അമിത ആത്മവിശ്വാസം കഴിഞ്ഞ നിയമസഭാ തിരഞ്ഞെടുപ്പിൽ വിനയായി:വിഡി സതീശൻ

കഴിഞ്ഞ നിയമസഭാ തിരഞ്ഞെടുപ്പിൽ യുഡിഎഫിന്റെ അമിത ആത്മവിശ്വാസം സിപിഎമ്മിന് ഗുണം ചെയ്തെന്ന് വിഡി സതീശൻ പറഞ്ഞു. ഐഇ മലയാളം പോഡ്കാസ്റ്റ് പരിപാടി വർത്തമാനത്തിലാണ് വിഡി സതീശൻ തന്റെ അഭിപ്രായങ്ങൾ പങ്കുവെച്ചത്.

"രണ്ടാമതും പിണറായി സർക്കാർ അധികാരത്തിൽ എത്തിയതിന് നിരവധി കാരണങ്ങളുണ്ടായിരുന്നു. അതിലൊന്ന് യുഡിഎഫിനുള്ളിൽ കൃത്യമായ തയ്യാറെടുപ്പ് ഉണ്ടായിരുന്നില്ല. 2019-ലെ ലോക്സഭാ തിരഞ്ഞെടുപ്പിൽ ഇരുപതിൽ പത്തൊൻപത് സീറ്റും ലഭിച്ചപ്പോൾ നിയമസഭയിലും വിജയം ആവർത്തിക്കുമെന്ന് വിശ്വസിച്ചു. ഇത് വിനയായി. അവയൊന്നും താൻ പോസ്റ്റ്മോർട്ടം ചെയ്യുന്നില്ല. കോവിഡ് സാഹചര്യങ്ങൾ ഉൾപ്പടെയുള്ള ഘടകങ്ങളും എൽഡിഎഫിന് ഗുണം ചെയ്തു"- വിഡി സതീശൻ പറഞ്ഞു. 

• കോൺഗ്രസിൽ ഗ്രൂപ്പുണ്ട്, അത് യാഥാർഥ്യമാണ്; വിഡി സതീശൻ
• അധികാരത്തിൽ എത്തണം അതാണ് മുഖ്യം: വിഡി സതീശൻ: VD Satheesan Podcast
• ഞാനടക്കം ഒരാളും മുഖ്യമന്ത്രി സ്ഥാനാർഥിയല്ല: വിഡി സതീശൻ
• പച്ചവെള്ളത്തിന് തീപിടിക്കുന്ന വർഗീയ കേരളത്തിലുണ്ട്; വിഡി സതീശൻ

"2024-ൽ  ലോക്സഭാ തിരഞ്ഞെടുപ്പിൽ യുഡിഎഫിന് ഇരുപതിൽ 18 സീറ്റ് ലഭിച്ചപ്പോൾ ഞാൻ മറ്റ് നേതാക്കളോട് പറഞ്ഞത് ഇത് മായ്ചുകളഞ്ഞേക്കാനാണ്.അല്ലെങ്കിൽ അടുത്ത തിരഞ്ഞെടുപ്പുകളിൽ ഇത് ഭാരമാകും". -സതീശൻ പറഞ്ഞു. കോൺഗ്രസിൻറെ തോൽവിക്ക് കാരണം ഗ്രൂപ്പുകളുടെ അതിപ്രസരമാണ്. ഗ്രൂപ്പുകൾ പാർട്ടിയെ നശിപ്പിച്ചു. കഴിഞ്ഞ 60 വർഷക്കാലത്തിനിടയിൽ ഗ്രൂപ്പുകളുടെ അതിപ്രസരം ഏറ്റവും കുറവുള്ള കാലമാണിത്. ഒരു സ്ഥലത്തും ഇപ്പോൾ ഗ്രൂപ്പ് യോഗങ്ങൾ പോലും ചേരാറില്ലെന്നും വിഡി സതീശൻ കൂട്ടിചേർത്തു. 

"വരുന്ന നിയമസഭാ തിരഞ്ഞെടുപ്പിൽ കോൺഗ്രസിന് നേരിടേണ്ടത് രണ്ട് കേഡർ പാർട്ടികളെയാണ്. സിപിഎമ്മിന് പഴയ കേഡർ സ്വഭാവമില്ലെങ്കിലും അവർക്കൊരു സംഘടനാ സംവിധാനമുണ്ട്. ബിജെപിക്ക് ആർഎസ്എസ് പിൻബലമുണ്ട്. ആൾക്കൂട്ട പാർട്ടിയെന്ന് ലേബൽ പണ്ട് മുതൽ കോൺഗ്രസിനുണ്ട്. അങ്ങനെയൊന്നും ഇനിയുള്ള കാലത്ത് തിരഞ്ഞെടുപ്പിനെ നേരിടാൻ ആകില്ല. ചിട്ടയായ പ്രവർത്തനം, കൃത്യമായ സംഘടനാ പ്രവർത്തനങ്ങൾ എന്നിവയിലൂടെ മാത്രമേ ഇനിയുള്ള കാലത്ത് വിജയിക്കാനാകു. അതിനായുള്ള തയ്യാറെടുപ്പിലാണ് കോൺഗ്രസ്. അതിനുള്ള ടീം ഞങ്ങൾക്കുണ്ട്"- വിഡി സതീശൻ പറഞ്ഞു. 

"കഴിഞ്ഞ മൂന്ന് വർഷമായി ഞങ്ങൾ ശ്രമിക്കുന്നത് കോൺഗ്രസിൻറെ തിരിച്ചുവരവിനാണ്. ഉപതിരഞ്ഞെടുപ്പ്, ലോക്സഭാ തിരഞ്ഞെടുപ്പ് എന്നിവയിലെ കോൺഗ്രസിന്റെ മിന്നും വിജയത്തിന് കാരണം ചിട്ടയായ സംഘടനാ പ്രവർത്തനം തന്നെയാണ്. സംഘടനാ വൈഭവത്തിലാണ് ഈ തിരഞ്ഞെടുപ്പുകളെല്ലാം വിജയിക്കാനായത്.  നിയമസഭയിലും ഇത് ആവർത്തിക്കാനാണ് ലക്ഷ്യമിടുന്നത്"- സതീശൻ പറഞ്ഞു. 

നിയമസഭാ തിരഞ്ഞെടുപ്പ് അടുത്തിരിക്കെ കേരളത്തിലെ മുതിർന്ന കോൺഗ്രസ് നേതാക്കളുമായി ഹൈക്കമാൻഡ് കഴിഞ്ഞാഴ്ച ഡൽഹിയിൽ കൂടിക്കാഴ്ച നടത്തിയിരുന്നു. നേതാക്കൾ അച്ചടക്കം പാലിക്കണമെന്നും പാർട്ടി ലൈനിൽ ഉറച്ചുനിൽക്കണമെന്നും ഹൈക്കമാൻഡ് നിർദേശം നൽകിയിരുന്നു. വ്യക്തിപരമായ അഭിപ്രായങ്ങൾ പരസ്യമായി പറയരുതെന്നും നേതാക്കൾക്ക് കർശന നിർദേശം നൽകിയിരുന്നു.

ഇന്ത്യൻ എക്‌സ്പ്രസ് ഡെപ്യൂട്ടി എഡിറ്റർ ലിസ് മാത്യു അവതരിപ്പിച്ച ഐഇ മലയാളം വർത്തമാനം പ്രഥമ പതിപ്പിൽ ശശി തരൂർ അതിഥിയായി പങ്കെടുത്തതിന് തൊട്ടുപിന്നാലെയാണ് ഹൈക്കമാൻസ് മുതിർന്ന നേതാക്കളുടെ യോഗം വിളിച്ചത്.പാർട്ടിക്ക് പുറത്തുനിന്നുള്ള വോട്ടുകൾ സമാഹരിക്കുവാൻ സംസ്ഥാനത്തെ കോൺഗ്രസിന് സാധിക്കണമെന്ന വർത്തമാനത്തിൽ തരൂർ അഭിപ്രായപ്പെട്ടിരുന്നു.

കേരളത്തിലെ തിരഞ്ഞെടുപ്പുമായി ബന്ധപ്പെട്ട ചോദ്യത്തിന് താൻ ഇതു വരെ അതിൽ ഒരു പ്രത്യേക നിലപാട് എടുത്തിട്ടില്ല എന്നും പാർട്ടിയുടെയും ജനങ്ങളുടെയും ആവശ്യങ്ങൾ പരിഗണിക്കേണ്ടതുണ്ടെന്നും ശശി തരൂർ അഭിപ്രായപ്പെട്ടിരുന്നു.

Read More

• Shashi Tharoor Podcast:"ഞാൻ മോഹൻ ഭാഗവതിനോട് പറഞ്ഞു, ‘സർ, ഇത് എന്റെ ഹിന്ദു മതമല്ല.’ അദ്ദേഹം പറഞ്ഞു, ‘എന്റേതും അല്ല’: ശശി തരൂർ
• Shashi Tharoor Podcast: ഞാൻ ചെയ്യുന്ന എന്തിലും കുറ്റം കണ്ടെത്തുന്നവർ തുടക്കം മുതൽ എന്റെ സ്വന്തം പാർട്ടിയിലുണ്ട്: ശശിതരൂർ
• Shashi Tharoor Podcast: ജ്യോതിഷിയല്ല, ഭാവിയിൽ എന്താണ് സംഭവിക്കാൻ പോകുന്നതെന്ന് എനിക്കറിയില്ല: ശശി തരൂർ
• Shashi Tharoor Podcast: കമ്മ്യൂണിസ്റ്റുകാർ എപ്പോഴും പുതിയത് എന്തിനെയും എതിർക്കുന്നു, 15 വർഷത്തിന് ശേഷം അതിനെ സ്വീകരിക്കുന്നു: ശശി തരൂർ