വീൽചെയറിൽ ഇരുന്ന ആരാധകനൊട് എഴുന്നേൽക്കാൻ പറഞ്ഞു; പുലിവാലുപിടിച്ച് ഗായിക മഡോണ; പിന്നാലെ ക്ഷമാപണം

ലോകപ്രശസ്ത ഗായിക മഡോണ തന്റെ പാട്ടിനൊപ്പം വിവാദങ്ങളുണ്ടാക്കുന്നതിലും പ്രശസ്തയാണ്. കഴിഞ്ഞ ദിവസം ലോസ് ഏഞ്ചൽസിൽ സംഘടിപ്പിച്ച സംഗീത നിശയ്ക്കിടെ മഡോണ നടത്തിയ ചില പരാമർശങ്ങളാണിപ്പോൾ വിമർശനങ്ങൾക്ക് വഴിവച്ചിരിക്കുന്നത്. 

കിയ ഫോറം എന്ന പരിപാടിക്കിടെയാണ് സംഭവം. കാണികൾ എല്ലാവരും എഴുന്നേറ്റ് നിന്ന് സംഗീത നിശ ആസ്വദിക്കുന്നതിനിടയിൽ, ഒരാൾ മാത്രം ഇരിക്കുന്നത് കണ്ട് മഡോണ അയാളോട് എഴുന്നേൽക്കാൻ ആവശ്യപ്പെട്ടതാണ് വിമർശനങ്ങൾക്ക് ഇടയായത്. എന്നാൽ എഴുന്നേൽക്കാൽ പറഞ്ഞ വ്യക്തി വീൽ ചെയറിലാണ് ഇരിക്കുന്നതെന്ന് മനസിലാക്കിയതോടെ, ഇയാളോട് ക്ഷമചോദിക്കാനും താരം മടിച്ചില്ല.

'എന്റെ പ്രസ്ഥാവന 'പൊളിറ്റിക്കലി ഇൻകറക്ട്' ആണ്. ഞാൻ ഖേദിക്കുന്നു. നിങ്ങൾ ഇവിടെ എത്തിയതിൽ എനിക്ക് സന്തോഷമുണ്ട്,' മഡോണയുടെ വാക്കുകൾ ഇങ്ങനെ. സോഷ്യൽ മീഡിയയിൽ പ്രചരിച്ച വീഡിയോ വളരെ പെട്ടന്നാണ് വൈറലായത്. നിരവധി കാഴ്ചക്കാരാണ് താരത്തെ വിമർശിച്ചും പ്രശംസിച്ചും കമന്റുകൾ പങ്കുവയ്ക്കുന്നത്.

Madonna questions fan for sitting down during her show then finds out they’re on a wheelchair:

“Oh okay, politically incorrect, sorry about that. I’m glad you’re here.” pic.twitter.com/oezHxfjrFn

— Pop Crave (@PopCrave) March 9, 2024

എന്ത് സാഹചര്യം ആണെങ്കിലും ക്ഷീണം തോന്നിയാൽ ഇരിക്കുന്നത് തെറ്റാണോ എന്നാണ് ഒരു ഉപയോക്താവ് കമന്റ് വിഭാഗത്തിലൂടെ പ്രതികരിച്ചത്. 'നിങ്ങൾ ഇംഗ്ലണ്ടിന്റെ രാജ്ഞി അല്ലല്ലോ?' എന്നാണ് മറ്റൊരാൾ പ്രതികരിച്ചത്. അടുത്തിടെ സംഗീത നിശയുടെ സമയ ക്രമീകരണങ്ങളുമായി ബന്ധപ്പെട്ട് മഡോണയ്ക്കെതിരെ ആരാധകർ കേസുകൊടുത്തിരുന്നു. 

Read More

• 'ഇതെന്ത് സിംപ്ലിസിറ്റിയാ ഇന്ദ്രൻസേട്ടാ;' കുട്ടി ആരാധികയ്ക്കൊപ്പം സെൽഫിയെടുത്ത ഇന്ദ്രൻസിന് അഭിനന്ദന പ്രവാഹം
• 'ബിജെപിക്ക് ഒപ്പമുണ്ട് പത്മജ, ബിജെപിയിൽ ഇനി ആന്റണി-കരുണാകരൻ ഗ്രൂപ്പുകൾ'; സോഷ്യൽ മീഡിയ നിറഞ്ഞ് പത്മജ ട്രോളുകൾ
• കുട്ടികളെ പഠിപ്പിക്കാൻ എഐ ടീച്ചർ; റോബോട്ടിനെ പരീക്ഷിച്ച് തിരുവനന്തപുരത്തെ സ്കൂൾ
• റൊമാന്റിക് മൂഡിൽ നൃത്തച്ചുവടുകളുമായി മുകേഷ് അംബാനിയും നിതയും; വീഡിയോ