ആവി പറക്കും ചൂടൻ ചായക്കൊപ്പം ഗോവൻ സ്പെഷ്യൽ കട്ലറ്റ്

ചെമ്മീൻ വിഭവങ്ങളുടെ രുചി തികച്ചും വ്യത്യസ്തമാണ്. ഉണക്ക ചെമ്മീൻ ചമ്മന്തിയും, പൊടിയും, തീയലുമൊക്കെ എന്നും പ്രിയപ്പെട്ടവ തന്നെ. പച്ച ചെമ്മീൻ ഉപയോഗിച്ചും ഇങ്ങനെ രുചികരമായ കറികൾ തയ്യാറാക്കാം. എന്നാൽ ചെമ്മീൻ ഉപയോഗിച്ച് പലഹാരങ്ങൾ തയ്യാറാക്കാറുണ്ടോ?. 

ഗോവൻ സ്പെഷ്യൽ കട്ലറ്റിനെ കുറിച്ച് അറിയാമോ? ചെമ്മീനാണ് പ്രധാന ചേരുവ. കറി തയ്യാറാക്കി ബാക്കി വന്ന ചെമ്മീൻ ഇതിന് ഉപയോഗിച്ചാൽ മതി.

ചേരുവകൾ

• ചെമ്മീൻ 
• ഉപ്പ്
• മഞ്ഞൾപ്പൊടി
• ഗരംമസാല
• ഇഞ്ചി
• പച്ചമുളക്
• ഉരുളക്കിഴങ്ങ്
• സവാള
• മല്ലിയില
• നാരങ്ങ
• റവ
• മുട്ട

View this post on Instagram

A post shared by Hamna✨ (@tale_f_yumm)

തയ്യാറാക്കുന്ന വിധം

• ഒരു പാൻ അടുപ്പിൽ വെച്ച് അൽപം എണ്ണയൊഴിച്ചു ചൂടാക്കിയതിലേയ്ക്ക്  രണ്ടോ മൂന്നോ സവാള ചെറുതായി അരിഞ്ഞതു ചേർത്തു വഴറ്റാം.
• ആറോ എട്ടോ വെളുത്തുള്ളി അല്ലിയും അൽപ്പം ഇഞ്ചിയും,  രണ്ടോ മൂന്നോ പച്ചമുളകും അരച്ചത് ഒരു ടേബിൾസ്പൂൺ ഇതിലേയ്ക്ക് ചേർത്തിളക്കാം.
• ശേഷം ഒരു ടേബിൾ സ്പൂൺ ഗരം മസാല, അര ടീസ്പൂൺ മഞ്ഞൾപ്പൊടി, ആവശ്യത്തിന് ഉപ്പ് എന്നിവയും, നന്നായി കഴുകി വൃത്തിയാക്കിയ ചെമ്മീൻ അരച്ചത് ഒരു കപ്പും ചേർത്തിളക്കാം.
• മറ്റൊരു ബൗളിലേയ്ക്കിതു മാറ്റി രണ്ട് ഉരുഴക്കിഴങ്ങ് വേവിച്ചതും, അൽപ്പം മല്ലിയിലയും, ഒരു നാരങ്ങ പകുതി പിഴിഞ്ഞ നീരും ചേർത്തിളക്കാം.
• ഒരു പാൻ​ അടുപ്പിൽ വെച്ച് ആവശ്യത്തിന് എണ്ണയൊഴിച്ച് തയ്യാറാക്കിയ മാവ് ഇഷ്ട്ടപ്പെട്ട ആകൃതിയിൽ ഉരുട്ടി ബ്രെഡ് പൊടിച്ചതിലും ( അല്ലെങ്കിൽ റവ) ഒന്നോ രണ്ടോ മുട്ട പൊട്ടിച്ചൊഴിച്ചതിലും മുക്കി എണ്ണയിൽ വറുത്തെടുക്കാം. ചൂടേടെ കഴിക്കാൻ അടിപൊളിയാണ് ഈ ചെമ്മീൻ കട്ലറ്റ്.

Read More

• ദിവസവും ഒരേ ബ്രേക്ക്ഫാസ്റ്റ് മടുത്ത് തുടങ്ങിയോ? സേമിയ ഇഡ്ഡലി ട്രൈ ചെയ്യൂ
• തേങ്ങ ചിരകി കഷ്ടപ്പെടേണ്ട, ചമ്മന്തി ഇങ്ങനെ തയ്യാറാക്കിയാൽ ദിവസങ്ങളോളം ഉപയോഗിക്കാം
• ഉന്മേഷദായകം ഈ ലെമൺ ടീ, എത്ര കുടിച്ചാലും മതിവരില്ല
• പ്രമേഹ പേടി വേണ്ട, മതിവരുവോളം കഴിക്കാം ഈ ഹെൽത്തി ലഡ്ഡു
• മുളക് ഉപയോഗിക്കുമ്പോൾ ഈ വിദ്യകൾ കൂടി അറിഞ്ഞോളൂ
• അരി കുതിർക്കേണ്ട, തൂവെള്ള നിറത്തിൽ സോഫ്റ്റ് വട്ടയപ്പം ഇനി സിംപിളായി തയ്യാറാക്കാം
• ബ്രേക്ക്ഫാസ്റ്റ് സ്വാദിഷ്ടവും ആരോഗ്യപ്രദവുമാക്കാം, റോൾഡ് ഓംലെറ്റ് കഴിച്ചു നോക്കൂ
• ബാക്കി വന്ന ചോറ് കളയരുതേ... ഇനി ഇങ്ങനെ ചെയ്തെടുത്താൽ മതി
• മുരിങ്ങയില തോരൻ രുചികരമാക്കാൻ ഈ ഒരു ചേരുവ മതി
• കൊടുങ്ങല്ലൂർ സ്പെഷ്യൽ ചേമ്പപ്പം, കാണാൻ രസകരം രുചിയിൽ കേമൻ
• ഉന്നക്കായ പെർഫക്ടായി ഉണ്ടാക്കാം 10 മിനിറ്റിൽ