ഇന്ത്യൻ ചാനൽ രണ്ടാമത്, യൂട്യൂബിൽ ഏറ്റവും കൂടുതൽ സബ്സ്ക്രൈബേഴ്സ് ഇനി ഈ 26കാരന്

ഇന്ത്യൻ മ്യൂസിക് കമ്പനിയായി ടി- സീരീസിന്റെ (T-Series) റെക്കോർഡ് തകർത്ത് അമേരിക്കൻ യൂട്യൂബർ. യൂട്യൂബിൽ ഏറ്റവും കൂടുതൽ സബ്സ്ക്രൈബേഴ്സ് എന്ന നേട്ടമാണ് ഇതോടെ, അമേരിക്കൻ യൂട്യൂബറായ ജിമ്മി 'മിസ്റ്റർ ബീസ്റ്റ്' (MrBeast) ഡൊണാൾഡ്‌സൺ സ്വന്തമാക്കിയിരിക്കുന്നത്. 267 മില്യൺ സബ്സ്ക്രൈബേഴ്സാണ് ജെയിംസ് സ്റ്റീഫൻ ഡൊണാൾഡ്സൺ എന്ന ഈ 26 കാരൻ സ്വന്തമാക്കിയിരിക്കുന്നത്.

'PewDiePie' എന്ന യൂട്യൂബ് ചാനലിനെ മറികടന്ന് 2019 മുതൽ ടി-സീരീസാണ് ഏറ്റവും കൂടുതൽ വരിക്കാരെന്ന കിരീടം സ്വന്തമാക്കിയിരുന്നത്. 266 മില്യൺ സബ്സ്ക്രൈബേഴ്സാണ് ടി- സീരീസിനുള്ളത്. ജൂൺ 1-നാണ് ടി- സീരിസിനെ മസ്റ്റർ ബീസ്റ്റ് മറികടന്നത്. ഉള്ളടക്കം സൃഷ്ടിക്കുന്നതിൽ, എന്ത് സാഹസത്തിനും മുതിരുന്ന യൂട്യൂബറാണ് മിസ്റ്റർ ബീസ്റ്റ്. വിവിധ റെക്കോർഡുകൾ തകർക്കുന്നതിനും മസ്റ്റർ ബീസ്റ്റ് പ്രശസ്തനാണ്.

After 6 years we have finally avenged Pewdiepie 🥹 pic.twitter.com/V1znbyqw27

— MrBeast (@MrBeast) June 2, 2024

ഒരാഴ്ചയോളം ഭൂമിക്കടിയിൽ ശവപ്പെട്ടിയിൽ കഴിയുക, ഭീമമായ തുക ക്യാഷ് പ്രൈസിനായി നൽകി വ്യത്യസ്ത തരം മത്സരങ്ങൾ സംഘടിപ്പിക്കുക, ഭക്ഷണം കൊണ്ടുവരുന്ന ഡെലിവറി ബോയ്ക്ക് സർപ്രൈസായി വീടുവച്ച് നൽകുക, ആഡംബര വാഹനങ്ങൾ തകർക്കുക തുടങ്ങി വിചിത്രമായ വീഡിയോകളാണ് മസ്റ്റർ ബീസ്റ്റ് തന്റെ യൂട്യൂബ് ചാനലിൽ പങ്കുവയ്ക്കുന്നത്.

I put two people who had never met before in a room and gave them $500,000 if they stayed for 100 days! pic.twitter.com/jh0qTw76Zl

— MrBeast (@MrBeast) May 19, 2024

പലപ്പോഴും തന്റെ വീഡിയോകളിലൂടെ വിവാദം സൃഷ്ടിക്കാറുള്ള മിസ്റ്റർ ബീസ്റ്റ്, ജീവകാരുണ്യ പ്രവർത്തനങ്ങളിലൂടെ കോടിക്കണക്കിന് കാഴ്ചക്കാരുടെ ഇഷ്ട യൂട്യൂബറുമാണ്. ദശലക്ഷക്കണക്കിന് ഡോളറാണ് വിവിധ ജീവകാരുണ്യ പ്രവർത്തനങ്ങൾക്കായി മിസ്റ്റർ ബീസ്റ്റ് സംഭാവന ചെയ്യുന്നത്. വീഡിയോകൾക്ക് പുറമേ നിരവധി സംരംഭങ്ങളും മിസ്റ്റർ ബീസ്റ്റ് ആരംഭിച്ചിട്ടുണ്ട്. മിസ്റ്റർ ബീസ്റ്റിന്റെ ഉടമസ്ഥതയിലുള്ള 'ഫീസ്റ്റബിൾസ്' എന്ന ചോക്ലേറ്റ് ബാറിന് നോർത്ത് അമേരിക്കയിൽ വളരെ ജനപ്രീതിയുണ്ട്.

Wow, congrats!

— Elon Musk (@elonmusk) June 2, 2024

ടെസ്‌ല ഉടമയും വ്യവസായിയുമായി ഇലോൺ മസ്ക് ഉൾപ്പെടെ നിരവധി പ്രമുഖരാണ് മിസ്റ്റർ ബീസ്റ്റിന് അഭിനന്ദനവുമായി സോഷ്യൽ മീഡിയയിലെത്തിയത്.

Read More Stories Here

• വിരൽ മുറിച്ച് മാലയാക്കി യുവാവ്; വൈറലായി വീഡിയോ
• രംഗണ്ണനും അമ്പാനും തകർത്തൊരു സേവ് ദി ഡേറ്റ്; ഇങ്ങനെയൊന്ന് മുൻപു നിങ്ങൾ കണ്ടു കാണില്ല
• മീമുകളുടെ രാജാവ്, 'കബോസു' ഇനി ഓര്‍മ
• കേദാർനാഥിൽ ലാൻഡിങിനിടെ ഹെലികോപ്റ്ററിന് നിയന്ത്രണം നഷ്ടപ്പെട്ടു, ഒഴിവായത് വൻദുരന്തം; വീഡിയോ
• കേക്കു കട്ടിംഗിനിടയിൽ കുസൃതി കാട്ടി മോഹൻലാലും സുചിത്രയും; വീഡിയോ
• 30 വർഷത്തെ കഷ്ടപ്പാട്, നല്ല വേഷത്തിനായി പലരോടും കെഞ്ചി, കളിയാക്കലുകൾ കേട്ടു, ഒടുവിൽ ഒരു മലയാളി വേണ്ടി വന്നു: കരച്ചിലടക്കാനാവാതെ തമിഴ് നടൻ
• മമ്മൂട്ടിയുടെ മകളായും കാമുകിയായും അമ്മയായും അഭിനയിച്ച നടിയാണിത്; ആളെ മനസ്സിലായോ?
• ഇതെന്താ യൂണിഫോമോ? രമേശിന്റെ കടയിൽ നിന്നു വാങ്ങിയതാണോ?: വൈറലായി ട്രോൾ:Bigg Bossmalayalam6