ഇത് ടേപ്പ് അല്ല, ലക്ഷ്വറി ബ്രാന്റിന്റെ ലക്ഷങ്ങൾ വിലയുള്ള ബ്രേസ്‌ലെറ്റ്

ആഢംബര ഫാഷൻ ബ്രാന്റാണ് ബാലെൻസിയാഗ. അടുത്തിടെ ബാലൻസിയാഗ രൂപകൽപ്പന ചെയ്ത ഒരു 'ബ്രേസ്‌ലെറ്റിന്റെ' ചിത്രങ്ങളാണ് ഇപ്പോൾ ഫാഷൻ ലോകത്ത് ചർച്ചാ വിഷയം. മാർച്ച് 3ന് കമ്പനി അവതരിപ്പിച്ച 2024-25 വർഷത്തേക്കുള്ള കളക്ഷനിലാണ് ഈ വ്യത്യസ്ത ബ്രേസ്‌ലെറ്റ്​ അവതരിപ്പിച്ചത്. 

ബ്രേസ്‌ലെറ്റിന്റെ ഡിസൈൻ തന്നെയാണ് എല്ലാവരെയും അമ്പരപ്പിച്ചിരിക്കുന്നത്. വസ്തുക്കൾ ഒട്ടിക്കാൻ ഉപയോഗിക്കുന്ന 'ട്രാൻസ്പരന്റ് സ്കോച്ച് ടേപ്പിൻ്റെ' റോളിനോട് സാമ്യമായാണ് ബ്രേസ്‌ലെറ്റ് ഒരുക്കിയിരിക്കുന്നത്. ഇതിൽ ബാലൻസിയാഗയുടെ ലോഗോയ്ക്കൊപ്പം പശയെന്ന് എഴുതിയിരിക്കുന്നതും കാണാം.

View this post on Instagram

A post shared by INSANE SNEAKER™ (@insanesneaker)

കൈ ചെയിനുകളോടുള്ള പരമ്പരാഗത ധാരണകളെ പൊളിച്ചെഴുതിയ ഈ ഡിസൈൻ പാരീസ് ഫാഷൻ വീക്കിലാണ് കമ്പനി അവതരിപ്പിച്ചത്. നിത്യോപയോഗ സാധനങ്ങളെ ആഡംബര വസ്തുക്കളായി പുനർസൃഷ്ടിക്കുന്നതിൽ ശ്രദ്ധേയനാണ്, ബലെൻസിയാഗയുടെ ക്രിയേറ്റീവ് ഡയറക്ടറായ ഡെംന ഗ്വാസലിയ. പതിവിൽ നിന്ന് വ്യത്യസ്തമായി വിലയേറിയ രത്‌നങ്ങളും ലോഹങ്ങളും ഒഴിവാക്കി റെസിൻ പോലുള്ള വസ്തുവിലാണ് ബ്രേസ്‌ലെറ്റിന്റെ നിർമ്മാണം.

ബ്രേസ്‌ലെറ്റിന്റെ വീഡിയോ സോഷ്യൽ മീഡിയയിൽ പ്രത്യക്ഷപ്പെട്ടതോടെ നിരവധി കാഴ്ചക്കാരണ് ആശ്ചര്യത്തോടെ കമന്റുകൾ പങ്കുവയ്ക്കുന്നത്. "ഒരു പ്രശസ്തമായ ബ്രാൻഡ് ഉണ്ടാക്കിയതുകൊണ്ട് ആളുകൾ ഏത് മണ്ടത്തരവും വാങ്ങും എന്നതിൻ്റെ ജീവനുള്ള തെളിവ്," എന്നാണ് ഒരു ഉപയോക്താവ് കമന്റിൽ കുറിച്ചത്. "ഇക്കാലത്ത് എന്തും ഫാഷനാക്കി മാറ്റാൻ കഴിയുമെന്നതിൻ്റെ തെളിവ്," എന്നാണ് മറ്റൊരാളുടെ കമന്റ്.

ബാലൻസിയാഗയുടെ ഈ ടേപ് ബ്രേസ്‌ലെറ്റിന് 36 ലക്ഷത്തോളം ഇന്ത്യൻ രൂപ വിലവരുമെന്നാണ് റിപ്പോർട്ട്.

Read More

• മദ്യപിച്ചെത്തിയ അധ്യാപകനെ ചെരുപ്പെറിഞ്ഞ് വിദ്യാര്‍ത്ഥികൾ; വീഡിയോ
• രാജീവ് ഗാന്ധി- സോണിയ വിവാഹം; വൈറലായി അപൂർവ വീഡിയോ
• ഐപിഎൽ മൈതാനത്തിറങ്ങിയ നായയെ ചവിട്ടിയ ജീവനക്കാർക്ക് രൂഷ വിമർശനം
• ചന്ദ്രനെ കണ്ട് അമ്പരന്ന് കുഞ്ഞാവ; കമന്റുമായി 'നാസ'
• 'ഗോമാതാവിന്റെ ബാക്ക് പോലുള്ള മുഖം', യൂട്യൂബറെ പരിഹസിച്ച് അമല ഷാജിയുടെ അമ്മ, വിമർശിച്ച് സോഷ്യൽ മീഡിയ
• നിയമം എല്ലാവർക്കും ഒന്നാ 'സാറേ;' ഹെൽമെറ്റ് ധരിക്കാത്ത പൊലീസുകാർക്ക് രൂക്ഷ വിമർശനം; വീഡിയോ
• വീൽചെയറിൽ ഇരുന്ന ആരാധകനോട് എഴുന്നേൽക്കാൻ പറഞ്ഞു; പുലിവാലുപിടിച്ച് ഗായിക മഡോണ; പിന്നാലെ ക്ഷമാപണം
• ദേ ഇങ്ങോട്ടു നോക്കൂ, ഇതാ നിങ്ങൾടെ ഉണ്ണിയേട്ടൻ: മലയാളം പാട്ടുമായി കിലി പോൾ വീണ്ടും