സിപിഎമ്മിന് പിണറായിയെ ഭയം:വിഡി സതീശൻ

'Varthamanam' Podcast with V D Satheesan:പിണറായി വിജയൻ സിപിഎമ്മിനെ കൈപിടിയിൽ ഒതുക്കിയെന്ന് വിഡി സതീശൻ പറഞ്ഞു. ഐഇ മലയാളം പോഡ്കാസ്റ്റ് പരിപാടി 'വർത്തമാന'-ത്തിലാണ് പ്രതിപക്ഷ നേതാവ് തന്റെ അഭിപ്രായം വ്യക്തമാക്കിയത്. 

• വലിയ മോഹങ്ങൾ ഉള്ളവർ പാർട്ടി വിട്ടുപോകുന്നതിന് എന്ത് ചെയ്യാനാകും ? : വിഡി സതീശൻ
• അമിത ആത്മവിശ്വാസം കഴിഞ്ഞ നിയമസഭാ തിരഞ്ഞെടുപ്പിൽ വിനയായി:വിഡി സതീശൻ
• കോൺഗ്രസിൽ ഗ്രൂപ്പുണ്ട്, അത് യാഥാർഥ്യമാണ്; വിഡി സതീശൻ
• അധികാരത്തിൽ എത്തണം അതാണ് മുഖ്യം: വിഡി സതീശൻ: VD Satheesan Podcast
•  ഞാനടക്കം ഒരാളും മുഖ്യമന്ത്രി സ്ഥാനാർഥിയല്ല: വിഡി സതീശൻ
• പച്ചവെള്ളത്തിന് തീപിടിക്കുന്ന വർഗീയ കേരളത്തിലുണ്ട്; വിഡി സതീശൻ

"സിപിഎമ്മിൽ പിണറായിയെ എല്ലാവരും ഭയന്നാണ് നിൽക്കുന്നത്. വിഎസ് അച്യുതാനന്ദന്റെ നേതൃത്വത്തിൽ വലിയൊരു വിഭാഗം അദ്ദേഹത്തെ ചെറുത്തുനിന്നിരുന്നു.അവരെയെല്ലാം സൈഡ് ലെൻ ചെയ്തു. പാർട്ടിയെ പിണറായി കൈപിടിയിൽ ഒതുക്കി. നരേന്ദ്ര മോദിയുടെ വേറൊരു രീതിയാണ് പിണറായി പിന്തുടരുന്നത്. സ്റ്റാലിനിസ്റ്റ് രീതിയാണ് അദ്ദേഹം പിന്തുടരുന്നത്. കോൺഗ്രസിൽ പല അഭിപ്രായങ്ങളുണ്ട്. അഭിപ്രായങ്ങൾ ചർച്ചചെയ്താണ് അന്തിമ തീരുമാനം എടുക്കുന്നത്. സിപിഎമ്മിൽ ഇന്നതില്ല. മന്ത്രിസഭയിലും പാർട്ടിയിലും പിണറായി പറയുന്നത് മാത്രമാണ് നടക്കുന്നത്"- വിഡി സതീശൻ പറഞ്ഞു.

"രണ്ടാം പിണറായി സർക്കാർ തികഞ്ഞ പരാജയാണ്. രണ്ടാം തവണ അധികാരം കിട്ടിയപ്പോൾ പിണറായി വിജയന്റെ ആത്മവിശ്വാസം കുറഞ്ഞതുപോലെ തോന്നുന്നു. അദ്ദേഹത്തിന്റെ ടീമിലും പോരായ്മയുണ്ട്. കേരളത്തിലെ മുഖ്യമന്ത്രിക്ക് മന്ത്രിസഭയ്ക്ക് അകത്തും പുറത്തും ഉദ്യോഗസ്ഥ തലത്തിലും നല്ലൊരു ടീം ഇല്ലായെന്നത് സംസ്ഥാനത്തെ തന്നെ ബാധിച്ചിട്ടുണ്ട്. മുഖ്യമന്ത്രിയെന്ന് നിലയിൽ പിണറായി ഇക്കാര്യം ശ്രദ്ധിക്കുന്നില്ല"- വിഡി സതീശൻ വ്യക്തമാക്കി.

ബിജെപിക്ക് കേരള രാഷ്ട്രീയത്തിൽ ഒരുചലനവും സ്രഷ്ടിക്കാനാകില്ലെന്നും പ്രതിപക്ഷ നേതാവ് പറഞ്ഞു."പാലക്കാട് എന്തൊരു ബഹളമായിരുന്നു. ഇപ്പോൾ എന്തായി ?" -സതീശൻ ചോദിച്ചു. "വർഗീയത ആളിക്കത്തിച്ച് കുറച്ചുവോട്ട് സമാഹരിക്കും എന്നല്ലാതെ കേരള രാഷ്ട്രീയത്തിൽ ബിജെപിക്ക് കാര്യമായി ഒന്നും ചെയ്യാനാകില്ല. സുരേഷ് ഗോപി തൃശൂരിൽ വിജയിക്കാൻ കാരണം വ്യക്തിപരമായി സമാഹരിച്ച വോട്ടാണ്. സിനിമ നടനെന്ന് ഗ്ലാമറിൽ വോട്ടുകൾ സമാഹരിക്കാൻ സുരേഷ് ഗോപിക്ക് സാധിച്ചു. അതല്ലാതെ ഒരു നിയമസഭാ സീറ്റ് പോലും ജയിക്കാനുള്ള ബലം ബിജെപിക്കില്ല".- വിഡി സതീശൻ പറഞ്ഞു.

നിയമസഭാ തിരഞ്ഞെടുപ്പ് അടുത്തിരിക്കെ കേരളത്തിലെ മുതിർന്ന കോൺഗ്രസ് നേതാക്കളുമായി ഹൈക്കമാൻഡ് കഴിഞ്ഞാഴ്ച ഡൽഹിയിൽ കൂടിക്കാഴ്ച നടത്തിയിരുന്നു. നേതാക്കൾ അച്ചടക്കം പാലിക്കണമെന്നും പാർട്ടി ലൈനിൽ ഉറച്ചുനിൽക്കണമെന്നും ഹൈക്കമാൻഡ് നിർദേശം നൽകിയിരുന്നു. വ്യക്തിപരമായ അഭിപ്രായങ്ങൾ പരസ്യമായി പറയരുതെന്നും നേതാക്കൾക്ക് കർശന നിർദേശം നൽകിയിരുന്നു.

ഇന്ത്യൻ എക്സ്പ്രസ് ഡെപ്യൂട്ടി എഡിറ്റർ ലിസ് മാത്യു അവതരിപ്പിച്ച ഐഇ മലയാളം വർത്തമാനം പ്രഥമ പതിപ്പിൽ ശശി തരൂർ അതിഥിയായി പങ്കെടുത്തതിന് തൊട്ടുപിന്നാലെയാണ് ഹൈക്കമാൻസ് മുതിർന്ന നേതാക്കളുടെ യോഗം വിളിച്ചത്.പാർട്ടിക്ക് പുറത്തുനിന്നുള്ള വോട്ടുകൾ സമാഹരിക്കുവാൻ സംസ്ഥാനത്തെ കോൺഗ്രസിന് സാധിക്കണമെന്ന വർത്തമാനത്തിൽ തരൂർ അഭിപ്രായപ്പെട്ടിരുന്നു.

കേരളത്തിലെ തിരഞ്ഞെടുപ്പുമായി ബന്ധപ്പെട്ട ചോദ്യത്തിന് താൻ ഇതു വരെ അതിൽ ഒരു പ്രത്യേക നിലപാട് എടുത്തിട്ടില്ല എന്നും പാർട്ടിയുടെയും ജനങ്ങളുടെയും ആവശ്യങ്ങൾ പരിഗണിക്കേണ്ടതുണ്ടെന്നും ശശി തരൂർ അഭിപ്രായപ്പെട്ടിരുന്നു.

Read More

• Shashi Tharoor Podcast:"ഞാൻ മോഹൻ ഭാഗവതിനോട് പറഞ്ഞു, ‘സർ, ഇത് എന്റെ ഹിന്ദു മതമല്ല.’ അദ്ദേഹം പറഞ്ഞു, ‘എന്റേതും അല്ല’: ശശി തരൂർ
• Shashi Tharoor Podcast: ഞാൻ ചെയ്യുന്ന എന്തിലും കുറ്റം കണ്ടെത്തുന്നവർ തുടക്കം മുതൽ എന്റെ സ്വന്തം പാർട്ടിയിലുണ്ട്: ശശിതരൂർ
• Shashi Tharoor Podcast: ജ്യോതിഷിയല്ല, ഭാവിയിൽ എന്താണ് സംഭവിക്കാൻ പോകുന്നതെന്ന് എനിക്കറിയില്ല: ശശി തരൂർ
• Shashi Tharoor Podcast: കമ്മ്യൂണിസ്റ്റുകാർ എപ്പോഴും പുതിയത് എന്തിനെയും എതിർക്കുന്നു, 15 വർഷത്തിന് ശേഷം അതിനെ സ്വീകരിക്കുന്നു: ശശി തരൂർ