സോളോയിലെ ദുൽഖറിൻ്റെ നായിക ഇനി വിശാലിൻ്റെ സോൾമേറ്റ്

ഏറെ നാളായുള്ള അഭ്യൂഹങ്ങൾക്കു പിന്നാലെ വിശാൽ പൊതുവേദിയിൽ തൻ്റെ പ്രണയം തുറന്നു പറഞ്ഞിരിക്കുന്നു. പ്രണയത്തിലാണെന്നും ഉടൻ വിവാഹിതനാകുമെന്നും അടുത്തിടെ മാധ്യമങ്ങളോട് സൂചിപ്പിച്ചിരുന്നെങ്കിലും വധു ആരെന്ന്  വെളിപ്പെടുത്തിയിരുന്നില്ല. 

47-ാം വയസ്സിലാണ് തമിഴ് നടൻ വിശാൽ സൗത്തിന്ത്യൻ നടിയായ സായ് ധൻസികയെ വിവാഹം ചെയ്യാൻ ഒരുങ്ങുന്നത്. ധൻസിക നായികയായെത്തുന്ന 'യോഗി ഡാ' എന്ന ചിത്രത്തിൻ്റെ ഓഡിയോ ലോഞ്ചിനിടയിൽ ഇരുവരും ഒരുമിച്ചാണ് വിവാഹത്തെ കുറിച്ച് മാധ്യമങ്ങളോട് പറഞ്ഞത്. ആഗസ്റ്റ് 29നാണ് വിശാലും സായ് ധൻസികയും വിവാഹിതരാകുന്നത്.

#Vishal - #SaiDhanshika Wedding on August 29, 2025 💐

pic.twitter.com/pvC4c1RGNd

— Prakash Mahadevan (@PrakashMahadev) May 19, 2025

15 വർഷം നീണ്ടു നിന്ന സൗഹൃദത്തിനൊടുവിലാണ് ഇരുവരും ഒന്നിക്കുന്നത്. 2006ൽ മഴൈക്കാലം എന്ന ചിത്രത്തിലൂടെയാണ് ധൻസിക അഭിനയ രംഗത്തെത്തിയത്.  ബിജോയ് നമ്പ്യാർ സംവിധാനം ചെയ്ത് ദുൽഖർ സൽമാൻ നായകനായെത്തിയ ആന്തോളജി ചിത്രം സോളോയിലെ ഒരു നായികയായി ധൻസിക മലയാളത്തിൽ അഭിനയിച്ചിട്ടുണ്ട്.  

തമിഴ് താരസംഘടനയായ നടികൾ സംഘത്തിൻ്റെ ജനറൽ സെക്രട്ടറിയാണ് നടൻ വിശാൽ. 2019ൽ  ഹൈദരാബാദ് സ്വദേശി അനിഷയുമായി റെഡ്ഡിയുമായി വിവാഹ നിശ്ചയം കഴിഞ്ഞുവെങ്കിലും അത് വിവാഹത്തിലേയ്ക്ക് എത്തിയില്ല. നടൻ ശരത്കുമാറിൻറെ മകളും പ്രശസ്ത നടിയുമായ വരലക്ഷ്മിയുമായി ദീർഘനാളത്തെ പ്രണയം വിവാഹത്തിലെത്താതെ അവസാനിച്ചു. 

Read More

• "ഞാൻ നായകനാകുന്ന എൻ്റെ അടുത്ത ചിത്രം"; ഫസ്റ്റ് ലുക്ക് പോസ്റ്റർ പങ്കുവച്ച് ഇന്ദ്രൻസ്
• ചോര വീണതുകൊണ്ട് പാട്ട് ഹിറ്റാവുമെന്ന് അവർ പറഞ്ഞു: സംവൃത സുനിൽ
• ഇണക്കുരുവികളായി മമ്മൂട്ടിയും സുൽഫത്തും; ഒരിക്കലും പറയപ്പെടാത്ത മഹത്തായ പ്രണയകഥയെന്ന് ദുൽഖർ
• അന്ന് ദുൽഖറിന്റെ കട്ട ഫാൻ; ഇന്ന് ഡിക്യു പടത്തിൽ അസിസ്റ്റന്റ്
• ആറാം തമ്പുരാനിൽ നിങ്ങൾ കണ്ടത് എന്നെ തന്നെ; ഒടുവിൽ ആ രഹസ്യം വെളിപ്പെടുത്തി ഉർവശി
• ഞാൻ അഭിനയിക്കുന്നത് എന്റെ മക്കൾക്ക് നാണക്കേടാ എന്നു പറഞ്ഞവർ ഇതു കാണൂ: രേണു സുധി
• ഏപ്രിലിൽ ഒടിടിയിൽ എത്തിയ 21 മലയാള ചിത്രങ്ങൾ
• "ഒരു കാലം തിരികെ വരും, ചെറുതൂവൽ ചിരി പകരും," കാത്തിരുന്ന ആ ചിത്രം പങ്കുവച്ച് മോഹൻലാൽ