തേൻതുള്ളി മധുരമുള്ള ഗുലാബ് ജാമുൻ തയ്യാറാക്കാൻ റവ മതി

നോർത്തിന്ത്യൻ സ്പെഷ്യൽ മധുര പരഹാരമാണ് ഗുലാബ് ജാമുൻ. ഒരു തവണ കഴിച്ചാൽ വീണ്ടും കൊതിപ്പിക്കുന്നത്ര രുചിയാണതിന്. നാവിൽ തൊട്ടാൽ അലിയുന്നത്ര സോഫ്റ്റായ ഗുലാബ് ജാമുൻ വീട്ടിൽ തയ്യാറാക്കി കഴിച്ചാലോ? അതിന് റെഡി ടു കുക്ക് പായ്ക്കറ്റുകൾ വാങ്ങാൻ പോകേണ്ട. കുറച്ച് റവയും പാലും പഞ്ചസാരയും ഉണ്ടെങ്കിൽ മിനിറ്റുകൾക്കുള്ളിൽ വീട്ടിൽ തയ്യാറാക്കാം. സ്കൂൾ വിട്ടെത്തുന്ന കുട്ടികൾക്കും, മധുരം കഴിക്കാൻ കൊതിക്കുന്ന കുട്ടികൾക്കും ഇത് നൽകാം. 

ചേരുവകൾ

• പഞ്ചസാര- 1 കപ്പ്
• വെള്ളം- 1 1/2 കപ്പ്
• നെയ്യ്- 1 ടീസ്പൂൺ
• റവ- 1/2 കപ്പ്
• പാൽ- 1 1/2 കപ്പ്
• ബേക്കിങ് സോഡ- ആവശ്യത്തിന്
• പാൽപ്പൊടി- 2 ടേബിൾസ്പൂൺ
• എണ്ണ- ആവശ്യത്തിന്

തയ്യാറാക്കുന്ന വിധം

• ഒരു പാൻ അടുപ്പിൽ വച്ച് ഒന്നര കപ്പ് വെള്ളത്തിലേക്ക് ഒരു കപ്പ് പഞ്ചസാര ചേർത്ത് അലിയിക്കാം.
• പഞ്ചസാര ലായനി വെള്ളം വറ്റി കട്ടിയായി വരുമ്പോൾ അടുപ്പിൽ നിന്നും മാറ്റി തണുക്കാൻ വയ്ക്കാം.
• മറ്റൊരു പാൻ അടുപ്പിൽ വച്ച് ഒരു ടീസ്പൂൺ നെയ്യ് ചേർത്ത് ചൂടാക്കാം.
• അതിലേക്ക് അര കപ്പ് റവ ചേർത്തു വറുക്കാം.
• ഒന്നര കപ്പ് പാൽ ചേർത്ത് നന്നായി ഇളക്കി യോജിപ്പിക്കാം.
• പാൽ വറ്റി റവ സോഫ്റ്റായി വരുമ്പോൾ അടുപ്പണച്ച് അൽപ്പം ബേക്കിങ് സോഡ, രണ്ട് ടേബിൾസ്പൂൺ പാൽപ്പൊടി, കുറച്ച് ഏലയ്ക്ക പൊടിച്ചത് എന്നിവ ചേർത്തിളക്കി യോജിപ്പിക്കാം.
• തയ്യാറാക്കിയ മാവിൽ നിന്നും​ കുറച്ചു വീതം എടുത്ത് ചെറിയ ഉരുളകളാക്കാം.
• അടി കട്ടിയുള്ള ഒരു പാത്രം അടുപ്പിൽ വച്ച് ആവശ്യത്തിന് എണ്ണയൊഴിച്ചു ചൂടാക്കാം.
• അതിലേക്ക് ഉരുളകൾ ചേർത്തു വറുക്കാം.
• വറുത്തെടുത്ത ഉരുളകൾ പഞ്ചസാര ലായിനിയിലേക്കു ചേർത്ത് അൽപ സമയം മാറ്റി വയ്ക്കാം. ശേഷം കൊതിയോടെ കഴിച്ചു നോക്കാം. 

Read More

• മാവ് അരയ്ക്കാൻ മറന്നോ? ടെൻഷൻ വേണ്ട, ഈ ദോശ റെസിപ്പി ട്രൈ ചെയ്യാം
• ഉള്ളി വട ക്രിസ്പിയും രുചികരവുമാക്കാൻ ഈ ചേരുവകൾ ഉപയോഗിക്കാം
• ഊണ് കേമമാക്കാൻ ചുവന്നുള്ളിയും വറ്റൽമുളകും, സിംപിളാണ് റെസിപ്പി
• മുട്ടയും ഓവനും വേണ്ട, ഒരു സ്പൂൺ കാപ്പിപ്പൊടിയിൽ റെഡിയാക്കാം കിടിലൻ പുഡ്ഡിംഗ്
• ചൂടത്ത് കൂളാകാൻ സംഭാരം തയ്യാറാക്കാം തൈരില്ലാതെ
• കാഴ്ചയിൽ ഇടിയപ്പം, രുചിയിൽ ശ്രീലങ്കൻ ലാവാരിയ
• ആവി പറക്കും ചൂടൻ ചായക്കൊപ്പം ഗോവൻ സ്പെഷ്യൽ കട്ലറ്റ്
• ദിവസവും ഒരേ ബ്രേക്ക്ഫാസ്റ്റ് മടുത്ത് തുടങ്ങിയോ? സേമിയ ഇഡ്ഡലി ട്രൈ ചെയ്യൂ
• തേങ്ങ ചിരകി കഷ്ടപ്പെടേണ്ട, ചമ്മന്തി ഇങ്ങനെ തയ്യാറാക്കിയാൽ ദിവസങ്ങളോളം ഉപയോഗിക്കാം
• ഉന്മേഷദായകം ഈ ലെമൺ ടീ, എത്ര കുടിച്ചാലും മതിവരില്ല
• പ്രമേഹ പേടി വേണ്ട, മതിവരുവോളം കഴിക്കാം ഈ ഹെൽത്തി ലഡ്ഡു
• മുളക് ഉപയോഗിക്കുമ്പോൾ ഈ വിദ്യകൾ കൂടി അറിഞ്ഞോളൂ
• അരി കുതിർക്കേണ്ട, തൂവെള്ള നിറത്തിൽ സോഫ്റ്റ് വട്ടയപ്പം ഇനി സിംപിളായി തയ്യാറാക്കാം
• ബ്രേക്ക്ഫാസ്റ്റ് സ്വാദിഷ്ടവും ആരോഗ്യപ്രദവുമാക്കാം, റോൾഡ് ഓംലെറ്റ് കഴിച്ചു നോക്കൂ
• ബാക്കി വന്ന ചോറ് കളയരുതേ... ഇനി ഇങ്ങനെ ചെയ്തെടുത്താൽ മതി
• മുരിങ്ങയില തോരൻ രുചികരമാക്കാൻ ഈ ഒരു ചേരുവ മതി