ബാക്കി വന്ന ചോറ് കളയരുതേ... ഇനി ഇങ്ങനെ ചെയ്തെടുത്താൽ മതി

അടി കട്ടിയുള്ള ഒരു പാത്രം അടുപ്പിൽ വച്ച് ആവശ്യത്തിന് എണ്ണ ചേർത്ത് ചൂടാക്കാം. അതിലേക്ക് സവാള, ഇഞ്ചി, വെളുത്തുള്ളി, എന്നിവ ചേർത്ത് വേവിക്കാം.

ആവശ്യത്തിന് കറിവേപ്പില കൂടി ചേർത്തോളൂ. സവാള വെന്തതിനു ശേഷം തക്കാളി ചെറിയ കഷ്ണങ്ങളായി അരിഞ്ഞതു ചേർത്ത് വഴറ്റാം.

ഒരു നുള്ള് മഞ്ഞൾപ്പൊടി, ആവശ്യത്തിന് ഉപ്പ്, ചിക്കൻ മസാല എന്നിവ ചേർത്തിളക്കി യോജിപ്പിക്കാം.

ഇതിലേക്ക് ഒരു മുട്ട പൊട്ടിച്ചൊഴിച്ചിളക്കാം. എരിവിനനുസരിച്ച് കുരുമുളകുപൊടി ചേർക്കാം.

വേവിച്ച ചോറ് കൂടി ചേർത്തിളക്കി യോജിപ്പിക്കാം. ഇനി ചൂടോടെ വിളമ്പി കഴിച്ചു നോക്കൂ.