Shashi Tharoor Podcast: കമ്മ്യൂണിസ്റ്റുകാർ എപ്പോഴും പുതിയത് എന്തിനെയും എതിർക്കുന്നു, 15 വർഷത്തിന് ശേഷം അതിനെ സ്വീകരിക്കുന്നു: ശശി തരൂർ

Shashi Tharoor Controversial Podcast: "കമ്മ്യൂണിസ്റ്റുകളുടെ കാലഹരണപ്പെട്ട പ്രത്യയശാസ്ത്രത്തെയും ഞാൻ എതിർത്തിട്ടുണ്ട്. അതായത്, അവർ എപ്പോഴും പുതിയതെന്തിനെയും എതിർക്കുന്നു. കമ്പ്യൂട്ടറുകൾ വന്നപ്പോൾ, അവർ എൽഐസി ഓഫീസുകളിൽ പോയി അവ അടിച്ചു തകർത്തു. മൊബൈൽ ഫോണുകൾ വന്നപ്പോൾ, അതൊരു മുതലാളിത്ത കളിപ്പാട്ടമാണെന്നും ഉപയോഗിക്കരുതെന്നും അവർ പറഞ്ഞു. അതുപോലെ, കമ്മ്യൂണിസ്റ്റുകാർ 10-15 വർഷത്തേക്ക് എല്ലാത്തിനെയും എതിർക്കുന്നു, പിന്നീട് അവർ അത് സ്വീകരിക്കുന്നു," ഐ ഇ മലയാളം ആരംഭിച്ച പുതിയ പോഡ്കാസ്റ്റ് 'വർത്തമാന'ത്തിൽ എഴുത്തുകാരനും തിരുവനന്തപുരം എം പിയും കോൺഗ്രസ് പ്രവർത്തകസമിതിയംഗവുമായ ശശി തരൂർ പറഞ്ഞു.

"ഇപ്പോൾ, കമ്മ്യൂണിസ്റ്റ് ഓഫീസുകളിൽ കമ്പ്യൂട്ടറുകൾ കാണാം, എല്ലാ കമ്മ്യൂണിസ്റ്റ് നേതാക്കളുടെയും പോക്കറ്റിൽ ഒരു ഫോണുണ്ടാകും," തരൂർ കൂട്ടിച്ചേർത്തു.

"സ്വകാര്യ സർവകലാശാലകളെ അവർ എതിർത്തു. ഇപ്പോള്‍ അവര്‍ പറയുന്നത് സ്വകാര്യ സര്‍വകലാശാലകള്‍ കേരളത്തിന് നല്ലതാണെന്നാണ്. പക്ഷേ അവർക്ക് വിദേശ സർവകലാശാലകൾ വേണ്ട. അഞ്ച് വർഷം തരൂ, അവർ വിദേശ സർവകലാശാലകൾക്ക് വേണ്ടി വാദിക്കുമെന്ന് ഞാൻ ഉറപ്പ് നൽകുന്നു. അവർ തുടക്കത്തിൽ എല്ലാറ്റിനെയും എതിർക്കും. ഞാൻ അവരെ കുറ്റപ്പെടുത്തുന്നില്ല."

Read More

• ജ്യോതിഷിയല്ല, ഭാവിയിൽ എന്താണ് സംഭവിക്കാൻ പോകുന്നതെന്ന് എനിക്കറിയില്ല: ശശി തരൂർ
• പാർട്ടിക്ക് വേണ്ടെങ്കിൽ, ഞാൻ എന്റെ വഴിക്ക് പോകും: ശശി തരൂർ