ്ങൾക്കു പോലും നോറയ്ക്കും അർജുനുമെതിരെ ശാപവാക്കുകൾ ഉന്നയിക്കുന്ന ജാൻമണിയെ പ്രേക്ഷകർ കണ്ടതാണ്. നോറയെ ജാന്‍മണി ശപിക്കുന്നത് ശബ്ദം ഇല്ലാതായി പോകട്ടെ എന്നായിരുന്നു, പുറത്തിറങ്ങി കഴിഞ്ഞാൽ അർജുന്റെ കരിയര്‍ നശിപ്പിക്കും എന്നും ജാൻമണി ഷോയ്ക്കിടയിൽ പറഞ്ഞിരുന്നു. വീക്ക് ലി എപ്പിസോഡിൽ മോഹൻലാൽ പോലും ജാൻമണിയുടെ ഈ സ്വഭാവത്തെ ചോദ്യം ചെയ്തിരുന്നു. 'അത് ദേഷ്യത്തിന്റെ പുറത്ത് പറഞ്ഞ് പോകുന്നതാണ് അവര്‍ക്കാര്‍ക്കും ഒന്നും സംഭവിക്കാന്‍ വേണ്ടിയല്ല ' എന്നൊക്കെയായിരുന്നു അന്ന് ജാൻമണിയുടെ ന്യായീകരണം. 

എന്നാൽ, ബിഗ് ബോസ് ഷോ വിട്ട് പുറത്തിറങ്ങിയിട്ടും സമാനമായ രീതിയിലുള്ള പ്രവൃത്തികൾ തന്നെയാണ് ജാൻമണിയുടെ ഭാഗത്തു നിന്നും കാണാൻ സാധിച്ചത്. പല അഭിമുഖങ്ങളിലും അർജുനെതിരെ രൂക്ഷമായ ആരോപണങ്ങൾ നടത്തി ഡീഗ്രേഡിംഗ് ചെയ്യാൻ ജാൻമണി ശ്രമിച്ചു.

ഇപ്പോഴിതാ, ഫിനാലെ വീക്കിനു മുൻപു ബിഗ് ബോസ് വീട്ടിലേക്ക് തിരിച്ചെത്തിയിട്ടും ജാൻമണിയുടെ സ്വഭാവത്തിനു മാറ്റമൊന്നുമില്ല എന്നാണ് പുറത്തുവന്ന ഒരു വീഡിയോ തെളിയിക്കുന്നത്. 

"അർജുൻ, റസ്മിൻ, നോറ... ഈ മൂന്നു പേരെയും ഞാൻ ശപിക്കും. മരിച്ചുപോയാലും ഞാൻ ക്ഷമിക്കില്ല. എന്റെ വിഷം അങ്ങനെയൊന്നും പോവില്ല, ഞാൻ എത്ര വലിയ പാമ്പാണെന്ന് എനിക്കറിയാം. ഇതൊന്നും ഇവിടെ തീരില്ല. ഇവിടെയാണ് തുടങ്ങാൻ പോവുന്നത്," എന്നൊക്കെയാണ് ജിന്റോയോടും പൂജയോടുമായി ജാൻമണി പറയുന്നത്.

അർജുനോട് തനിക്കുള്ള ദേഷ്യത്തിന്റെ കാരണവും ജാൻമണി വിവരിക്കുന്നുണ്ട്. വീടിനകത്ത് പാനിക് അറ്റാക്ക് വന്ന് ജാൻമണി തലകറങ്ങി വീണൊരു സംഭവം ഉണ്ടായിരുന്നു. ജാൻമണിയുടെ ആ വീഴ്ച അഭിനയമാണോ എന്ന ശങ്ക വീടിനകത്തെ പല മത്സരാർത്ഥികളും പ്രേക്ഷകരും ഉന്നയിച്ചതാണ്. വാരാന്ത്യ എപ്പിസോഡിൽ മോഹൻലാൽ ഇക്കാര്യം എടുത്തു ചോദിക്കുകയും ചെയ്തു. തനിക്കും അത്തരമൊരു സംശയം തോന്നി എന്നായിരുന്നു അർജുന്റെ വെളിപ്പെടുത്തൽ. ഇതാണ് അർജുനോട് തനിക്ക് ഇത്രയേറെ ദേഷ്യമുണ്ടാവാൻ കാരണമെന്നാണ് ജാൻമണി പറയുന്നത്.

View this post on Instagram

A post shared by ＳＵＵ.Ｃ (@suuzy.cutz)

"ലാലേട്ടൻ അർജുനോട് ചോദിച്ചപ്പോൾ അത് നാടകമാണെന്നു പറഞ്ഞതു കൊണ്ടാണ്. ഈ മൂന്നു ആളുകളോടും എന്റെ മനസ്സിൽ എപ്പോഴും വിഷം ഉണ്ടാവുകയേ ഉള്ളൂ," എന്നൊക്കെയാണ് ജാൻമണി പറയുന്നത്. 

Read More Stories Here

• ജാൻമണി വിവാഹിതയാവുന്നു, വരൻ ഡോക്ടർ
• എനിക്കെന്റെ കട്ടിൽ ഷെയർ ചെയ്യാൻ പറ്റില്ല: മനസു തുറന്ന് ജാൻമണി
• രവിവർമ്മ ചിത്രം പോൽ മനോഹരം; ഫാൻസി ഡ്രസ്സ് ടാസ്കിൽ തിളങ്ങി ജാസ്മിൻ
• Bigg Boss Malayalam 6: അവസാന മത്സരത്തിന് ഇവർ ആറുപേർ, നിങ്ങളുടെ വോട്ട് ഇവരിൽ ആർക്ക്?
• ബിഗ് ബോസിൽ ലാലേട്ടൻ അണിഞ്ഞ ഈ ഡ്രസ്സ് അൽപ്പം സ്പെഷലാണ്
• 20 ലക്ഷം രൂപയുടെ പണപ്പെട്ടി പ്ലാൻ ചെയ്തിരുന്നെന്ന് മോഹൻലാൽ, സായി കാണിച്ചത് സ്വാർത്ഥതയെന്ന് ഋഷി
• ബിഗ് ബോസിനായി താരങ്ങൾ കൈപ്പറ്റുന്ന പ്രതിഫലം എത്രയാണെന്നറിയാമോ?
• അർജുൻ: ശാന്തനും മര്യാദക്കാരനുമായ പ്ലെയർ 
• അന്തിയാകും വരെ വെള്ളം കോരി അന്തിയ്ക്ക് കുടം ഉടയ്ക്കുന്ന ജിന്റോ
• ജാസ്മിൻ ജാഫർ; ബിഗ് ബോസ് മലയാളം കണ്ട ഏറ്റവും വലിയ സർവൈവർ
• നീ ഭയങ്കരനാണല്ലോ, ഇങ്ങനെയാണോ സുഖമോ ദേവി കാണിക്കുന്നേ?; ഋഷിയെ ട്രോളി മോഹൻലാൽ