തട്ടിക്കൂട്ടേണ്ട, പത്ത് മിനിറ്റിൽ റെഡിയാക്കാം ഈ സിംപിൾ തക്കാളി കറി

ചോറിനൊപ്പം പരിപ്പും, സാമ്പാറും, സാലഡുമൊന്നും ഇഷ്ടമല്ലേ? പക്ഷേ കുറെ സമയം കളഞ്ഞ് അടുക്കള പണിക്ക് മുതിരാനും പറ്റില്ലെന്നുണ്ടോ?  എങ്കിൽ അധികമൊന്നും വേണ്ട ഒരു തക്കാളി അരച്ചെടുക്കാം, നാവിൽ കൊതിയൂറുന്ന കറി തയ്യാറാക്കാം. ചോറിനും ചപ്പാത്തിക്കും ദോശയ്ക്കും കഴിക്കാവുന്നതാണ് ഈ തക്കാളി കറി. വളരെ കുറച്ച് മസാല ചേർത്ത് പത്ത് മിനിറ്റിൽ തയ്യാറാക്കിയെടുക്കാം.

ചേരുവകൾ

• തക്കാളി- 8
• സവാള- 5
• എണ്ണ- ആവശ്യത്തിന്
• കടലമാവ്- 2 ടീസ്പൂൺ
• വെള്ളം- ആവശ്യത്തിന്
• ഉപ്പ്
• മഞ്ഞൾപ്പൊടി
• ഗരംമസാല
• വെള്ളം- 3 കപ്പ്
• മല്ലിയില

തയ്യാറാക്കുന്ന വിധം

• 8 തക്കാളി നന്നായി കഴുകി തൊലി കളഞ്ഞെടുക്കാം.
• അത് ചെറിയ കഷ്ണങ്ങളാക്കി അരച്ച് മാറ്റി വയ്ക്കാം.
• അടി കട്ടിയുള്ള ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിച്ചു തിളപ്പിക്കാം.
• ഇടത്തരം വലിപ്പമുള്ള സവാള അഞ്ചെണ്ണം കട്ടികുറച്ച് അരിഞ്ഞത് ചേർത്തു വഴറ്റാം.
• സവാളയുടെ നിറം മാറി വരുമ്പോൾ തക്കാളി അരച്ചതും ചേർത്തു വേവിക്കാം.
• ഒരു ചെറിയ ബൗളിൽ രണ്ട് ടീസ്പൂൺ കടലമാവെടുക്കാം.
• അതിലേയ്ക്ക് കുറച്ച് വെള്ളം ഒഴിച്ച് കലക്കിയെടുക്കാം.
• ഇത് അടുപ്പത്തു വച്ചിരിക്കുന്ന പാനിൽ ഒഴിച്ചിളക്കാം.
• ആവശ്യത്തിന് ഉപ്പ്, മഞ്ഞൾപ്പൊടി, ഗരംമസാല എന്നിവ ചേർത്ത് അൽപം വെള്ളം കൂടി ഒഴിച്ച് അടച്ചു വച്ച് തിളപ്പിക്കാം.
• തിളച്ച് കുറുകിയ കറിയിലേയ്ക്ക് മല്ലിയില ചേർത്ത് അടുപ്പണയക്കാം. ഇനി ചൂടോടെ ഈ കറി വിളമ്പി ചോറിനൊപ്പം കഴിച്ചു നോക്കൂ. 

Read More:

• ചെറുപഴം ഒരെണ്ണം മതി, കിടിലൻ ഡെസേർട്ട് തയ്യാറാക്കാം 2 മിനിറ്റിൽ
• ചോറുണ്ണാൻ കൊതിക്കും ഈ അച്ചാറിൻ്റെ രുചി അറിഞ്ഞാൽ
• 5 മിനിറ്റിൽ പൊറോട്ട റെഡി, ഇനി തട്ടുകടയിൽ പോയി സമയം കളയേണ്ട
• അരിപ്പൊടിയും ഗോതമ്പ് പൊടിയും നനച്ചെടുക്കേണ്ട, പുട്ട് സോഫ്റ്റും രുചികരവുമാക്കാൻ ഒരു വിദ്യയുണ്ട്
• റവ തികഞ്ഞില്ലെങ്കിൽ ഉപ്പുമാവ് ഇനി ഇങ്ങനെ തയ്യാറാക്കാം
• അടുക്കളയിൽ ബാക്കി വന്ന കറികൾ കൊണ്ട് രുചികരമായി ബ്രേക്ക്ഫാസ്റ്റ് ഒരുക്കാം
• പഞ്ചസാര ചേർക്കാതെ കോൾഡ് കോഫി ഇങ്ങനെ തയ്യാറാക്കി നോക്കൂ
• കട്ലറ്റ് ക്രിസ്പിയായി വറുക്കാം, ഈ ഒരു ചേരുവ ഉപയോഗിക്കൂ
• തട്ടിക്കൂട്ടാണെങ്കിലും സംഗതി കിടിലനാണ്, ഒരു തക്കാളിയും സവാളയും മതിയാകും
• പുട്ട് ഇനി കൂടുതൽ സോഫ്റ്റാകും ഈ ചേരുവ ഉണ്ടെങ്കിൽ
• നാടൻ ചമ്മന്തിച്ചോറ് കഴിച്ചിട്ടുണ്ടോ? ഇനി ഊണിന് വേറെ കറികളൊന്നും വേണ്ട
• ഡയറ്റിലാണോ? എങ്കിൽ ട്രൈ ചെയ്യൂ ഈ പ്രോട്ടീൻ സാലഡ്
• ഇപ്പോൾ നിങ്ങളുടെ മുന്നിലിരിക്കുന്നതാണ് സ്വാദിഷ്ടമായ ചിക്കൻ റോസ്റ്റ്, ലാലേട്ടൻ്റെ റെസിപ്പി ട്രൈ ചെയ്യൂ