ഗ്ലാസ് ഡോർ തകർന്നുവീണു; യുവതിക്ക് നഷ്ടപരിഹാരം ലഭിച്ചത് കോടികൾ

യുവതിയുടെ ദേഹത്തേക്ക് 'ഗ്ലാസ് ഡോർ' തകർന്ന് വീഴുന്ന ഒരു വീഡിയോ വർഷങ്ങൾക്ക് മുൻപ് വ്യാപകമായി പ്രചരിച്ചിരുന്നു. 2015ൽ നടന്ന സംഭവം ഇപ്പോൾ വീണ്ടും ചർച്ചയാകുകയാണ്. ജെപി മോർഗനിൽ അനലിസ്റ്റായി ജോലി ചെയ്തിരുന്ന മേഗൻ ബ്രൗൺ എന്ന യുവതിയുടെ ദേഹത്തേക്കാണ് വാതിൽ തകർന്ന് വീണത്. സംഭവത്തിൽ യുവതിക്ക് ഭീമമായൊരു തുകയാണിപ്പോൾ നഷ്ടപരിഹാരമായി ലഭിച്ചിരിക്കുന്നത്. 

കെട്ടിടത്തിനുള്ളിലേക്ക് പ്രവേശിക്കുകയായിരുന്ന മേഗൻ ബ്രൗണിന്റെ ശരീരത്തേക്ക് വാതിൽ തകർന്ന് വീണതോടെ തലച്ചോറിന് സ്ഥിരമായ ക്ഷതം സംഭവിച്ചെന്നാണ് റിപ്പോർട്ട്. ന്യൂയോർക്ക് നഗരത്തിൽ വച്ചുനടന്ന സംഭവത്തിന്, 35 മില്യൺ ഡോളർ (ഏകദേശം 292 കോടി രൂപ) ആണ് നഷ്ടപരിഹാരമായി ലഭിച്ചത്.

സംഭവത്തിന്റെ ദൃശ്യങ്ങൾക്കൊപ്പമാണ് നഷ്ടപരിഹാര വിവരം സോഷ്യൽ മീഡിയയിൽ പങ്കുവച്ചിരിക്കുന്നത്. കോളിൻ റഗ്ഗ് എന്ന ഉപയോക്താവ് പങ്കുവച്ച വീഡിയോയിൽ യുവതിക്കുമോൽ വാതിൽ തകർന്നു വീഴുന്നതും, സമീപത്തുണ്ടായിരുന്ന ആളുകൾ ഇവർക്കരികിലേക്ക് ഓടിയെത്തുന്നതും കാണാം. 

NEW: Former-JP Morgan analyst awarded $35 million after a glass door shattered on her in Manhattan.

36-year-old Meghan Brown was leaving a physical therapy appointment in 2015 when the glass door shattered on her.

Brown says the event caused a traumatic brain injury which she… pic.twitter.com/oqtfPfaBBk

— Collin Rugg (@CollinRugg) April 2, 2024

ഫിസിക്കൽ തെറാപ്പി അപ്പോയിൻ്റ്‌മെൻ്റിന് പോകുമ്പോഴാണ് യുവതിക്ക് അപകടം സംഭവിക്കുന്നതെന്നാണ് വീഡിയോയുടെ ക്യാപ്ഷൻ വ്യക്തമാക്കുന്നത്. കെട്ടിട ഉടമകളായ മാഡിസൺ കമ്പനിയുടെ അശ്രദ്ധയാണ് അപകടത്തിന് കാരണമെന്ന് കണ്ടെത്തിയാണ് നഷ്ടപരിഹാരം നൽകിയത്.

അപകടത്തോടെ, ഓർമ്മക്കുറവ്, പ്രകാശത്തോടുള്ള സംവേദനക്ഷമത, സ്ഥിരമായ തലവേദന, കഴുത്ത് വേദന, ബാലൻസ് പ്രശ്നങ്ങൾ, ഏകാഗ്രത നഷ്ടപ്പെടൽ, തുടങ്ങിയ ഗുരുതര ആരോഗ്യ പ്രശ്നങ്ങളാണ് മേഗൻ ബ്രൗണിന് ഉണ്ടായതെന്നാണ് ന്യൂയോർക്ക് പോസ്റ്റ് റിപ്പോർട്ട് ചെയ്യുന്നത്.

Read More

• അരിയെടുക്കാൻ റേഷൻകടയിൽ; ഇവൻ 'അരിക്കൊമ്പൻ' തന്നെ; വീഡിയോ കാണാം
• ഉത്സവത്തിനിടെ ആന ഇടഞ്ഞു; പാപ്പാന് പരിക്ക്; വീഡിയോ
• ആന 'മതിലുചാടുന്നത്' ഇനിയാരും കണ്ടില്ലെന്ന് പറയരുതേ; വീഡിയോ
• ഷോപ്പിങ് മാളിന്റെ തറ തകർന്നു; സാധനം വാങ്ങാനെത്തിയവർക്ക് പരിക്ക്; വീഡിയോ
• ഇത് ടേപ്പ് അല്ല, ലക്ഷ്വറി ബ്രാന്റിന്റെ ലക്ഷങ്ങൾ വിലയുള്ള ബ്രേസ്‌ലെറ്റ്
• മദ്യപിച്ചെത്തിയ അധ്യാപകനെ ചെരുപ്പെറിഞ്ഞ് വിദ്യാര്‍ത്ഥികൾ; വീഡിയോ
• രാജീവ് ഗാന്ധി- സോണിയ വിവാഹം; വൈറലായി അപൂർവ വീഡിയോ
• ഐപിഎൽ മൈതാനത്തിറങ്ങിയ നായയെ ചവിട്ടിയ ജീവനക്കാർക്ക് രൂഷ വിമർശനം
• ചന്ദ്രനെ കണ്ട് അമ്പരന്ന് കുഞ്ഞാവ; കമന്റുമായി 'നാസ'