മുളക് ഉപയോഗിക്കുമ്പോൾ ഈ വിദ്യകൾ കൂടി അറിഞ്ഞോളൂ

എരിവുള്ള വിഭവങ്ങൾ തയ്യാറാക്കാൻ മുളകുപൊടി, അല്ലെങ്കിൽ പച്ചമുളകോ കുരുമുളകോ ഉപയോഗിച്ചതിനു ശേഷം കൈയ്യിൽ പൊള്ളുന്നതു പോലെ അനുഭവപ്പെടാറുണ്ടോ?

മുളകിൽ അടങ്ങിയിരിക്കുന്ന കാപ്സൈസിൻ ആണ് ഇതിന് കാരണം. പാചകം ചെയ്യുമ്പോഴും, ഭക്ഷണം കഴിക്കുമ്പോഴും ഈ പ്രശ്നം ബുദ്ധിമുട്ടിച്ചേക്കാം. ഇതിന് ഉടനടി പരിഹാരം കാണാൻ വഴിയുണ്ട്.

വിനാഗിരി അല്ലെങ്കിൽ നാരങ്ങ

അസിഡിക് ആയിട്ടുള്ള ലായനികൾ കാപ്സൈസിൻ നിർവീര്യമാക്കും. വിനാഗിരിയിലോ അല്ലെങ്കിൽ നാരങ്ങാനീരിലോ കൈകൾ മുക്കി വയ്ക്കാം. തുടർന്ന് സോപ്പ് ഉപയോഗിച്ച് കഴുകി കളയാം.

എണ്ണ

കാപ്സൈസിൻ എണ്ണയിൽ ലയിക്കും. അതിനാൽ പുകച്ചിൽ അനുഭവപ്പെടുമ്പോൾ വെളിച്ചെണ്ണയോ അല്ലെങ്കിൽ ഒലിവ് എണ്ണയോ കൈയ്യിൽ പുരട്ടാം.

തണുപ്പിക്കാം

കാപ്സൈസിൻ ചൂടേറ്റ് പൊള്ളുന്നതു പോലെയുള്ള അനുഭൂതിയാണ് തോന്നിക്കുന്നത്. ഇത് കുറയ്ക്കാൻ തണുത്ത വെള്ളത്തിൽ മുക്കി വച്ചാൽ മതിയാകും. അല്ലെങ്കിൽ ഒരു തുണിയിൽ ഐസ് ക്യൂബ് പൊതിഞ്ഞ് കൈയ്യിൽ വയ്ക്കാം.