മഞ്ഞുമ്മൽ ബോയ്സിന്റെ യാഥാർത്ഥ്യം അന്വേഷിക്കാൻ തമിഴ്നാട് പൊലീസ്

യഥാർത്ഥ സംഭവത്തെ ആസ്പദമാക്കി ചിദംബരം സംവിധാനം ചെയ്ത ചിത്രമാണ് 'മഞ്ഞുമ്മൽ ബോയ്സ്.' കേരളത്തിന് പുറത്ത് തമിഴ്നാട് അടക്കമുള്ള സംസ്ഥാനങ്ങളിൽ ചിത്രം വലിയ സ്വീകാര്യതയാണ് നേടിയത്. ഇപ്പോഴിതാ സിനിമയ്ക്ക് പിന്നിലെ യഥാർത്ഥ സംഭവത്തെക്കുറിച്ച് അന്വേഷണത്തിന് ഉത്തരവിറക്കിയിരിക്കുകയാണ് തമിഴ്നാട് ആഭ്യന്തര വകുപ്പ്.

18 വർഷം മുൻപ് കേരളത്തിലെ മഞ്ഞുമ്മൽ എന്ന സ്ഥലത്തുനിന്ന് തമിഴ്നാട്ടിലെ കൊടൈക്കനാലിലേക്ക് വിനോദസഞ്ചാരത്തിനായി എത്തുന്ന ചെറുപ്പക്കാരുടെ കഥയാണ് ചിത്രം പറയുന്നത്. കൊടൈക്കനാലിലെ പ്രശസ്തമായ ഗുണ കേവ്സിൽ പ്രവേശിക്കുന്ന സംഘത്തിലെ ഒരാൾ 120 അടി താഴ്ചയുള്ള കുഴിയിൽ അകപ്പെടുന്നതും, സംഘത്തിലെ ഒരാൾ സാഹസികമായി ഇയാളെ രക്ഷപെടുത്തുന്നതുമാണ് സിനിമയുടെ കഥ.

അപകടത്തെ തുടർന്ന് തമിഴ്‌നാട് പൊലീസിനോട് സഹായം അഭ്യർത്ഥിക്കുന്നതും അതികൃതരുടെ ഭാഗത്തുനിന്നുണ്ടാകുന്ന മോശം പെരുമാറ്റങ്ങളും സിനിമയിൽ ചിത്രീകരിച്ചിട്ടുണ്ട്. മഞ്ഞുമ്മൽ ബോയ്സ് ജനപ്രീതി നേടിയതോടെ പൊലീസിന്റെ നടപടികൾക്കെതിരെ വ്യാപക വിമർശനവും ഉയർന്നിരുന്നു, ഇപ്പോൾ, സംഭവത്തിൽ സമഗ്രമായ അന്വേഷണം നടത്താൻ തമിഴ്‌നാട് ആഭ്യന്തര സെക്രട്ടറി പി.അമുദയാണ് പൊലീസിന് നിർദേശം നൽകിയത്.

നിലമ്പൂർ സ്വദേശിയായ വി.ഷിജു എബ്രഹാം നൽകിയ പരാതിയെ തുടർന്നാണ് അന്വേഷണം. സംഭവം നടന്ന് വർഷങ്ങൾക്ക് ശേഷം അന്വേഷണം വേണ്ടെന്നാണ് യഥാർത്ഥ മഞ്ഞുമ്മൽ ബോയ്സ് പറയുന്നത്.

അന്ന് സംഘത്തിലുണ്ടായിരുന്നവരെ പൊലീസ് ഉപദ്രവിച്ചു എന്നത് സത്യമാണെങ്കിലും സിനിമ റിലീസായ ശേഷം ​ഗുണ കേവ്സ് സന്ദർശിച്ചപ്പോൾ പൊലീസും ഫോറസ്റ്റ് ഉദ്യോഗസ്ഥരും അന്നത്തെ സംഭവങ്ങളിൽ മാപ്പ് പറഞ്ഞുവെന്നും, വർഷങ്ങൾക്ക് ശേഷം കേസുകൊടുത്ത് ആരെയും ബുദ്ധിമുട്ടിക്കാൻ​ താല്പര്യമുല്ലെന്നും യഥാർത്ഥ മഞ്ഞുമ്മൽ സംഘം പറഞ്ഞു.

Read More Entertainment Stories Here

• Kodaikanal, Ooty e-Pass: മഞ്ഞുമ്മൽ ബോയ്സുകണ്ട് കൊടൈക്കനാലിലേക്ക് പോകുന്നോ? ഇ-പാസ് എങ്ങനെ എടുക്കാം?
• Manjummel Boys OTT: മഞ്ഞുമ്മൽ ബോയ്സ് ഒടിടിയിലേക്ക് എത്തുക ഈ ഡേറ്റിൽ, റിലീസ് തീയതി പ്രഖ്യാപിച്ച് ഹോട്ട്സ്റ്റാർ
• പണ്ടേ ആള് പുലിയാ, വൈറലായി മമിതയുടെ കോളേജ് ഡാൻസ്
• ജാൻവി കപൂറിന്റെ 44 കോടിയുടെ വീടുവാങ്ങാൻ പ്രചോദനമായത് ഷാരൂഖ് ഖാൻ: രാജ്കുമാർ റാവു
• 40 കോടി ബഡ്ജറ്റ്, ആദ്യദിനം 1.35 കോടി, നടികർ ബോക്സ് ഓഫീസ് കളക്ഷൻ ഇതുവരെ
• ചക്കിയുടെ കല്യാണം കൂടാൻ കാർത്തിക എത്തിയപ്പോൾ; ആ വട്ടപ്പൊട്ടിനും ചിരിക്കും ഒരുമാറ്റവുമില്ലെന്ന് ആരാധകർ
• ബാഹുബലി പ്രെമോഷ​ൻ ചെയ്തത് 'സീറോ ബഡ്ജറ്റിൽ;' വെളിപ്പെടുത്തി രാജമൗലി
• അവൾ ഒരു മരുമകളല്ല, അച്ഛനോടുള്ള സ്നേഹത്തെപ്പോലും ചിലർ പരിഹാസത്തോടെ കാണുന്നു: മനോജ് കെ. ജയൻ
• 45 വർഷമായി മാതൃകയായി തുടരുന്നവർ; വാപ്പച്ചിയ്ക്കും ഉമ്മയ്ക്കും ആശംസകളുമായി ദുൽഖർ
• 'പരം സുന്ദരി' പാടി മഞ്ജു; എയറിലാക്കി ആരാധകർ