അരിയെടുക്കാൻ റേഷൻകടയിൽ; ഇവൻ 'അരിക്കൊമ്പൻ' തന്നെ; വീഡിയോ കാണാം

ഗോഡൗൺ തകർത്ത് അരിച്ചാക്കുമായി കടന്നു കളയുന്ന കാട്ടാനയുടെ വീഡിയോയാണിപ്പോൾ ശ്രദ്ധനേടുന്നത്. കേരള-കർണാടക അതിർത്തിയിലുള്ള ഗുണ്ട്‌ലുപേട്ട് വനത്തിൽനിന്ന് വിശപ്പു സഹക്കാനാകാതെ എത്തിയ ആനയാണ്, മനുഷ്യവാസകേന്ദ്രത്തിൽ ഭീതിപരത്തിയത്. ഭക്ഷ്യധാന്യ ഗോഡൗണിൽ അതിക്രമിച്ച് കയറി അരിച്ചാക്കുമായി പോകുന്ന ആനയുടെ വീഡിയോ നരേഷ് നമ്പീശൻ എന്നയാളാണ് എക്സിൽ പങ്കുവച്ചത്.

ആളുകൾ ആനയെ ഓടിക്കാൻ ശ്രമിക്കുന്നുണ്ടെങ്കിലും, ഇതൊന്നും ശ്രദ്ധിക്കാതെ ആന തുമ്പിക്കൊകൊണ്ട് ഗോഡൗണിന്റെ ഷട്ടർ തകർത്ത് അരിച്ചാക്ക് വലിച്ചു പുറത്തിടുന്നത് വീഡിയോയിൽ കാണാം. തുടർന്ന് കാലുകൊണ്ട് ചാക്കു വലിച്ചുകീറി അരി അകത്താക്കുന്നുണ്ട്.

"കാട്ടിൽ ഭക്ഷണമില്ലെങ്കിൽ, ഭക്ഷണം ലഭിക്കാൻ ഫുഡ് കോർപ്പറേഷൻ ഓഫ് ഇന്ത്യയുടെ ഗോഡൗണിൽ എത്തണമെന്ന് ആനയ്ക്ക് അറിയാം," എന്ന ക്യാപ്ഷനോടെയാണ് വീഡിയോ പങ്കുവച്ചത്. കേരള അതിർത്തികളിൽ ഭീതിപരത്താറുള്ള അരിക്കൊമ്പനാണോ ഇതെന്ന് പലരും വീഡിയോയിൽ കമന്റു ചെയ്യുന്നുണ്ട്. എന്നാൽ ആനയെ കുറിച്ചുള്ള കൂടുതൽ വിവരങ്ങൾ ലഭ്യമല്ല.

The Elephant knows that if there is no food in forest, it has to come to Food Corporation Of india godown to get food. 🐘 pic.twitter.com/JrzHDNE5NK

— Naresh Nambisan | നരേഷ് (@nareshbahrain) April 2, 2024

ചുറ്റും കൂടിയ ആളുകളെ ഉപദ്രവിക്കാതെ തന്റെ കാര്യത്തിൽ മാത്രം ശ്രദ്ധ കേന്ദ്രീകരിച്ച ആനയെ പലരും കമന്റ് സെക്ഷനിൽ പ്രശംസിക്കുന്നുണ്ട്. മനുഷ്യരിൽ നിന്ന് വ്യത്യസ്ഥമായി ആന അവന് ആവശ്യമുള്ള ഒരു ചാക്ക് മാത്രമാണ് എടുത്തതെന്ന് ഒരു കാഴ്ചക്കാരൻ കുറിച്ചു. കഴിഞ്ഞ മാസം, തൃശ്ശൂർ തറക്കൽ ക്ഷേത്രോത്സവത്തിനിടെ ഇടഞ്ഞോടിയ ആനയുടെ വീഡിയോയും സോഷ്യൽ മീഡിയയിൽ വൈറലായിരുന്നു.

Read More

• ഉത്സവത്തിനിടെ ആന ഇടഞ്ഞു; പാപ്പാന് പരിക്ക്; വീഡിയോ
• ആന 'മതിലുചാടുന്നത്' ഇനിയാരും കണ്ടില്ലെന്ന് പറയരുതേ; വീഡിയോ
• ഷോപ്പിങ് മാളിന്റെ തറ തകർന്നു; സാധനം വാങ്ങാനെത്തിയവർക്ക് പരിക്ക്; വീഡിയോ
• ഇത് ടേപ്പ് അല്ല, ലക്ഷ്വറി ബ്രാന്റിന്റെ ലക്ഷങ്ങൾ വിലയുള്ള ബ്രേസ്‌ലെറ്റ്
• മദ്യപിച്ചെത്തിയ അധ്യാപകനെ ചെരുപ്പെറിഞ്ഞ് വിദ്യാര്‍ത്ഥികൾ; വീഡിയോ
• രാജീവ് ഗാന്ധി- സോണിയ വിവാഹം; വൈറലായി അപൂർവ വീഡിയോ
• ഐപിഎൽ മൈതാനത്തിറങ്ങിയ നായയെ ചവിട്ടിയ ജീവനക്കാർക്ക് രൂഷ വിമർശനം
• ചന്ദ്രനെ കണ്ട് അമ്പരന്ന് കുഞ്ഞാവ; കമന്റുമായി 'നാസ'