പുകവലി ഉപേക്ഷിക്കണോ? നിങ്ങളെ ഇനി സ്മാർട് വാച്ച് സഹായിക്കും

പുകവലി ഉപേക്ഷിക്കാൻ ആഗ്രഹിക്കുന്നവാരാണോ നിങ്ങൾ? എന്നാൽ ഇനി മുതൽ പുകവലി ഉപേക്ഷിക്കാൻ നിങ്ങളെ ഒരു സ്മാർട് വാച്ച് സഹായിച്ചാലോ? പുകവലിയിൽ നിന്ന് മുക്തിനേടാൻ ആഗ്രഹിക്കുന്നവർക്ക് സന്തോഷ വാർത്തയുമായി എത്തിയിരിക്കുകയാണ് ബ്രിസ്റ്റോൾ സർവ്വകലാശാലയിലെ ഗവേഷകർ.

പുകവലിക്കുന്നത് തിരിച്ചറിഞ്ഞ് ഉടനടി ആ​ളുകളെ അതിൽ നിന്ന് പിന്തിരിപ്പിക്കാൻ ശ്രമിക്കുന്ന സ്മാർട് വാച്ച് ആപ്ലിക്കേഷനാണ് സർവകലാശാല വികസിപ്പിച്ചിരിക്കുന്നത്. സിഗരറ്റ് വലിക്കുന്ന സമയത്തെ കൈകളുടെ ചലനം തിരിച്ചറിയാൻ സാധിക്കുന്ന മോഷൻ സെൻസർ സോഫ്റ്റ്‌വെയർ ഗവേഷകർ വികസിപ്പിച്ചെടുത്തിട്ടുണ്ട്.

ഓരോ തവണയും വാച്ച് ധരിച്ചയാൾ സിഗരറ്റ് വലിക്കുമ്പോൾ, കൈയ്യിൽ ധരിച്ചിരിക്കുന്ന സ്മാർട് വാച്ച് അലേർട്ട് നൽകുന്നു. വൈബ്രേഷനും സന്ദേശങ്ങളും അലേർട്ടിൽ ഉൾപ്പെടുന്നു. പുകവലി ഉപേക്ഷിക്കുന്നതിനെ പ്രോത്സാഹിപ്പിക്കുന്ന വാചകങ്ങളാകും സന്ദേശത്തിലുണ്ടാകുക.

ആപ്ലിക്കേഷനിലെ അൽഗോരിതം ഡാറ്റ പ്രോസസ്സ് ചെയ്യുന്നതിന് സ്മാർട്ട് വാച്ചിൻ്റെ ആക്സിലറോമീറ്ററും ഗൈറോസ്കോപ്പും ഉപയോഗിക്കുന്നു. പുകവലിക്കുമ്പോഴുണ്ടാകുന്ന കൈകളുടെ ചലനങ്ങൾ തിരിച്ചറിയാൻ ഈ സെൻസറുകൾക്ക് കഴിയും. പരീക്ഷണ ഘട്ടത്തിൽ വാച്ചു ധരിച്ചവരിൽ നിന്ന് മികച്ച പ്രതികരണം ലഭിച്ചെന്ന് ഗവേഷകർ പറഞ്ഞു. ഇവരിൽ പുകവലിയുടെ ദൂഷ്യവശങ്ങളെ കുറിച്ചുള്ള അവബോധം വർദ്ധിച്ചതായി ഗവേഷകർ കൂട്ടിച്ചേർത്തു.

Read More

• മനുഷ്യ സഹായമില്ലാതെ ശസ്തക്രിയ ചെയ്യാൻ എഐ; പരിശീലനം പൂർത്തിയാക്കി ഗവേഷകർ
• ഗൂഗിൾ പേയ്ക്കും ഫോൺപേയ്ക്കും എട്ടിന്റെ പണി; വാട്സ്ആപ്പ് പേയുടെ പരിധി നീക്കി എൻപിസിഐ
• ഡോക്യുമെന്റ് സ്കാനിങ് ഇത്ര എളുപ്പമോ? വാട്സ്ആപ്പിലെ പുതിയ ഫീച്ചർ സൂപ്പർ ഹിറ്റ്
• ഗൂഗിൾ ഫോട്ടോസിലെ മുഴുവൻ ഫലയുകളും ഒരുമിച്ച് ഡൗൺലോഡ് ചെയ്യാം, ഇങ്ങനെ
• നാളെ മുതൽ ഈ ഫോണുകളിൽ വാട്സ്ആപ്പ് നിലയ്ക്കും
• 2024ലെ 5 അടിപൊളി മൊബൈൽ ഗെയിമുകൾ
• 'ന്യൂ ഇയർ' തട്ടിപ്പ്; സ്വയം രക്ഷനേടാൻ 5 വഴികൾ ഇതാഇനി തലക്കെട്ടിലും തമ്പ് നെയിലിലും പറ്റിക്കൽ വേണ്ട; വീഡിയോകൾ നീക്കം ചെയ്യാൻ യൂട്യൂബ്
• വിഐ 5ജി എത്തി; തിരഞ്ഞെടുത്ത നഗരങ്ങളിൽ സേവനം അവതരിപ്പിച്ച് വോഡഫോൺ ഐഡിയ